Македонија
Во околината на Калањево безбедно, нема пожари во близина, вели Стојанов
![](https://makfax.com.mk/wp-content/uploads/2024/07/pozari-veles-2.jpg)
Нема веќе пожари во близина на Калањево, информира на социјалните мрежи неготинскиот градоначалник Горан Стојанов.
„Во околината на селото Калањево во овие моменти е мирно и безбедно, нема пожари во близина и не е доведена во прашање безбедноста на имотите на граѓаните. И покрај тоа, дел од расположливите ресурси од луѓе и механизација во моментот е насочен кон создавање безбедносни појаси околу Калањево со цел во случај на евентуално присуство на пожари селото да биде отсечено и безбедно“, напиша градоначалникот.
Појасни дека активности на терен со луѓе и механизација се присутни и на планината Серта од неготинска страна со цел за создавање услови за полесно справување при појава на пожари.
Пожарот во Неготинско се гаснеше неколку дена од копно и од воздух, а дождот, кој заврна вчера попладне, помогна во гаснењето на пожарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
ЦУК: Активни пет пожари
![](https://makfax.com.mk/wp-content/uploads/2024/08/pozar-pehchevo.jpg)
Центарот за управување со кризи (ЦУК) соопшти дека до 19:30 часот низ државава имало вкупно 18 пожари на отворен простор, од кои активни се пет, под контрола се ставени два пожари, а 11 се изгаснати.
Активни се пет пожари – во Општина Чашка на Планина Мукос кај селото Степанци (под контрола), активен е кај с.Оморани и м.в.Кадиица – с.Ораов Дол каде гори мешана шума, во Општина Прилеп кај селата Пештани – Кокре – Кален – Дуње – Бонче – Крушевица – Волково каде гори нискостеблеста вегетација, во Општина Чучер-Сандево кај с.Танушевци, м.в.Рамно гори мешана шума, во Општина Долнени кај с.Десово, во Општина Македонски Брод кај с.Грешница гори нискостеблеста мешана шума.
Под контрола се ставени 11 пожари – во Општина Штип кај с.Хаџи Хамзали – с.Едеклерци – с.Топлик, полигон Криволак каде горела нискостеблеста шума, смреки и сува трева, во Општина Демир Хисар кај с.Вардино каде биле исечени дрва за огрев.
Од ЦУК информираат дека изгаснати се вкупно 11 пожари.
Македонија
Не помина интерпелацијата за Африм Гаши
![](https://makfax.com.mk/wp-content/uploads/2020/02/87761374_2290388964595184_7729104918316843008_n.jpg)
Собранието со 21 гласа „за“ и 72 „против“, без ниту еден воздржан, вечерва, не ја прифати интерпелацијата за претседателот на законодавниот дом Африм Гаши. Против интерпелацијата гласаа пратениците од парламентарното мнозинство од ВМРО-ДПМНЕ, Коалицијата Вреди и Движење ЗНАМ – за наша Македонија. Поддршка дадоа иницијаторите Левица и СДСМ.
Претресот по интерпелацијата на работата на претседателот на Собранието почна претпладне, а се вклучија 21 пратеник.
По гласањето за интерпелацијата, продолжи работата по останатите точки од дневниот рд на 13. седница.
Македонија
Муцунски учествуваше на Бледскиот стратешки форум, се заблагодари за досегашната силна поддршка на Словенија во евроинтегративниот процес
![](https://makfax.com.mk/wp-content/uploads/2024/09/TMBled.jpg)
Министерот за надворешни работи и надворешна трговија Тимчо Муцунски, вчера и денес присуствуваше на Бледскиот стратешки форум кој се одржа во Република Словенија. Во рамките на форумот, Муцунски учествуваше на панелот на тема: „Европа целосна и слободна: Возобновена заложба за европската безбедност“, каде што ја нагласи важноста на проширувањето на ЕУ како најуспешна надворешна политика на Унијата. Тој истакна дека новата македонска влада е посветена на дејствување како кредибилен европски партнер и на спроведување реформски процеси што ќе ги приближат стандардите до оние на земјите-членки.
На маргините на форумот, Муцунски оствари одделна билатерална средба со министерката за надворешни и европски работи на Република Словенија, Тања Фајон. Двете страни разменија мислења за актуелните состојби во земјите и регионот, изразувајќи задоволство од одличните билатерални односи и успешната соработка, потврдена преку заемната помош и солидарност во изминатиот период. Муцунски се заблагодари за досегашната силна поддршка на Словенија во евроинтегративниот процес, додека министерката Фајон потврди дека Словенија и понатаму ќе остане наш пријател и поддржувач на евроинтегративниот пат.
На покана од министерката Фајон, Муцунски присуствуваше на работен појадок посветен на прашањето на сукцесијата на поранешната СФРЈ. На појадокот учествуваа и останатите министри од наследничките земји, кои ја потврдија својата решеност да го продолжат процесот на сукцесија, планирајќи редовни состаноци на министерско и оперативно ниво.
Во рамките на форумот, Муцунски учествуваше и на работен состанок со министрите за надворешни работи и специјалните претставници за Западен Балкан, каде што се дискутираа актуелните состојби во регионот, со акцент на европските перспективи и напредокот во евроинтегративните процеси. Министрите едногласно се согласија дека проширувањето на Европската унија со земјите од Западен Балкан ќе придонесе за стабилноста и просперитетот на регионот.
На маргините на форумот, Муцунски оствари и други значајни средби, меѓу кои и со заменик-директорот за Европа во Европската служба за надворешна акција, Марко Маковец; претседавачот на Глобалниот Европски центар во САД, Филип Рикер; комесарот за човекови права на Советот на Европа, Мајкл О’Флаерти; и специјалниот претставник на Обединетото Кралство за Западен Балкан, Лорд Стјуарт Пич.