Македонија
Во една удрил гром, во друга нема клима, половина од државните станици за квалитетот на воздухот не даваат целосни резултати
Половина од 22-те државните мерни станици за квалитетот на воздухот не даваат целосни резултати во ек на најголемо загадување на воздухот. Пет мерни станици не ги мерат најштетните во овој период, ПМ 2,5-честичките, за кои лекарите велат дека може да навлезат најдлабоко во организмот, други пет не ги мерат малку покрупните ПМ 10-честички. И за едните и за другите секоја зима се алармира дека се меѓу најголемите загадувачи кај нас. Пет мерни станици не мерат јаглероден моноксид, три мерни станици не покажуваат вредности за азотен диоксид, во пет не се мери озон и три мерни станици не мерат сулфурен диоксид.
Последниот денешен пресек на мерните станици во 13 часот покажа дека нецелосни резултати даваат мерните станици Ректорат, Миладиновци, Ѓорче, Петров, Битола 1, Кичево, Лазарополе, Прилеп, Охрид, Струмица, Кочани, Куманово, Гевгелија и Берово.
Министерството за животна средина и просторно планирање, и покрај нецелосните податоци во мерните станици, вели дека државниот автоматски мониторинг-систем за квалитетот на амбиенталниот воздух, генерално, е во добра состојба, сите мерни станици се во функција, но со оглед на тоа што се во континуиран режим на работа, има одредени дефекти на инструментите.
„Во автоматската мониторинг-станица за квалитетот на амбиенталниот воздух Ректорат (Скопје) во моментот е во функција само мерниот инструмент за ПМ 10, а сите други (NO-NO2-NOx; CO; О3 и PM 2,5) се исклучени поради нивна заштита за да не дојде до прегревање на сите мерни инструменти поради тоа што во моментот нема функционален клима-уред во станицата“, велат од кабинетот на министерот за животна средина, Изет Меџити, од каде што истиот одговор го даваа на медиумите и минатата година на почетокот на грејната сезона.
Автоматските мерни инструменти за ПМ 10 од автоматските мониторинг-станици Прилеп, Берово и Кочани и ПМ 2,5-инструментите од автоматските мониторинг-станици Прилеп и Берово од Министерството велат дека во моментот се на сервис.
„Се врши нивна дијагностика, која со оглед на комплексноста на самите инструменти и на самите дефекти од мерните инструменти е процес што се извршува со внимание и со следење на параметрите од мерните инструменти, што одзема време, за потоа тие да се сервисираат со санација или замена на неопходен резервен дел од оние што се на располагање и за на крајот да се изврши нивна калибрација“, велат до Министерството за животна средина.
Меѓу низата мерни станици со нецелосни податоци е Битола 1, каде што мерниот инструмент за ПМ 10 се сервисира и во подготовка е неговата калибрација, а во Гевгелија не се мери сулфурен диоксид оти мерниот-инструмент е во дефект и се врши негова дијагностика.
Мерните инструменти во мобилната станица Ѓорче Петров, пак, настрадале од гром.
„Автоматските мерни инструменти за CO и O3 од станицата во Ѓорче Петров во моментот се во дефект, при што дијагностиката е во тек и постои најверојатен проблем со напојувањето од самите инструменти настанат од електричен удар и избивање на системот за преднапонска заштита“, објаснуваат од Министерството.
На списокот со расипани инструменти се и оние што мерат јаглероден моноксид во мерните станици Миладиновци и Струмица. За нив од Министерството велат дека не е направена дијагностика, а истовремено нема резервни делови.
Мерачот на јаглероден диоксид во мерната станица Кочани се расипал поради постојано рестартирање, а и за него нема резервни делови.
Во Охрид расипан е мерниот инструмент за озон. Од Министерството велат дека се расипал во гарантниот период, па доставувачот на опремата го презел.
Во Кичево не се мерат ПМ 2,5-честичките, инструментот се сервисира и се подготвува за калибрација, во тек е дијагностика и за инструментот за јаглероден моноксид во оваа мерна станица.
