Македонија
Врховен и Апелација одлучија: Нема да бидат изземени судиите во „ТНТ“ и „Насилство“

Врховниот суд нема да ги изземе судиите во случаите „ТНТ“ и „Насилство во Општина Центар“. Со барањето за предметот на СЈО „ТНТ“ за иземање на в.д. претседателката на Апелациониот суд – Скопје, Лидија Димчевска, и нејзиниот заменик, судиите одлучиле дека барањето е неосновано.
„Врз основа на ова решение, а постапувајќи по барање на одбраната во предметот „ТНТ“, за иземање на претседателот на Основниот суд Скопје 1 – Скопје Иван Џолев и неговиот заменик, Апелациониот суд – Скопје на 20.04.2018 година, донел решение со кое барањето на одбраната се отфрла како недозволено. Претседателот на кривичниот суд во Скопје, постапувајќи по барање на одбраната за иземање на судискиот совет кој постапува во предметот „ТНТ“ на 23.4.2018 година, донесе решение со кое барањето за иземање се одбива како неосновано.
Истите одлуки важат и за случајот „Насилство“. Адвокатите на обвинетите во неколку наврати побараа изземање на судиите, поради можноста дека биле прислушувани и дека може да се јават како оштетени во постапките.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот од врвот на Водно кон Матка, извести директорот на ДЗС, Стојанче Ангелов.
Како што информираше Ангелов, Дирекцијата за заштита и спасување итно извршила мобилизација на тимот за спасување на планина од Тетово и истиот веднаш бил упатен во пребарување на теренот.
Во 18.40 двете девојки од Португалија беа пронајдени и однесени до ресторанот Матка каде ги пречека Конзулот на Република Португалија, додава Ангелов.
Македонија
Дел од Ѓорче Петров утре без струја

Од ЕВН Македонија АД известуваат дека утре без електрична енергија ќе останат:
– во периодот од 09.00 до 15.00 часот, корисниците од улиците Веле Марков, Ибе Паликуќа, Воин Драшковиќ, Рафаел Батино. (општина Ѓорче Петров)
Македонија
Меџити прими жители од Страчинце: Анализите на експертите јасно покажаа дека отворањето на каменоломот ќе има сериозни последици врз животната средина

Првиот заменик-претседател на Владата и министер за животна средина и просторно планирање, Изет Меџити, денес ги прими во својот кабинет жителите од селото Страчинце, со кои одржа отворен состанок за одлуката за одбивање на барањето за отворање на каменолом во оваа скопско село.
Министерот Меџити ги информираше жителите за професионалните и институционалните причини што доведоа до оваа одлука. Анализите на експертите јасно покажаа дека отворањето на каменоломот ќе има сериозни последици врз животната средина, ризик од поплави и негативно влијание врз јавното здравје, велат од Министерството.
На состанокот беше истакнато дека приоритет е заштитата на животот и благосостојбата на граѓаните над секој економски интерес.
Меџити истакна дека следниот чекор е конечно поништување на концесијата во Влада, со што ова прашање ќе добие трајно решение.
Жителите на Страчинце се заблагодарија за одлуката и за приемот што го оствари министерот Меџити, нагласувајќи дека овој состанок е пример за владеење со отворен дијалог и чесна соработка со граѓаните.