Македонија
„Генералка викенд“ во сите основни и средни училишта

Министерството за образование и наука и Бирото за развој на образованието со поддршка од УНИЦЕФ и Шведска, утре, 9 мај 2025 година, ќе ја организираат активноста екочас во сите основни и средни училишта во државата. Активноста е дел од големата национална кампања „Генералка викенд“, чија цел е подигање на свеста за значењето на заштитата на животната средина.
По тој повод ќе се оствари посета на Основното училиште „Лазо Ангеловски“, во кое учениците ќе се вклучат во екоакција со практични активности.
Каде: ОУ „Лазо Ангеловски“
Кога: 9 мај 2025, петок, 10.30 часот
Кој ќе присуствува: Претставничката на УНИЦЕФ, Лесли Милер, директорката на Бирото за развој на образованието, Милка Тримчевска, градоначалникот на Аеродром, Дејан Митески, директорката на ОУ „Лазо Ангеловски“, Магдалена Петреска, и ученици од училиштето.
Што: Учениците ќе спроведат практични активности за заштита на животната средина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Прекинато водоснабдување во дел од Општина Карпош

Од ЈП Водовод и Канализација известуваат дека денеска поради дефект на шибер од ф – 80 мм на ул. Руѓер Бошковиќ бр. 15, во периодот од 09.00 часот па се до отстранување на дефектот без вода ќе останат корисниците лоцирани на потегот од бул. Осми Септември до раскрсница со ул. Никола Тесла. (општина Карпош).
Македонија
Мицкоски ќе се сретне со Орбан во Будимпешта

Премиерот Христијан Мицкоски в петок ќе присуствува на CPAC конференција во Будимпешта, Република Унгарија, соопшти владината прес-служба.
Мицкоски во рамки на посетата ќе се сретне со унгарскиот премиер, Виктор Орбан.
Македонија
Сојузниците од НАТО треба да трошат по 5 отсто од БДП за одбраната, му рекол Рубио на Муцунски

Државниот секретар на САД, Марко Рубио на средбата со шефот на македонската дипломатија, Тимчо Муцунски, нагласил дека е неопходно сојузниците во НАТО да дадат поддршка и да постигнат 5 отсто издвојување за одбраната, соопшти Стејт Департментот во соопштение по средбата.
Двајцата ја потврдиле силната врска меѓу Соединетите Американски Држави и Северна Македонија и ги истакнале заедничките интереси во однос на регионалната стабилност, економската соработка и НАТО.
Тие разговарале и за можностите за проширување на економската соработка, вклучувајќи ја трговијата и инвестициите.
Муцунски по средбата соопшти дека е потврдено стратешкото партнерство со САД, а нашата држава продолжува да дава активен придонес како кредибилен сојузник, со инвестиции повеќе од 2 отсто од БДП во одбранбениот сектор.