Контакт

Македонија

Во судницата се читаа пораки на Рашковски, кој имал прекар „Перо 078“, и Станчев од фирмата „Инвока“

Објавено пред

Ексгенералниот секретар Драги Рашковски обвинет за набавката на софтвери, кабини и камери на наместена јавна набавка од фирмата „Инвока груп“ имал псевдоним „Перо 078“. Во судницата започна читањето на пораките кои ги разменувале обвинетите, а со кои обвинителката Ивана Трајчева докажува дека софтверот на Рашковски за сообраќајни прекршоци бил набавен од Генералниот секретаријат на Владата во наместена постапка.

dobivaj vesti na viber

Првата комуникација на „Вибер“ е помеѓу Даниел Станчев и обвинетиот Драги Рашковски запишан (мемориран) со латинични букви „Перо 078“ и обвинетата Ирена Ивановска запишана со латинични букви „Ирена 070“. Станува збор за разговор во група кажа Трајчева и ги презентираше пораките.

Првата порака е од 5 јули 2019 година и е со содржина: „Нова аудиобомба за Рашковски_потивко-не смееме да разговараме со Рашковски“. Од „Перо 078“ пораката е: „Чувај ја таа кај тебе. Како доказен материјал“. Следната порака е од „Ирена 070“ која праќа насмевка (емотикон). Потоа, пишува Даниел Станчев : „Кој е крив, Рашко е крив. Во пензија е Б.Ц., треба нов“. Следната е од „Перо 078“: „Перо е крив“. Даниел Санчев враќа: „Да аплицираме со Инвока и ФИНГИ, така? Нема измени?“. Следната е од „Перо 078“, датумот е исти: „Па може“. Следната е од Даниел Станчев: „И да нè зборат, ќе нè зборат за пари, не дека сме се посрале“. Следната порака е „Перо 078“: „Тешко ќе ја направат спојката. Трајче ќе го јаде. Трајче и Перо“. Даниел Станчев враќа: „Перо 50к за проектот за утре. Или повеќе, па да спуштаме?“. „Перо 078“ пишува: „COOB?“ Следната е од Даниел Станчев: „Да“. Потоа „Перо 078“: „Макс“. Станчев: „Нема буџет, ние треба да ставиме од нас“. „Перо 078“: „Има предвиден“. Станчев на ова враќа линк од страницата на Бирото за јавни набавки и пишува: „Падна сајтот на БЈН. Ова го немаше Гоко кога беше директор“. „Перо 078“: „Игор знае колку е буџетот“. Станчев испраќа слика од страната на Бирото за јавни набавки каде освен „Инвока“ има и понуди од други две фирми и пишува: 1.2 и 5.2. конкуренција“. „Перо 078“: „Знам. Ќе ја поништиме“. Станчев: „Има грешка со барањето за цена. Пишано е цена на месец а не вкупна цена“.

Комуникација помеѓу обвинетиот Даниел Станчев и обвинетиот Игор Христов заведен како „Игор сервер“ исто така беше читана во судницата. И овие пораки ги презентираше обвинителката Ивана Трајчева.

Првата порака е од Даниел Станчев: „Здраво Игор. Кој е буџетот за сооп? За утре?“ на што „Игор сервер“ враќа: 3.6. Станчев вика: „Со ДДВ?“, „Игор сервер“ вика: „Не“. Станчев вика: „3.6 го пишува“. „Игор сервер“: „Да ама стај го 4“. Станчев враќа: „Паднат е БЈН“. „Игор сервер“: „Не. Не пишува“. Даниел Станчев: „4+ДДВ?“. „Игор сервер“: „Да“. Даниел Станчев: „ДДВ 18 отсто?“. „Игор сервер“: „Не, 5%“. Станчев: „Нема превентивно“. „Игор сервер“: „Не. Има една година гратис после тоа“. Станчев испратил слика од страната на БЈН каде се гледаат понудувачи и тоа правни лица Инвока, Кинг и Лирекс. „Игор сервер“ пишува: „Кој е прв?“. Станчев вратил: „Лирекс 1.25, Инвока 4.2 м“. „Игор сервер“ прашува: „Кинг?“, а Станчев враќа слика од БЈН каде се прикажува предмет на јавна набавка за кој Трајчева вели дека софтверот за безбедност во сообраќајот и изрекување на казни. Потоа, Станчев пишува: „Сигурно ќе има бодување или да исфрлат за неисполнување услови“.

