Македонија
Со промена на прозорци и врати во градинките Бутел се бори против аерозагадувањето
Проект за промена на внатрешни и надворешни прозорци и врати во градинките и проект за зелени површини, се двете мерки што Општина Бутел ги промовира како дел од борбата против аерозагадувањето.
За првиот проект Општината аплицирала на јавен повик од Владата и за него одобрени се средства во износ од 1.154.094 денари. По однос за зелени површини, Владата одобрила сума од 1.433.844 денари.
Мерките ги промовираа градоначалникот на Бутел, Велимир Смилевски, и заменик-министерот за животна средина и просторно планирање, Јани Макрадули.
„Набавена е опрема, односно во фаза на извршување е промена на внатрешни и надворешни прозорци и врати во градинките ‘Бутел 1’ и ‘Бутел 2’. Детската градинка ’11 Октомври – Бутел 1′ ја користат 229 деца и 17 вработени, кои се директни корисници на оваа мерка за аерозагадување. Детската градинка ’11 Октомври – Бутел 2′ ја користат 140 деца и 13 вработени, кои деректно ја користат мерката за аерозагадување и енергетска ефикасност“, објасни градоначалникот.
Во однос на зелените површини, рече дека во ОУ „Живко Брајковски“ уредена е дворната површина со засадување дрвја со брзорастечки карактеристики, како и зелен ѕид за да се создаде поголема зелена маса.
„Вкупната зелена површина во училиштето изнесува 5.324 квадратни метри и бидејќи е лоцирано во урбана средина со голем број живеалишта и голем недостиг на зелени површини хортикултурното уредување на зелена површина ќе ги поттикне учениците и жителите од населбата за поголема грижа и заштита на зеленилото“, беше посочено на промоцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.
Македонија
Дождливо со максимална температура до 12 стапени
Метеоролозите за денеска прогнозираат облачно време, со врнежи кои ќе бидат сконцентриани во крајниот западен регион во сабота и тоа повеќе во втората половина од денот.
Од УХМР велат, дека врнежи ќе бидат слаби и дека во најголем дел од котлините ќе имаат појава на магла и ниска облачност наутро, но со тенденција тие да се задржат во поголем дел од претпладнето.
Позачестени врнежи се очекуваат во недела, и тоа повторно повеќе во западниот крај, но без голем потенцијал за значајна количина на воден талог. Приквечер врнежи може да се очекуваат и во североисточниот крај.
Заради влијанието на јужното струење, снег ќе врне само на височина над 1.700 метри. Во сабота навечер и во првата половина од недела очекуваме умерен југозападен ветер во западните делови од земјава.
Наутро ќе имаме претежно негативни вредности на температурата, но не пониски од -5°С.Во сабота температурата низ поголем дел од котлините и повисоките неселени места ќе има вредности во границите помеѓу 6°С и 8°С. Потопло ќе биде на југоисток каде максималната температура ќе достигне до околу 12°С.
Недела ќе биде за околу 2°С потопла во однос на сабота.