Расипани инструменти има и во мерната станица во Прилеп, каде што, како што велат од Министерството, во тек е дијагностика.
„Макфакс“ побара податоци и за тоа колку време се расипани мерните инструменти во секоја од мерните станици, но од Министерството не дадоа таков податок.
Не одговорија ниту кога очекуваат да бидат во целосна функција сите мерни инструменти во станиците, но нагласија дека имаат едно стручно лице од Министерството, кое врши редовно и вонредно одржување и сервисирање на мерните инструменти и на дополнителната опрема во автоматските мониторинг-станици.
„Треба да се забележи и дека автоматските мониторинг-станици се распределени во цела држава и при овие дефекти или дополнителни проблеми понекогаш е невозможно физички да се реагира во даден момент, па за поправката на дефектот или проблемот ќе биде потребно повеќе време“, велат од Министерството за животна средина.
Колку пари досега се потрошени за одржување на мерните станици од нивното поставување досега од Министерството најавија дека дополнително ќе известат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Фетаи до ДУИ: Лагата има кратки нозе, прво гласаа за измените во уредувањето на државната администрација , па потоа ја клеветат владата
Заменик-претседателот на Владата задолжен за политики за добро управување, Арбен Фетаи, денеска реагираше во врска со дистанцирањето на Демократската унија за интеграција (ДУИ) од измените на Законот за организација на органите на државната управа, измени кои, како што вели, токму пратениците на оваа партија ги изгласаа на 10 јуни 2024 година.
Фетаи истакна дека ДУИ, во текот на 22 години владеење, ги измамила граѓаните правејќи стотици штетни компромиси на грбот на Албанците, молчела за политички монтирани случаи и не побарала правда за неразјаснетите убиства на поранешни борци на ОНА.
„И денес, како опозиција, се однесуваат исто: прво гласаат со својата рака за измените во уредувањето на државната администрација, а потоа ја напаѓаат владата за наводно ‘укинување’ на Инспекторатот за употреба на јазиците“, напиша Фетаи на својот Фејсбук-профил.
Тој потсетува дека Собранието го усвои Законот за изменување и дополнување на Законот за организација и работа на органите на државната управа со 88 гласа „за“, 22 „против“ и ниту еден воздржан, пред да биде избрана новата влада. Според него, измените не се однесуваат само на Инспекторатот за употреба на јазиците, туку на сите инспекторати, „им се одзема статусот на правно лице и се систематизираат под надлежните министерства, според појасен и поефикасен модел на отчетност и координација“.
„Денес, кога бучните од ДУИ пролеваат крокодилски солзи, ги повикуваме да побараат одговорност од своите пратеници – почнувајќи од претседателот па натаму,“ заклучува Фетаи, додавајќи дека лагата има кратки нозе.
Македонија
Началникот на Генералштабот на Армијата на меѓународниот саем DEFEA 25 во Грција
Началникот на Генералштабот на Армијата, генерал-мајор Сашко Лафчиски, ја предводи армиската делегација на Меѓународниот саем за одбрана и вооружување DEFEA 25, кој се одржува во Атина во период од 5 до 7 мај, на покана на началникот на Националната одбрана на Република Грција, генерал Димитриос Хупис.
За време на посетата на саемот, Лафчиски и останатите членови на армиската делегација, имаа можност да погледнат дел од најновите достигнувања на полето на воена опрема и вооружување.
Посетата на саемот е дел од активностите на Генералштабот на кои се согледуваат можностите за модернизација на опремата со нови платформи, согласно потребите и приоритетите за развој на капацитетите и способностите на Армијата.
Во рамки на посетата, геЛафчиски оствари срeдба со началникот на Националната одбрана на Република Грција, генералот Хупис на која беше изразено уверување за продолжување на континуираната меѓуармиска соработка, особено во доменот на воената едукација, обука на специјалните сили, учество на вежби и меѓународни операции, како и за процесот на стандардизација во НАТО.