Потоа, беше презентирана и комуникација од „Вибер“ помеѓу Даниел Станчев и обвинетиот Ивица Димитровски. Пораките се разменувани во 2019 година.

Димитровски пишува: „Даниел како си? Да не треба нешто од ФИНКИ за проектот со камерите или после ќе потпишеме договор?“. Станчев: „Здраво Ивица. Ќе треба да потпишеме договор со ФИНКИ за референци за системите со 400к корисници. Тоа е најважниот детаљ. Кога може да се слушнеме“. Димитровски: „Сега сум на некој ручек, да се слушнеме попладнево. Накај 17ч?“. Станчев: „Ќе ти пишам, ние сме на одмор до 19“. Димитровски: „Аха… Јас во петок одам на одмор“. Станчев: „Немам интернет постојано. Сабајле би можеле“. Димитровски: „Може и сабајле“. Даниел Станчев: „8-9“. Димитровски: „Може 9“. Станчев: „Договорено“. Димитровски: „Договорено“. Станчев: „Се слушаме позз“. Димитровски: „Се слушаме“. Станчев следниот ден пишува: „Добро утро“. Димитровски враќа: „Добро утро“. Станчев враќа: „Call?“. Димитровски: „Може“. Станчев: „Да ти се јавам?“ Димитровски: „Може, да. Се консултирав со правникот“. Станчев: „?“. Димитровски: „Тој вика дека мора специфичен договор за конкретна работа ако сакаме да ги користиме референците на ФИНКИ. Има ц-опст, нема да брка работа“. Станчев: „Аха. Океј. Нека го направи како треба. Инвока Гропуп ДООЕЛ Скопје“. Димитровски: „Ај ќе зборам со него, дали може нешто да склопи. Ама сега читам тоа се критериуми за квалитет, уствари, поени“. Станчев: „Да“. Димитровски: „Ех може ли без нив да се добие валјда“. Станчев: „Тука добиваме пошто цената е 80 отсто. Има конкуренција“. Димитровски: „Аха повеќе ако се јават“. Станчев: „Е ќе се јават. Еве детали од фирмата. Друштво за инженеринг информатика и дигитален дизајн Инвока Гроуп ДООЕЛ Скопје со седиште на Димо Хаџи Димов 15А/7, 1000 Скопје, со ЕМБС 7209347 и ЕДБ…. застапуван од управител Трајче Станчев ….. Излегувам, ако има нешто пиши СМС или јави се кај Ирена. Позз“. Димитровски: „Ок“. Димитровски повторно му пишува и му праќа договори со ФИНКИ: „Еве го договорот што го спреми нашиот правник. Може да го погледнеш. Еве ги договорите“. Следната порака е од Димитровски: „Поставивме прашања дали одржување вклучува хостирање, треба да се види ова точно. Погледни па може да се чуеме. Јас утре од сабајле сум на работа, погледни го ако е во ред, да го потпише деканот. Треба сметка да се пополни, од некој од членовите. Ќе го оставам во архива за да го земеш. Ќе ги средиме утре и другите документи. И за ФИНКИ треба изјава и од УЈП документите. Па ќе ти ги пратам и нив“. Следната порака е од Даниел Станчев: „Здраво Ивица. По одржување веројатно не би требало хостинг, приватна фирма како би одржувала апп ако е на владин сервер?“. Димитровски: „Да се чуеме, можеш?“, а Станчев: „Да“. Потоа, Станчев пак пишува: „Ок е, јави ми“. По 7 денови од овие пораки, Станчев му пишува на Димитровски: „Со која цена ќе аплицираме?“. Димитровски враќа: „Цената за ФИНКИ е 50.000 плус ДДВ“. Станчев: „Немаат цена на тендерот“. Димитровски: „Не. Според новиот закон не мора да се даде проценка“. Станчев: „Ако немаме конкуренција, колку и да се стави, ќе се добие. Ќе го прашам другиот колега за сигурно“. Димитровски: „Успеа ли да ги средиш сите документи, договорот беше во архива на ФИНКИ“. Станчев: Да, сега поднесувам“. Потоа, Станчев известил дека ја поднел понудата, како и дека има конкуренција.

