Македонија
„Вреди“: По 23 години стагнација, децентрализацијата, конечно, се реализира
По 23 години стагнација, децентрализацијата конечно се реализира. Денеска сакаме да го изразиме нашето задоволство од потпишувањето на Меморандумот за соработка и разбирање помеѓу Владата и Здружението на општини – Заедницата на Единиците на Локалната Самоуправа на Република Северна Македонија (ЗЕЛС). Овој Меморандум е
важен чекор кон зајакнување на децентрализацијата и развојот на системот на локалната самоуправа во нашата земја, велат од коалицијата ВЛЕН/ВРЕДИ.
„Коалицијата ВЛЕН секогаш била силен поддржувач на процесот на децентрализација, гледајќи го како една од основните столбови на нашиот владин програм. Веруваме дека длабока и ефективна децентрализација е клучна за зајакнување на локалната демократија и подобрување на услугите за граѓаните. Меморандумот, кој претставува заеднички
ангажман за пренос на поголеми надлежности и ресурси на локалните нивоа на управување, е јасен доказ за нашата посветеност за постигнување на овој цел.
Ние ја поздравуваме одлуката за креирање на годишен програм на приоритетни активности и формирање на заеднички комисии кои ќе вклучуваат надворешни експерти и претставници на администрацијата.
Овој инклузивен и аналитички пристап ќе помогне во адресирањето на реалните потреби на општините и ќе придонесе за подобрување на ефикасноста и транспарентноста во управувањето со јавните ресурси“, посочуваат од коалицијата и додаваат:
„Клучен елемент на Меморандумот е ангажманот за обезбедување поголеми буџетски средства за општините, базирани на приходите од даноците и ДДВ. Коалицијата ВЛЕН силно ја поддржува оваа стратегија и ја гледа како можност за зајакнување на единиците на локалната самоуправа и помош во развојот на капитални инвестициони проекти кои ќе ја подобрат инфраструктурата и квалитетот на животот за нашите граѓани.
Дополнително, ние сме задоволни што овој Меморандум вклучува ангажман за консултации со ЗЕЛС во врска со сите можни промени во прописите за урбанистичко планирање и изградба. Ова ќе обезбеди процесите на законски и регулаторни промени да бидат во хармонија со потребите и реалностите на локалните средини.
Коалицијата ВЛЕН ќе продолжи да ја поддржува и следи примената на овој Меморандум со внимателност и посветеност. Ние сме уверени дека преку оваа тесна и искрена соработка, ќе постигнеме одржлив и фер развој на сите нивоа на управувањето во Република Северна Македонија“, велат од ВЛЕН/ВРЕДИ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лога по одлуката за „Балансерот“: Северна Македонија се лизга по пат кој е докажано фатален за неа
Според поранешниот министер за прaвда и потпретседател на Алијанса за Албанците, Кренар Лога, сите иницијативи што се однесуваат на прашањата за праведно и соодветно застапување, употребата на албанскиот јазик и другите етнички прашања во корист на немакедонските заедници ќе имаат иста судбина како прашањето за изводите од матична книга на родени, односно поништувањето на уредбата на министерот за правда и укинување на соодветните членови од законот.
Треба да се истакне, напоменува Лога, дека гласањето пред една година беше чисто етничко и мајоризирачко; такво беше и денес (6 македонски гласови наспроти 3 албански и турски).
„Своеремено, македонската политичка елита го користеше Собранието на Македонија за да ги мајоризира Албанците. Сега, откако тоа им е оневозможено во Собранието, тие ја префрлија оваа практика во Уставниот суд.
Додека во Уставниот суд не постои двојно гласање за законите со Бадентер, односно механизам за заштита на другите етнички заедници, ароганцијата на македонската политичка елита ќе се појави повторно, исто како во 1991 или 1997 година.
За жал, Северна Македонија се лизга по пат кој е докажано фатален за неа. Денес, нашата држава ги дели патиштата: или ќе оди кон Европа, или кон „Српски свет“; или ќе остане Северна Македонија и европска, или македонската олигархијата ќе направи дел од неа да стане „Јужна Бановина“, вели Лога.
