Според неделниот извештај на Институтот за јавно здравје (ИЈЗ), во текот на минатата недела (од 3 до 9 мај) тестирани се вкупно 15.781 материјал во лабораториите за тестирање за присуство на коронавирусот, што е зголемување од 5,4 % во однос на претходната недела.

Регистрирани сe 1.304 нови позитивни случаи од 33 града во државата, со намалување од 37,2 % во однос на неделата претходно.

Пријавени се 105 смртни случаи од 21 град, 37,1 % помалку во однос на минатата недела.

Повеќето од регистрираните случаи се од Скопје (n=482; 37,0 %), со неделна инциденца – 78,0/100.000. Највисока неделна инциденца од 169,9/100.000 е регистрирана во Виница.

Процентот на позитивност се движи од 2,5 до 12,2 %, односно во просек 7,5 %.

Регистрирани се заболени лица во сите возрасни групи.

„Најзастапена е возрасната група на лица над 60 години (n=508, 39,0 %). Голем број заболени се регистрира и кај лицата во возрасните групи од 40 до 49 (n=227; 17,4 %), 50-59 (n=208; 16,0 %), 30-39 (n=176; 13,5 %) и 20-29 (n=106; 8,1 %). Најмал број е регистрирани има кај децата до 9 години (n=26; 2,0 %) и 10-19 години (n=53; 4,1 %). Се забележува намалување на бројот на заболени кај сите возрасни групи, со најголемо процентуално намалување кај лицата до 39 години (41,1 %)“, информираат од ИЈЗ.

Кај починатите лица, во однос на возраста, 91 лице биле над 60 години, 6 лица на возраст од 50 до 59 години, 5 лица на возраст од 40 до 49 години, 2 лица на возраст од 30 до 39 години и едно лице на возраст од 20 до 29 години.

По добиени два негативни теста, статус оздравени стекнале 4.502 лица, кои биле хоспитализирани или на домашно лекување, со зголемување од 12,2 % во споредба со претходната недела.

Детаљниот извештај на Институтот за јавно здравје за состојбата со Ковид-19 за периодот од 3 до 9 мај, како и кумулативната состојба на Ковид-19 во државата, се објавува на веб-страницата на Институтот за јавно здравје.