Адвокатот Владимир Туфегџиќ побара да не се читаат пораките на неговиот клиент.

„Ние го оспоривме начинот на создавање. Кога ќе дојде до делот на Игор Ивановски, предлагам да се смета за изведен“, рече тој.

Во тек е пауза, по што рочиштето ќе продолжи.

Македонија

Кирков: ЈСП е пример за тоа како е да се работи недомаќински

Објавено пред

На денешната седница на Советот на Град Скопје се обрати советникот од редовите на ВМРО-ДПМНЕ, Стефан Кирков.

dobivaj vesti na viber

Кирков истакна дека по посетата на Јавното сообраќајно претпријатие, сликата била застрашувачка, со што повеќе од 200 автобуси стојат нефункционални и неупотребливи, без притоа да се поправат.

„Заедно со колегата Тони Бојковски од Советот на Град Скопје направивме посета во ова јавно претпријатие и она што го видовме навистина нѐ вџаши. Повеќе од 200 расипани автобуси стојат подолго време на паркинзите на ова јавно претпријатие и покрај тоа што овде се случува тотален хаос“, рече Кирков.

Кирков додава дека ова јавно претпријатие работи недомаќински и ги повика институциите да направат целосна ревизија, со цел да се утврди кој е причинител за ваквата катастрофална ситуација на ЈСП.

„Оттука, се прашувам, иако сѐ е изгласано од страна на советниците, зошто ова јавно претпријатие апсолутно во последните три и пол години работи недомаќински и алармирам и од оваа позиција овде ги повикувам сите јавни и државни институции да направат целосна ревизија и да се утврди одговорноста за тоа кој придонесе ова јавно претпријатие да се наоѓа во ваква ситуација. Скопјани треба да бидат мирни, јавниот превоз и целиот град Скопје ќе доживее една поубава слика“.

Прикажи повеќе...

Македонија

Филипче од лежалка меѓу две јахти пишува статуси за економијата или телефонот му е кај Фрчкоски, велат од ВМРО-ДПМНЕ

Објавено пред

Класична СДС матрица на лаги и дефокус. Последниот човек кој може да зборува за економија е Венко Филипче. Под него, Заев, Артан, Бујар и Али, Македонија ја виде најголемата сиромаштија најскапата струја, најскапото гориво и најголемите корупциски афери, велат од ВМРО-ДПМНЕ откако на социјалните мрежи се огласи лидерот на СДСМ Венко Филипче.

dobivaj vesti na viber

Народот, додаваат од партијата на власт, плаќаше со живот и празни џебови, а тие си полнеа сметки и договараа политики на јахти.

Според ВМРО-ДПМНЕ, денес Филипче зборува за „достоинство“, а токму тој и неговиот ментор, како што велат, ја понижија државата и ја симнаа СДС од втора на четврта партија.

Го прашуваат Филипче: „кога толку глуми загриженост за државата, зошто не им каже на своите 6% поддржувачи колку чини еден ден возење на јахтата? Тука зборуваме за материјалната цена во евра, не за фактот кој одамна е познат, дека тоа возење е само симбол на неговата заложеност кон менторот и сопственикот на јахтата.

За да му ги скратиме маките, еве ја сметката: Гориво: 1800 €; Екипаж: 500 €; Одржување: 250 €;
Марина / сидрење: 200 €; Вкупно: околу 2750 € на ден.

