Македонија
Во болниците во земјата од коронавирус се лекуваат 760 пациенти
Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и во болниците низ земјава е 760 и има околу 915 празни болнички кревети во ковид центрите.
Во изминатите 24 часа во ковид центрите во болниците низ земјава е пријавено дека се лекуваат вкупно 436 пациенти позитивни и суспектни на корона вирусот. Во изминатите 24 часа во ковид центрите во Скопје се хоспитализирани 9 нови пациенти поради компликации од корона вирусот. Вкупно 324 лица сомнителни и потврдени за Ковид 19 се лекуваат на инфективните одделенија во главниот град.
По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 51 пациент позитивен и суспектен на Ковид 19. Во болницата во Штип се хоспитализирани 52 пациенти. На инфективното одделение во Тетово има 11 пациенти, во Велес се лекуваат 50 болни, а во Куманово 53 пациенти позитивни и суспектни на Ковид 19. Во ковид центарот во Охрид има хоспитализирано 50 пациенти, во Прилеп 39, во ковид центарот во Гостивар 15, а во Струга 16 болни. Во болницата во Струмица хоспитализирани се 40 пациенти, во Кочани 19 во Кичево 9, Кавадарци 25, а во Гевгелија 6 лица позитивни и суспектни на корона вирусот. Имајте предвид дека бројките се менуваат од час во час, според направените приеми и исписи на пациенти.
Во тек на денот се прават и исписи на оздравени пациенти со што ќе се ослободат дополнителни легла.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ковачевски: ВМРО ДПМНЕ ќе ги затвори нашите ЕУ перспективи, СДСМ останува посветена на европска Македонија
„Ако ВМРО-ДПМНЕ повторно добие преголема моќ, ќе се соочиме со истото што го гледавме 11 години. Тоа ќе ги затвори нашите ЕУ перспективи, ќе ги затвори и независните медиуми и ќе стави крај на независното судство, ќе стави крај на една демократска држава во која денес секој може слободно да го каже своето мислење“, истакна пред граѓаните на Гостивар, претседателот на СДСМ, Димитар Ковачевски.
Од друга страна, рече Ковачевски, СДСМ останува посветена на европската иднина на Македонија и заедно со граѓаните кои веруваат во оваа визија, со упорна и посветена работа, ќе ја оствариме целта државата да стане членка на ЕУ.
„На 8-ми мај сите заедно одлучуваме за иднината на државата. Упатувам апел убаво да размислите кому ќе ја дадете довербата да ја води државата во наредните години. Размислете која партија како ја водеше државата кога имаше можност да биде власт. Потсетете се кој управуваше со државата, а кој владееше како крал и ја гледаше државата како негова лична своина.Кој носеше тешки, но позитивни и исправни одлуки за нашата иднина, а кој се крадеше од иднината за личен интерес и еве, денеска гледаме – за ништо друго освен сопствено, лично богатење“, потенцираше Ковачевски
Лидерот на СДСМ предупреди на опасната реторика на ВМРО ДПМНЕ и ДУИ која може да ги потпали меѓуетничките тензии и ги повика граѓаните да не подлегнуваат на таквите манипулации.
„Оганот кој деновиве гледаме дека го распалуваат ВМРО – ДПМНЕ и ДУИ по стариот рецепт од 2016 година може многу лесно да ги потпали тензиите кои успешно ги надминавме и ги оставивме во минатото. Нешто што успеавме да го унапредиме во последните 7 години на многу повисоко ниво од тоа што беше претходно и тоа го гледаме на секој чекор. Ние друга татковина немаме. Нашите деца заслужуваат да ја градат својата иднина, дома, тука каде што се родени.Во СДСМ имаме само една опција, да застанеме зад граѓаните кои веруваат во напредна и европска Македонија како рамноправна членка на Европската Унија и заедно, со упорна и посветена работа, да го оствариме тоа“, порача Ковачевски.
Тој истакна дека СДСМ и Коалицијата за европска иднина, со крената глава продолжуваат да чекорат по вистинскиот европски пат, кој е единствена опција за реални и суштински промени во државата. Ги повика сите слободоумни граѓани на Македонија, масовно да излезат на изборите на 8-ми мај и својот глас да го дадат за претседателскиот кандидат Стево Пендаровски и за пратеничките листи на СДСМ и на Коалицијата за европска иднина.
Македонија
Ковачки до Ахмети: Парите со кои вршиш поткуп ќе треба да ги вратиш
Македонија е на нозе. Народот си ја враќа државата повторно во свои раце. Победата на 24 април покажа дека сите се за промени на оваа ненародна и корумпирана влада на СДС и ДУИ. Победата е голема. Разликата овде во Кочани на претседателските избори на 24 април беше над 4000 гласови разлика, ајде да ја тродуплираме на 8 мај, и да им порачаме на криминалците од ДУИ и нивните измеќари од СДС дека народот се обединува и со народот нема игра! Но, нема опуштање, работата уште не е завршена, порача од Кочани Драган Ковачки, носител на изборната единица 3 во рамки на парламентарните и претседателски избори.
