Македонија
Во општина Карпош ќе бидат засадени 200 дрвја

По повод 42. роденден на општина Карпош, денеска на улицата Никола Русински, во населбата Карпош 3, почна големата еколошка акција во рамки на која ќе се засадат 200 нови дрвја на територија на општината.
„Денеска почнуваме со засадување на 11 големи дрвја – јавори, а во текот на целиот месец ноември ќе насадиме уште 190 висококвалитени дрвја и 50 украсни растенија грмушки од типот на лаванди. Бидејќи концептот за зелен Карпош нема алтернатива, решивме годинава, наместо прослави, да организираме вакви корисни акции за граѓаните“, изјави градоначалникот Стефан Богоев.
Инаку, на почетокот на пролетта беа засадени 113 високорастечки дрвја, потоа во акција заедно со Градот Скопје по должина на булеварот „8 Септември“, исто така беа поставени нови садници, а овој пат за зачувување на здравата животна средина се посвети акцијата за зазеленување во пресрет на Денот на општината, 3 Ноември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денес пуштен во употреба магистралниот пат Охрид-Св.Наум, најави Владата

Македонија се гради. Денес официјално ќе биде пуштен во употреба магистралниот пат Охрид-Св.Наум во должина од 24,3 километри, најавуваат од Владата.
Вредноста на проектот за реконструкција на овој патен правец, како што е појаснето во официјалното соопштение изнесуваше 11,7 милиони евра.
„Ова значи дека по речиси 4 децении, не само охриѓани, туку голем број на граѓани ширум државата, но и туристи ќе можат да патуваат од Охрид до манастирскиот комплекс Св. Наум, но и до соседна Република Албанија, по нов патен правец.
Овие капитални проекти го подобруваат не само туристичкиот, туку и економскиот напредок и развој во Македонија.
Владата работи и создава дела за просперитет на Македонија“.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.