Без да ги пресметаме и скапите ручеци и „ужинки“, какви што има дводецот што го води СДС. Со храна и пијалоци, сумата оди и до 6–7000 € дневно.

За десетина дена тоа преку 70000 евра луксуз.

А за 30 дена, колку што летово поминуваат на јахтата и по грчките плажи и острови, а и по други земји, нека пресмета кој сака сам, колку чини сето тоа“.

Затоа, додаваат од партијата на Мицкоски, пред да глуми дека се грижи за народот, Филипче нека објасни како е можно да се трошат толку пари на јахти и дали мирно спие кога сите во државата знаат дека токму тој хедонистички двоец е одговорен за сиромаштијата, галопирачката инфлација и разурнатата економија.

„Додека народот преживуваше, тие купуваа јахти и си планираа луксузен живот со украденото од народот богатство.

Затоа, Филипче прекини!

Засрами се! Ако воопшто знаеш што е срам“.

Прикажи повеќе...

Македонија

Шукова: ВМРО-ДПМНЕ брутално ги осквернави идентитетот и архитектурата на Скопје, време е да му го вратиме ликот на вистинска метропола

Објавено пред

„Време е на Скопје да му го вратиме ликот на вистинска метропола, град кој ќе биде пристапен и функционален“, порача денеска кандидатката за градоначалник на Град Скопје од СДСМ Каја Шукова. Според нејзината визија за центарот на градот, се предвидува затворање на сообраќајот и ставање на јавниот простор во функција на пешаците, туристите, велосипедистите, не на автомобилите.

dobivaj vesti na viber

„Време е на Скопје да му го вратиме ликот на вистинска метропола – град кој ќе биде пристапен и функционален. Мојата визија за „Мал ринг“ е суштинска промена на центарот на градот. Проект кој подразбира затворање на мал ринг за сообраќај, адаптиран за пешаците и велосипедистите. На Рекорд ќе има дозвола за превоз само за ЈСП и специјални возила. Ќе го заживееме јавниот простор со урбана опрема и ќе воведеме посебни содржини. Центарот многу брзо ќе го добие ликот како што заслужува нашето Скопје и ќе го врати сјајот на метропола“, рече Шукова.

Порача дека Скопје сега е задушен град поради неуспешните импровизации на ВМРО-ДПМНЕ и нивната градоначалничка Данела Арсовска.

„Централното градско подрачје, познатиот „Мал ринг“ кој е срцето на Скопје, сега е задушен, поради деструктивните импровизации на ВМРО ДПМНЕ и незаинтересираноста на нивната менаџерка Данела Арсовска. ВМРО ДПМНЕ брутално го осквернави идентитетот и архитектурата на Скопје – скапо платен со народни пари, а со трајни последици по јавниот простор. Денес, строгиот центар на Градот е задушен од објекти, прекумерен сообраќај и без соодветна инфраструктура за пешаците и велосипедистите. Тоа време мора да остане зад нас! “, изјави Шукова.

Прикажи повеќе...

Најново

Македонија3 часа

Кривична пријава за градоначалникот на Делчево: вработил лице што исполнувало услови за пензија

Надворешната канцеларија за криминалистички работи Делчево на 25.08.2025 до ОЈО Делчево поднесе кривична пријава против Г.Т. (54) од Делчево поради...

Македонија3 часа

Алиу: Очекувам објективни резултати од анализата на кардиолошките и на кардиоваскуларните интервенции

Министерот за здравство Азир Алиу утрово одржа состанок со интерната комисија задолжена за изготвување прелиминарна анализа на кардиолошките и на...

Македонија3 часа

Славевски најави мерки за поттикнување поповолно кредитирање за купување станови

Директорот на Агенцијата за катастар на недвижностите, Иван Живковски, денеска оствари работна средба со гувернерот на Народната банка, Трајко Славевски....

Македонија4 часа

Во текот на изминатото деноноќие изгаснати 20 пожари во Македонија

Во текот на изминатото деноноќие, на ден 25/26.08.2025 година, на територијата на Македонија имаше вкупно 23 пожари на отворен простор,...