Ковaчки повика на обединување, масовна излезност на 8 мај и поддршка за број 2 за ВМРО-ДПМНЕ.
Да се обединиме затоа што ова ни е последна шанса за спас на Македонија. Да се сплотиме и масовно да излеземе на 8 мај, да им го зададеме вториот удар, а веднаш потоа да побараме ОДГОВОРНОСТ. Одговорност за сите катастрофални политики кои ја уназадија Македонија, штетни политики кои ги носеа и со кои ве осиромашија, за сите стратешки грешки со кои ја понижија Македонија и го обесправија македонскиот народ, рече тој и додаде:
Да не им дозволиме нови 4 години за да крадат. Ковачевски му ја даде Македонија на Али Ахмети само за да опстои на власт дозволи Македонија да стане држава на криминал и корупција, Македонија на сиромашни граѓани, Македонија каде економијата е на дното. Ковачевски е само еден обичен полтрон на Али Ахмети, а Стево Пендаровски нем набљудувач. Да не им дозволиме затоа што нивната цел е целосно да ја уништат Македонија, нашата Македонија која ја градиме години наназад и за која се бореле генерации и генерации.
Ковачки потенцираше дека ВМРО-ДПМНЕ е во сојуз со народот, а СДС во сојуз со ДУИ и кирминалот.
Ние сме во сојуз со народот, со овој македонски народ кој го крена својот глас против криминалот на СДС и ДУИ. Ние сме во сојуз со земјоделците, со работници, со здравствените работници. ВМРО-ДПМНЕ е сојузник со пензионерите, ВМРО-ДПМНЕ е сојузник со младите, со просветните работници, со културните работници. За разлика од нас Димитар Ковачевски е во сојуз со Али Ахмети, Артан Груби, Бујар Османи, Крешник Бектеши, и неколкумина од ДУИ кои Македонија ја гледаат како приватен бизнис. Се обезбедија и себе си и следните генерации, додека народот трпи и едвај врзува крај со крај, тие од СДС и ДУИ стануваат сопственици на трговски центри, на милионски фирми. Живеат во хациенди какви што гледаме само по филмовите. ЕПА ДОСТА Е!!!! ДОСТА Е, изјави Ковачки.
Ковачки упати порака на Ахмети, Груби и Лога, нагласувајќи им да се изгубат од третата изборна единица, бидејќи има информации дека тие вршат масовен поткуп, се закануваат и уценуваат се со цел да добијат еден пратеник и во третата изборна единица.
Сакам да упатам порака до Али и Груби. Деновиве слушам дека вршат масовен поткуп, се закануваат и уценуваат, го прачаат Кренар Лога потчкото од Алијанса во Делчево и Берово се со цел да добијат еден пратеник овде во третата изборна единица. Кренар не си ги валкај рацете. Не ти е таму местото. Повлечи се додека е време, ќе завршиш во затвор, како министер за правда знаеш дека тоа што го правиш е против законски, вели Ковачки.
Ковачки му посочи на Ахмети, дека во третата изборна единица луѓето се тотална спротивност од него, односно дека се работливи, чесни, вредни и достоинствени, како и дека токму тојнарод ќе го збриши на 8 мај и ќе го испрати конечно во опозиција после 22 години власт.
Али ова не е Мала Речица. Нечесните пари со кои сакаш да ги поткупиш граѓаните задржи ги за себе, ќе треба да ги вратиш после 8 мај. Јас ти ветувам секој денар што го зема ќе мора да го вратиш. Овде во третата изборна единица живеат луѓе сосема спротивни од тебе. Овие луѓе се чесни, достоинствени, работливи, земјоделци, кој чесно заработуваат и кој не можеш да ги купиш со твоите валкани пари, истакна тој и додаде:
Али, овде нема место за криминалци како тебе и мешетарот Груби, овде нема трговски центри кои вие сакате да ги земете без ниту еден денар влог, нема овде рекетирање, нема овде бизнис зделки за да профитирате. Затоа да си ги соберете парталите со Груби и да се изгубите од тука. Не си фактор овде, време е после 22 години власт да заминеш во длабока опозиција. Вашите комбинации и валкани дилови завршуваат на 8 мај. Полтрони може да ти бидат само СДС, Ковачевски и Пендаровски, но не и македонскиот народ. ГОТОВ СИ. Народот овде во тројка на 8 мај ќе те збрише и тебе и ДУИ!!!
А овие од СДС кои што се гневни и разбеснати поради поразот им порачувам, не се обидувајте да го заплашувате и уценувате овој народ, не помислувајте затоа што македонскиот народ ни когаш не се плашел. Не ви се плаши, ВМРО-ДПМНЕ е во сојуз со народот, ќе ви покажеме што значи притисок кон македонскиот народ на 8 мај.