Македонија
Од денеска нема да има загарантирани работни места на Албанците и другите немнозински заедници, честито Таравари, велат од Алијанса за Албанците
По предупредувањата на претставниците на моноетничката Влада, Мицкоски, Димитриевски, Таравари, денеска Уставниот суд направи голем чекор од проектот за деалбанизација на државата. Денешната одлука за укинување на Балансерот е удар за еден од главните столбови на Охридскиот договор, правичната и соодветна застапеност оценуваат од Алијанса за Албанците.
„Од денеска па натаму нема да има загарантирани работни места и именувања на раководни позиции на Албанците и другите немнозински заедници. Му честитаме на господинот Арбен Таравари за големата „победа“ против Албанците и сервилноста кон оваа антиалбанска Влада. Тој ги надмина Мицкоски и Димитриевски изразувајќи се децидно против вработувања по етничка основа и беше последниот соопштувач на оваа одлука што следеше денеска“, додаваат во реакцијата.
Го потсетувамат, како што велат, Уставниот суд дека ова беше институцијата која во историјата на државата предизвика најголема дискриминација и неправда и како резултат на тоа најстрашни немири.
„Ја потсетуваме сегашната моноетничка Влада, каде не се разликуваат веќе ни сервилните партнери, кои беа во еден глас со Мицкоски и Стоилковиќ, дека ја враќат државата 24 години назад, до времето пред потпишувањето на Охридскиот договор. Денеска цела јавност виде кои се сценаристите на дестабилизацијата и кој сака тензии. Обвинувајќи ги Албанците и прегазувајќи ги Албанците во исто време, нема да можете да ги реализирате вашите планови, а камоли да не искомплицирате и исплашите. Ние заедно со Албанците нема да прифатиме вакви самоволни одлуки, со етничко надгласување, кои ги уништуваат досегашните достигнувања од Охридскиот договор“, нагласуваат во соопштението.
Нагасуваат дека ќе ги алармираат гарантите на ОД, меѓународната заедница, и ќе го кренат како што додаваат нивниот глас на секаков демократски и легитимен начин.
„Вие кои веќе ништо не вредите, а станавте сервилни и извршители на најтешките одлуки против Албанците, ќе останете долго запаметени во историјата по вашите предавства“, велат од Алијанса за Албанците.
Македонија
„Вреди“за „балансерот“: Одлуката нема да смени ништо за правата на Албанците, но е инспирирана од криминалните структури на претходната власт за создавање дестабилизација
„Вреди“ остро реагира на одлуката на Уставниот суд за покренување на постапка за оценување на уставноста и замрзнување на т.н. балансер, се наведува во соопштението од оваа партија.
Оваа одлука, велат од коалицијата, е инспирирана од очигледната потребата на криминалните структури на претходната власт за создавање меѓуетнички проблеми и дестабилизација на внатрешните односи во државата.
„Сакаме да укажеме на јавноста дека сите судии, без исклучок или било каква припадност, се избрани со гласови на ДУИ во претходните мандати. ДУИ давала поддршка на сите оние кои денес поведоа постапка против т.н. балансер.
ВЛЕН веќе работи на решавање на проблемот со правичната застапеност на Албанците во институциите, но на адекватен систематизиран и кодифициран начин. ВЛЕН ќе го реши овој проблем со нов закон на кој веќе се работи“, нагласуваат од коалицијата.
Потстеуваат дека принципот на рамноправна и правична застапеност е гарантиран со Уставот на Република Северна Македонија и тој не може да
биде оспорен и поништен дури ни од страна на Уставниот суд.
Дополнително, додаваат од „Вреди“ во десетици и десетици, можеби и стотоици материјални закони за функционирањето и работата на поединечни институции гарантирана е застапеноста на Албанците.
„Денешната одлука нема да смени ништо за правата на Албанците, ама ја покажува лошата намера на оние кои ги избраа овие судии во Уставниот суд. ДУИ не ги решааваше проблемите на Албанците, немаа време, беа посветени на своите бизниси, тендери, коцкарници, трговски центри, градежни фирми. ДУИ правеа криминал“, истакнуваат од „Вреди“ во пишаниот допис.