Лафчиски во оваа прилика изрази искрена благодарност за несебичната помош од страна на Република Грција, која веднаш ги понуди своите специјализирани капацитети за лицата на кои итно им беше потребен висококвалитетен медицински третман по пожарот кој се случи во Кочани. „Тоа претставува вистински одраз на солидарност и пријателство меѓу две соседски земји“, рече генералот Лафчиски.
На саемот DEFEA 25, кој се реализира под покровителство на грчкото Министерство за национална одбрана, 436 изложувачи од 37 земји прикажаа дел од најновата и најсофистицирана воена опрема за потребите на конвенционални, поморски, воздухопловни, национални и сајбер безбедносни одбранбени системи.
Македонија
Владата донесе одлука за помош на млади и младински организации, одобрени и измените на ЗЕЛС за подобро функционирање на општините
Денес Владата ја одржа 77-та седница на која беа донесени неколку значајни одлуки во интерес на граѓаните, соопшти владината прес-служба.
На седницата беше разгледана информацијата за носење на Предлог-програма за финансиска поддршка на проекти од областа на младите на младинските организации, организациите за млади и младински чадор организации за 2025 година преку министерството за социјална политика, демографија и млади.
Преку Министерството ќе се дадат грантови за проекти од областа на младите, на младинските организации во износ не поголема од 300.000 денари.
Проектите и апликациите треба да се насочени кон следните приоритетни цели и тоа: зајакнување на влијанието на младите во сите процеси на донесување одлуки на локално и национално ниво врз основа на соодветна правна рамка;
препознавање на младинската работа како клучна алатка за помагање на позитивниот личен и социјален развој на младите;
оспособување на младите со знаења и вештини за медиумска и дигитална писменост кои препознаваат дезинформации и ги артикулираат сопствените интереси и ставови како активни граѓани во општеството со развиена критичка свест;
зголемување на свеста и имплементација на мерки за намалување на врсничко насилство, родово базирано насилство, сајбер безбедност и дигитална хигиена во рамките на образовните институции и
креирање на иновативни решенија за намалување на невработеноста на младите и промоција на мерки за самовработување и претприемништво.
Се со цел да се запази транспарентноста, ќе се објави јавен повик при што претставници од министерството и Генералниот секретаријат ќе ги разгледуваат апликациите и проектите, додека пак распределба на средствата ќе се врши согласно правилник за распределба, информираат од Владата.
Исто така, Владата го одобри предлог Законот за изменување и дополнување на Законот за локална самоуправа. По одобрувањето од страна на Собранието, како што појаснуваат надлежните, овие измени ќе донесат значителни подобрувања во функционирањето на општините, зголемување на транспарентноста, граѓанското учество и административната ефикасност.
Уважена жалбата на Асмир Јахоски: излегува од притвор со парична гаранција
Апелациониот суд Скопје информира дека постапувајќи по кривичниот предмет KСЖ-406/25, на нејавна седница одржана на ден 06.05.2025 година, ја уважиl...
Обвинение против вкупно 10 лица за злоупотреби во РЕК Битола
Основното јавно обвинителство Битола поднесе обвинение против 7 лица кои се осомничени дека како соизвршители сториле кривично дело – Злоупотреба...
(Видео) Нови ценовни шокови за граѓаните, власта нема решение, обвини СДСМ
Граѓаните се соочуваат со нови ценовни шокови по маркетите и продавниците. Цените повторно се покачени по истекот на мерката за...
10-годишно девојче со тешки повреди донесено во болница во Прилеп: со возило ја прегазил нејзиниот 7-годишен брат
Вчера во 18.55 часот во Полициската станица Прилеп, од Општа болница „Борка Талески“ Прилеп било пријавено дека кај нив со...
Кривична против поранешен директор на Здравствен дом Куманово: незаконски вработил вкупно 127 лица
СВР Куманово поднесе кривична пријава против Ф.А. од Куманово поради постоење основи на сомнение за сторено кривично дело „злоупотреба на...