Топ5 часа

Уапсен возач во Кичево – усмртил пешак на пешачки премин и избегал од местото на несреќата

Полицијата уапси возач во Кичево кој со возило удрил во пешак и избегал, а пешакот подоцна починал во болница во...

Македонија6 часа

Денеска се одбележуваат 115 години од раѓањето на Мајка Тереза

Денеска се одбележуваат 115 години од раѓањето на Мајка Тереза (вистинското име и е Агнеса Гонџа Бојаџиу). Таа е родена...

Македонија6 часа

„Влен“: Обвинителството да постапи по извештајот од ревизијата за Бујар Османи

Еден месец помина од јавно објавениот негативен извештај на Државниот завод за ревизија за трошењата во Министерството за надворешни работи...

Свет8 часа

Австралија: Иран нарача најмалку два антисемитски напада во нашата земја

Австралија денес објави дека ќе го протера амбасадорот на Иран во Канбера, а премиерот Ентони Албанезе го обвини Техеран за...

Македонија8 часа

Борче Стамов и д-р Ирфан Ахмети ќе ја примат државната награда „Мајка Тереза“

Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска, во Собранието, ќе ја...

Македонија18 часа

(Видео) Во потрага по храна, мечка се качи на тераса од семејна куќа во Тетовско

Мечка се качила на тераса од семејна куќа во тетовското село Отуње. Членовите на семејството биле во внатрешноста на куќата,...

Македонија1 ден

Голема акција на Финансиската полиција: уапсени седум лица за даночни измами и перење пари, го оштетиле буџетот за 430 милиони денари

По двегодишна опсежна предистражна постапка, во текот на денешниот ден Управата за финансиска полиција спроведе акција во која беа извршени...

Македонија1 ден

Предложен притвор за таткото што тепаше играчи на фудбалскиот натпревар во Штип

Основното јавно обвинителство Штип денеска поведе итна постапка против едно лице за кривично дело – Насилство. Осомничениот извршил грубо насилство...

Свет1 ден

Застрашувачки снимки од напад врз болница во Газа, меѓу загинатите има и новинари

Најмалку 15 лица, вклучувајќи четворица новинари, беа убиени денес во израелските напади врз болницата „Насер“ во градот Кан Јунис во...

Македонија1 ден

Поскапуваат бензините и дизелот

Бензините и дизелот од ноќеска на полноќ ќе поскапат за половина и за еден денар, соопшти Регулаторната комисија за енергетика,...

Македонија1 ден

Алиу на средба со д-р Кедев: Сите што имаат информација за евентуални неправилности да се обратат до Министерството

Министерот за здравство Азир Алиу денеска оствари средба со д-р Сашко Кедев, на која беа разменети информации во врска со...

Македонија1 ден

Зеленски: Украина високо ја цени непоколебливата солидарност на Северна Македонија во поддршка на нашата слобода

Украина високо ги цени непоколебливата солидарност и силниот глас на Северна Македонија во поддршка на нашата слобода, достоинството и правото...

Топ1 ден

Тешко повредена жена во Автокоманда, маж ја удрил во главата со гајба полна со стаклени шишиња

Основното јавно обвинителство Скопје поведе постапка против едно лице за кого постои основано сомнение дека сторил кривично дело – Тешка...

Европа1 ден

Русија уништи 21 украински дрон во текот на ноќта, два летаа кон Москва

Руските одбранбени единици уништија 21 украински дрон во текот на ноќта, објави руската државна новинска агенција, повикувајќи се на податоци...

Свет1 ден

Канада отворена за испраќање мировни сили во Украина

Канадскиот премиер Марк Карни му рече вчера на украинскиот претседател Володимир Зеленски дека ги поддржува барањата на Украина за силни...

Европа1 ден

Мерц: Никој повеќе не треба да има илузии, Германија е во структурна криза

Германскиот канцелар Фридрих Мерц призна дека справувањето со економските предизвици се покажува како многу поголем предизвик отколку што првично очекувал....