Македонија
Возен ред на патнички возови за време на полициски час
Од Железници го соопштија планот за сообраќај на патничките возови во услови на ограничено движење со важност од 4.6.2020 година од 00:00 часот до 7.6.2020 до 24:00 часот.
Според планот, в четврток, 4.6.2020 година, возови кои нема да сообраќаат:
o релација Скопје – Гевгелија – Скопје:
1. воз бр. 631 со поаѓање од Скопје по возен ред во 16:55 часот.
o релација Скопје – Битола – Скопје:
1. воз бр. 643 со поаѓање од Скопје по возен ред, во 14:30 часот,
2. воз бр. 644 со поаѓање од Битола по возен ред во 18:27 часот, и
3. воз бр. 645 со поаѓање од Скопје по возен ред, во 20:11 часот.
o релација Скопје – Табановци – Скопје:
1. воз бр. 2024 со поаѓање од Скопје по возен ред, во 20:00 часот, и
2. воз бр. 2025 со поаѓање од Табановци по возен ред во 21:22 часот.
o релација Скопје – Велес:
1. воз бр. 2083 со поаѓање од Скопје по возен ред во 22:40 часот.
Возот бр. 651 на релација Скопје – Кочани со поаѓање од Скопје во 15:24 часот ќе сообраќа само до Велес.
Понеделник 8.6.2020 година
Возови кои нема да сообраќаат:
o релација Скопје – Гевгелија – Скопје:
1. воз бр. 630 со поаѓање од Гевгелија во 4:23 часот.
o релација Скопје – Битола – Скопје:
1. воз бр. 640 со поаѓање од Битола во 3:14 часот.
o релација Скопје – Табановци – Скопје:
1. воз бр. 2020 со поаѓање од Скопје по возен ред, во 3:57 часот, и
2. воз бр. 611 со поаѓање од Табановци во 5:15 часот.
o релација Кочани – Скопје:
1. воз бр. 650 со поаѓање од Кочани по возен ред во 5:26 часот.
• Во понеделник, 8.6.2020, на релација Скопје – Велес, ќе сообраќа ад-хок патнички воз со планирано поаѓање од Скопје во 5:45 часот и пристигнување во Велес во 6:30 часот, (како врска за воз бр. 600 од Велес).
• Во понеделник, 8.6.2020, на релација Велес – Скопје, воз бр. 600 ќе сообраќа со променет возен ред, со задоцнување од +97 мин. и поаѓање од Велес во 6:40 часот.
• Во понеделник, 8.6.2020, воз бр. 600 на релација Скопје – Табановци и воз бр. 611 на релација Скопје – Гевгелија, ќе сообраќаат по возен ред, од станица Скопје.
Возовите на релација Скопје – Кичево – Скопје нема да сообраќаат додека трае забраната за организиран превоз во полошкиот регион.
В петок, сабота и недела патничките возови нема да сообраќаат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од неколку скопски општини денеска без струја
Од ЕВН Македонија АД известуваат дека поради зафати во електродистрибутивната мрежа, денеска без електрична енергија ќе останат:
· од 04:00 до 08:00 часот, корисниците од населбите: Бутел и Север, општина Бутел, Топанско Поле и дел од Чаир, општина Чаир и Шуто Оризари и Визбегово, општина Шуто Оризари;
· од 07:30 до 15:30 часот, корисниците на булеварот Митрополит Теодосиј Гологанов, броеви од 49 до 53, како и објектите во околината на Поликлиника – Идадија, општина Центар;
· од 08:00 до 16:00 часот, корисниците од улицата Тодор Чангов, подулици бр. 10, 15 и 18, општина Аеродром;
· од 09:00 до 13:00 часот, корисниците од дел од улицата Финска, општина Гази Баба;
· од 11:00 до 14:00 часот, корисниците од улицата Крагујевачка бр. 9, општина Карпош;
Македонија
Сончево со мала до умерена облачност, максималната температура до 16 степени
Сончево со мала до умерена локална облачност. Ќе дува слаб до умерен, а наместа вдолж Повардарјето повремено засилен ветер од северен правец, особено претпладне. Минималната температура ќе биде во интервал од -4 до 5, а максималната ќе достигне од 9 до 16 степени.
Во Скопје, сончево со мала до умерена облачност. Ќе дува слаб до умерен ветер од северен правец. Минималната температура ќе се спушти до 0, а максималната ќе достигне до 14 степени.
Времето во наредните денови
До крајот на оваа и во почетокот на следната седмица нашето подрачје ќе се наоѓа во поле на висок воздушен притисок. Времето ќе биде сончево со мала до умерена облачност, освен во сабота кога ќе има зголемено наоблачување. Од петок по одделни котлини ќе има услови за појава на утринска магла.
Македонија
СДСМ некогаш беше државтворна партија, а сега се занимава со трач муабети, реагира движењето ЗНАМ
Движењето ЗНАМ за Наша Македонија реагираше на, како што наведуваат, обвинувањата од СДСМ, оценувајќи дека партијата „бега од одговорност со навреди, етикетирања и лични дискредитации“.
Во реакцијата, од ЗНАМ наведуваат дека СДСМ, наместо да понуди аргументи и одговори за кономската и институционалната состојба во државата, се занимава со „озборувања“ и „трач муабети“.
Партијата оценува дека СДСМ, која некогаш беше државотворна партија, денес е сведена на фабрика за навреди, конструкции и политички отров, како и дека со улична реторика покажува нервоза и очај.
Од ЗНАМ нагласуваат дека движењето не е ничја квислиншка група, туку автентична политичка сила создадена од граѓани разочарани од владеењето на СДСМ.
Во реакцијата се споменува и периодот на владеење на Зоран Заев, при што се изнесуваат критики за, како што наведуваат, националните политики и управувањето со државата. Се споменува и поранешниот министер за здравство Венко Филипче, при што се посочуваат, како што стои во реакцијата, контроверзии и сомнежи за тендери и набавки.
„Политиките на Зоран Заев останаа запаметени како период во кој националните интереси се ставаа на распродажба без јасен консензус и без чувство за државничка мерка. Со рачето на срце се промовираше како чесен и достоинствен, а всушност државата ја претвори во сопствен приватен бизнис. Симболиката на „едно евро за Вицето, едно за црквата“, беше само дел што нештото го докажува. Ги распродадоа македонските национални позиции на ангро, без јасна стратегија и без поддршка, ја разнишаа довербата во институциите и ја продлабочија поделбата во општеството. И по сето тоа, истите тие кругови, истото тоа раководство, се обидуваат да зборуваат за морал и одговорност, како граѓаните да немаат паметење. Во периодот кога со здравството раководеше Венко Филипче, јавноста беше сведок на низа контроверзии, сомнежи за тендери, набавки и прашања на кои никогаш не доби целосни и транспарентни одговори. Златни визи, сомнителни бизнис релации и повластени шеми, сето тоа се случуваше во време кога СДСМ ветуваше „живот за сите“, а испорача привилегии за малкумина“, велат од ЗНАМ.
Од ЗНАМ дополнително оценуваат дека опседнатоста на СДСМ со наративи за т.н. ‘српски свет’ и со случувањата во соседна држава и нивната постојана потреба да отвораат фронтови и да се караат со сите, од политички партии до новинарие прашање што партијата треба да го решава во сопствени рамки.