Пороен дожд, грмежи, силен ветер и изолирана појава на град: УХМР најави невреме за среда
Од УХМР известуваат дека под влијание на влажна и нестабилна воздушна маса во текот на оваа седмица времето ќе биде...
„Пливачите останаа на цедило – министерот Борко плива во тишина и безидејност“, велат од партијата Левица
„Министерот за спорт, Борко Ристовски се нама огласено по затворањето на базенот „Борис Трајковски“, а ветуваше брзо и ефективно решавање...
Обвинение против 59-годишник за полов напад врз дете: го допирал малолетникот во парк во Чаир
Основното јавно обвинителство Скопје, по спроведена претходна постапка, поднесе обвинение против 59-годишник кој се товари за полов напад врз малолетник,...
Фридрих Мерц не ја доби поддршката за нов канцелар на Германија
Конзарвативниот германски лидер на Христијанско-демократската унија (CDU/CSU) Фридрих Мерц не успеа да го обезбеди потребното мнозинство во Бундестагот за да...
Украл автомобил со мало девојче внатре: драма на бензинска пумпа во Србија
Полицијата во Обреновац од синоќа бара „Пунто“ кое еден маж го украл од бензинска пумпа, забрзал и избегал, објави „Телеграф.рс“....
Министерка на Трамп до Харвард: Нема потреба повеќе да барате владини пари, нема да ги добиете
Министерството за образование на САД во понеделник го извести Универзитетот Харвард дека ги замрзнува милијардите долари наменети за идни истражувачки...
Тошковски склучил скандалозен тендер од 500.000 евра со фирма која ДПМНЕ ја обвинувало за корупција, обвини Левица
На 25 март, министерството на Панче Тошковски склучило скандалозен тендер во вредност од 575.000 евра со компанијата „Дон Холдинг”, фирма...
(Видео) Москва нападната со дронови, затворени сите аеродроми
Русија соопшти дека Украина синоќа извршила напад со беспилотни летала насочени кон Москва. Сите четири главни аеродроми во Москва беа...
На многумина ќе им бидеме пречка, но како премиер нема да отстапам од правото да говориме на македонски, јазикот е нашиот неспорен идентитет, вели Мицкоски
Пред осумдесет години, на оваа почва, се кодифицираше македонскиот литературен јазик. Тоа беше повеќе од административен чин. Тоа беше признавање...
Љутков: Македонскиот јазик низ историјата помина низ многу предизвици и тешкотии
Министерот за култура и туризам Зоран Љутков денеска се обрати на Свечената академија по повод 80-годишнината од кодификацијата на македонскиот...
Поевтинуваат дизелот и бензините
Цените на горивата од ноќеска на полноќ ќе поевтинат за половина и за еден денар, соопшти Регулаторната комисија за енергетика,...
Мицкоски му даде две опции за избор на Таравари, да остане во Влада или да оди со ДУИ: Во политиката образот или го имаш или го немаш
Премиерот Христијан Мицкоски денес во Штип потврди дека попладнево ќе се сретне со лидерот на едно крило од Алијанса за...
Семејно насилство во Охрид: татко ја истепал ќерка си, по што се вклучиле и други членови на семејството
Денеска во 00.15 часот во СВР Охрид е пријавено дека Р.Б. од Охрид физички ја нападнал неговата ќерка, по што...
(Фото) Каде заглави реконструкцијата на тротоарите на „Владимир Комаров“, прашува СДСМ Аеродром
„Неспособноста на ВМРО-ДПМНЕ и Дејан Митески во Општина Аеродром е видлива буквално на секој чекор. Реконструкцијата на тротоарите на половина...
Дали Филипче ќе учи од Заев како да профитира со лажни идентитети и како се штанцаат пасоши за 215 белосветски криминалци, прашува ВМРО-ДПМНЕ
„СДС и Заев 7 години беа заштитници на криминалот и криминалните банди. СДС, Заев и Спасовски им дадоа пасоши на...