Ковачки додаде дека Платформата 1198 во Кочани се обврзува на .
Изградба на Дом за стари лица во Кочани, изградба на Јужен булевар – поврзување на ул „Никола Карев“ од вкрстувањето со железничката пруга во Кочани, изградба на систем за одведување и третман на отпадни фекални и атмосферски води во спортско рекреативен центар Пониква (главна водоводна мрежа во спортско рекреативен центар Пониква и доводен цевковод кај идна акумулација Пониква 1 до резервоарите 1 и 2 за водоснабдување на СРТЦ Пониква), реконструкција на улиците „Гоце Делчев“ и „Борис Трајковски“, изградба на катна гаража, изградба на колектор за фекална канализација Виница- Кочани до ПСОВ Мојанци, изградба на главен потисен цевковод дел 3 до препумната станица и изградба на мост на Кочанска река за поврзување на улица „Лазар Андонов“ и „Вера Которка“.
Ковачки побара поддршка од граѓаните на 8 мај за да може да ја реализираат Платформата 1198.
Ве повикувам на масовна излезност, да подадеме рака на секој еден кој сака да се приклучи на промените. Да разговараме со секој еден и да ја побараме поддршката од него. Да се обединиме под знамето на Македонија, за да си ја вратиме изгубената држава. Да се обединиме сите за бројот 2. Два за жена претседател на Македонија Гордана Силјановска Давкова и двојка за идна влада предводена од ВМРО-ДПМНЕ, рече тој.
За Македонија повторно твоја и повторно земја на горди граѓани. За Македонија на младите, за Македонија на земјоделците, пензионерите, работниците, медицинскиот персонал и здравствените работници, за Македонија повторно на наставниците, професорите, културните работници, Македонија повторно твоја за инвестициски бум и инфраструктурни проекти кои ќе значат подобар и поквалитетен живот за сите, додаде тој.
Ковачки на крај порача дека на 8 мај треба да се порази најголемото зло на Македонија, Ковачевски и СДС.
Да го срозиме Ковачевски и Али, најголемото зло на Македонија, која изминатите години не потонаа во долгови, криминал, скандали и афери, нагласи Ковачки.
Македонија
Ахмети од Долнени: Европскиот фронт е цврст како челик
Претседателот на ДУИ, Али Ахмети, по Кичево со своите соработници се сретна и со граѓаните на Крушево и населените места Дебреше, Житоше и Борин од општина Долнени.
Никој не бил полегитимен претставник од нас, сега сме уште посилни со Фронтот, мора да бидеме сите и да бидеме сигурни дека заедно сме браќа, рече Ахмети.
Работите се толку напорни, но ви ветувам дека повторно ќе дојдам во секое населено место, сум бил и пак ќе дојдам. За прв пат се случува да ги имаме сите со нас, Бошњаци, Турците. Зошто ги земаме сега? Бидејќи станавме силни, за албанското прашање сме имале многу заложби, а сега овој Фронт е изграден како челик, не само за овие, туку и за следните избори. Немало полегитимни претставници отколку што сме биле ние, сега сме уште посилни со Фронтот, мора да се здружиме сите и да бидеме сигурни дека заедно сме браќа. Имаме уште многу работа и овој сојуз е направен затоа што регионот мора да има стабилност, имаме војна насекаде како во Украина и на Блискиот Исток, мораме да ги решиме проблемите со соседните земји. Ништо нема да ја снајде земјата ако ги ставиме Бугарите како уставна категорија, Охридскиот договор не направи ништо лошо за државата, изјави првиот човек на ДУИ Ахмети.
Понатаму, кандидатот за пратеник Муса Џафери изјави дека резултатот од 24 април бил максимален. Овие две општини го дадоа својот максимум и се надевам дека и во Долнени ќе победиме како и во Крушево. Имавме еден резултат што Европскиот фронт ја прави прва партија во Долнени и ова е најголемата победа, нагласи Џафери.
Другиот кандидат за пратеник, Исмаил Јахоски, рече дека ни треба уште поголема победа. Сите треба да размислиме на 8 мај да прославиме уште една поголемата победа. Како Фронт заслужуваме повеќе, бидејќи секогаш сме биле на ваша услуга и ќе продолжиме со истиот тренд, подвлече Јахоски.
Додека кандидатот за пратеник Мунир Колашинац, рече дека и ние како Бошњаци имаме свои права кои мораме да ги оствариме, а тоа можеме да го направиме само ако сме заедно како што сме сега. И сето тоа е заслуга на нашиот лидер и визионер, Али Ахмети. Сакам да ве замолам за една чест што како Бошњаци за прв пат ги надминуваме сите предизвици и гласаме за да ги оствариме нашите права, затоа што само така ќе можеме, мора да ја поддржиме оваа иницијатива на г-дин Ахмети да го трасираме патот за уште 100 години.