Македонија
„Војводо“, „Никола врати се назат“ – поддржувачите на Груевски го бодрат по објавата на пресудата

„Не те даваме, И 100 години да те осудат, тоа нема да го смени фактот дека ТИ си таткото на модерна Македонија“, „Ќе бидеш запишан во историјата како позитивна личност колку што те напаѓаат повеќе си по авторитетен главата горе“, „Главата горе Претседателе“… Ова се пораките кои десетици граѓани му ги напишаа на експремиерот Никола Груевски на неговата фан-страница на „Фејсбук“. Со големи букви, многу правописни грешки и нагласена интерпункција, граѓаните му искажаа поддршка на експремиерот по изречената пресуда за случајот „Тенк“.
„Поддршка и многу скоро да се врати државата на народот, нашата Македонија е киднапирана и уценета држава!!!“… „И вие клававте по некој денар на страна.. Ама барем гледавте и за народот! Овие ветуваа ЖИВОТ, а веќе ЖИВОТОТ ЗА ПОЛА ИМ ГО СКРАТИЈА НА НАРОДОТ! Ке дојде денот на клањање ,,Никола врати се НАЗАТ“.
„Биди силен Војводо , и други Војводи поминале низ пекол но не биле заборавени, секогаш нивната храброст ке остане во Македонската историја“. „Секогаш и од памтивек жртви за Мк биле правите Македонци. Овој пат тоа сте ВИЕ ГОЛЕМ МАКЕДОНЕЦУ. Горди сме што Ве имаме жив“, „Вас ве кршат за да можат нас да не скршат, издржете нема да им успее, нема да се откажеме нема да се предадеме“, „Прецедателе имас голема подрашка од сите нас и сите краиста на Македонија за жал сите сто ја сакат оваа дрзава ги осудувааат зосто си ја сакат МАКЕДОНИЈА“…
Почесниот лидер на ВМРО-ДПМНЕ вчера се огласи на „Фејсбук“ по објавувањето на пресудата против него за случајот „Тенк“ на СЈО. Користејќи дел од негово обраќање на предизборен митинг, тој ги повика македонските граѓани да ја кренат главата и да не забораваат дека ова е земја на сите кои живеат во неа и ничија друга и им порача дека доаѓаат подобри времиња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ослободена од стапица мечка во Ресенско

Регионалниот ЦУК Битола, известува дека преку Единствениот број за итни случаи 112 во ЦУК била добиена пријава за заробено диво животно како последица од поставена криволовна замка во атарот на помеѓу селата Љубојно и Брајчино (Општина Ресен).
Пријавителот претпоставил во пријавата дека најверојатно се работи за мечка поради гласното рикање што се слушало во непосредна близина на мостот на Брајчинска Река.
„За оваа ситуација, од страна на ЦУК веднаш е известена Гранична полиција Маркова Нога, Полициска станица Ресен, Концесионерот – ловното друштво и други субјекти за понатамошно постапување. По интервенцијата на надлежните служби од Концесионерот -Ловното друштво, со присутен ветринар, од НП „Пелистер“ и од полицајци од МВР мечката е успиена и безбедно ослободена“, соопшти ЦУК.
Македонија
Средба Тошковски – Ходулин: Интензивна поддршка од ЕУ преку ИПА проектите за креирање полиција со европски стандарди

Министерот за внатрешни работи Панче Тошковски денеска оствари работна средба со претставници на Делегацијата на Европската унија, предводени од Стефан Ходулин, раководител на Одделот за соработка и Даница Стошевска, програм менаџер во канцеларијата.
На состанокот беше разгледана досегашната соработка помеѓу Министерството за внатрешни работи и Делегацијата на Европската унија во делот на спроведувањето на проектите финансирани преку Инструментот за претпристапна помош (ИПА).
Од страна на господинот Ходулин беше изразено задоволство од постигнатото во рамките на веќе спроведените проекти кои се имплементираат во министерството и изрази надеж дека посветеноста ќе продолжи со ист интензитет.
Министерот Тошковски во име на Министерството за внатрешни работи и се заблагодари на Делегацијата на ЕУ за досегашната поддршка и потенцираше дека истата е од исклучителна важност за министерството, и дека од наша страна ќе бидат обезбедени сите ресурси со цел максимално и рационално искористување на финансиската поддршка која е наменета за постигнување на европските стандарди во полициското работење.
За време на состанокот исто така се разговараше и за идните проекти кои се дел од Националната ИПА програма за 2025 година и следниот период, по што заеднички беше донесен заклучок дека ќе се продолжи со интензивни активности во наредниот период со цел финализирање плановите и проектите како основа за идното програмирање и обезбедување на сите неопходни предуслови од страна на министерството за внатрешни работи и целосна посветеност во нивната подготовка.
Двајцата соговорници изразија уверување и подготвеност за продолжување на одличната соработка и во иднина.
Македонија
Сиљановска-Давкова на средба со Радев: во фокусот трагедијата во Кочани и евроинтегративниот пат

Претседателката Гордана Силјановска-Давкова која е во Бугарија за да учествува во „Процесот Акаба“, пред медиумите соопшти дека ги посетила повредените пациенти кои настрадаа во трагедијата во Кочани и сега се на лекување во болницата „Пирогов“.
Рече дека се чувствуваат многу подобро. Таа оствари средба и со бугарскиот претседател Румен Радев.
Фокусот бил на трагедијата во Кочани, но се разговарало и за одблокирање на нашиот евроинтегративен пат, при што двајцата заклучиле дека се неопходни позачестени средби. Претседателката нагласила дека се можни компромиси и очекува исчекор на тој план.
Оддавајќи му признание на Радев таа кажа дека тој бил првиот претседател којшто утрото по трагедијата во Кочани и се јавил и и понудил секаков вид на помош.
„Прв ми се јави претседателот Радев. Благодарам. За жал или за добро, понекогаш трагедијата го вади доброто во сите нас, не политичкото, туку човечкото. Ова нема да може да го заборави ниту еден политичар од двете страни“, ја пренесуваат изјавата на Силјановска-Давкова бугарските медиуми.