Македонија
Времето сончево и топло, попладне со услови за појава на пороен дожд и грмежи

Времето денеска ќе биде сончево и топло. Во попладневните часови ќе има услови за локална појава на пороен дожд и грмежи, а ќе има и услови за изолирана појава на град и засилен ветер, соопшти Управата за хидрометеоролошки работи.
Минималната температура ќе се движи од 12 до 19, а максималната од 28 до 36 степени.
Во Скопје времето ќе биде сончево со мала до умерена облачност и со слаб до умерен северозападен ветер, попладне со услови за локален пороен дожд и грмежи. Температурата ќе достигне од 18 до 31 степен.
Под влијание на влажна, посвежа и нестабилна воздушна маса в среда времето ќе биде променливо облачно и нестабилно со пороен дожд и грмежи. На повеќе места врнежите ќе бидат пообилни, над 30 литри на метар квадратен, локално во форма на невреме со појава на град и силен ветер. Поради северниот ветер ќе има пад на температурите за 6 до 8 степени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).