Министерот за внатрешни работи Панче Тошковски и министерот за дигитална трансформација Стефан Андоновски денес ја презентираа новата дигитална услуга за поднесување на онлајн барање за издавање на одобрение за набавка на оружје.

Откако соопшти дека 15 високи полициски функционери добиле решенија за отказ оти нелегално издавале дозволи, а многумина кои се стекнале со дозволи не ги исполните условите, Тошковски рече дека дигиталната алатка е брзо решение кое нема да биде подложно на можност за корупција.

„Оваа решение, оваа алатка ќе овозможи системски пристап кон остварување на правата нас на граѓаните. Граѓаните нема да имаат потреба лично да се обраќаат до сите институции како пример судот за прибават дозвола за неосудуваност и ќе се намалат трошоците за самите граѓани бидејќи нема сами да ги вадат потребните документи туку институциите ќе си ги разменуваат меѓу себе преку нивните бази за податоци. Барањето почнува со пред фаза во која ќе се утврди дали лицето согласно законските норми исполнува услови за се стекне со дозвола за оружје и притоа никој нема да има дискреционо право да фаворизира туку ќе се постапува неселктивно по сите барања. Апликантот ќе биде известен на електронска пошта дали е подобен да добие дозвола за оружје. Ако е, во втора фаза тогаш ќе треба да прибави други документи како лекарско уверение, посетеност на обуки и слично. Со други зборови, со оваа алатка ги намалуваме чекорите, ги намалуваме трошоците и ја отстрануваме можноста за корупција.“, потенцираше министерот Тошковски.

Министерот за дигитална трансформација ја поздрави можноста МВР да ги дигитализира процесите и на граѓаните да им понуди дигитални услуги кои ќе штедат нивното време и трошоци притоа употребувајќи ги националните ресурси како националниот портал uslugi.gov.mk каде покрај сите достапни услуги за граѓаните ќе биде достапна и оваа можност за аплицирање за дозвола за оружје.

„Освен националниот портал uslugi.gov.mk овде ќе биде искористена и платформата за операбилност каде институциите меѓу себе ќе ги прибавуваат доказите и информациите за граѓаните, без за тоа граѓаните да имаат обврска да одат од шалтер на шалтер и да трошат дополнително време и ресурси., истакна министерот Андоновски.

Министерот Андоновски ги повика граѓаните масовно да го користат порталот uslogu.gov.mk како за оваа услуга така и за сите останати услуги достапни на порталот и ги повика сите институции да работат на својата агенда за дигитализација и да нудат на граѓаните дигитални услуги кои ќе ќе го штедат времето и ресурсите на своите граѓани.

На настанот од стана на Одделот за информатичка и телекомуникации на МВР беше презентирана во живо постапката за аплицирање за дозвола за оружје.

Алатката ќе биде достапна преку сајтот на МВР и на националниот портал uslugi.gov.mk.

Вистинско прашање сега се поставува, зошто за само неколку месеци ни се случуваат 25 вооружени инциденти во коишто имаме ранети, убиени граѓани. Зошто овие настани се случуваат и зошто токму овие криминални банди добиваат на значање на сила токму во овој период. Нема оправдување. Ако 1 година го предводи некој МВР да кажува дека заради тоа што се случувало во минатото сега не може да преземам ништо повеќе. Се бара знаење, посветеност и пристап којшто ќе овозможи заштита на граѓаните, вели Оливер Спасовски, координатор на пратеничката група на СДСМ и ексминистер на МВР.

„На крајот ниту еден граѓанин не му важно со што се соочува некој министер или Министерство за внатрешни, граѓаните сакаат мир и безбедност затоа што е недозволиво да излезат и да се плашат дали некој во одреден момент, некоја криминална група ќе пука, ќе подмете бомба или не дај Боже да се случат посериозни настани. Истот ден се случи пукање и во куќа во Шуто Оризари, каде што имаше вооружена престрелка но не се објави во јавноста. Така да треба да се преземаат мерки а тие мерки може да дадат резултати не ако се удира по професионалците во МВР туку ако им дадете потстрек за да се борат со криминалот и со справувањето со ваквите криминални структури“, посочува Спасовски.

Министерот за надворешни работи и надворешна трговија, Тимчо Муцунски, заедно со Резидентниот координатор на Обединетите нации во Република Северна Македонија, Рита Колумбиа, денеска ко-претседаваа со состанокот на високо ниво за подготовка на новата Рамка за соработка за одржлив развој на Обединетите нации и националните институции за периодот 2026-2030. На состанокот присуствуваа Премиерот Христијан Мицкоски и повеќемина ресорни Министри и Заменик министри и претставници од 14 ентитети на ОН во земјата.

На состанокот беше потврден ставот дека развивањето на националните стратегии и акциски планови ќе ги премости долгорочните обврски со мерливи, краткорочни цели, приспособени на секој контекст.

„Инклузивниот ангажман на засегнатите страни е подеднакво суштински. Вклучувањето на локалните власти, граѓанското општество и приватниот сектор од самиот почеток, ќе ја поттикне вистинската соработка, обезбедувајќи успех на нашите заеднички цели кои сакаме да ги постигнеме”, истакната претседателот на владата Христијан Мицкоски во обраќање.

Фокусот на дискусијата беше ставен на националните приоритети во доменот на одржливиот развој и за усогласувањето со глобалните стандарди. Се потврди заложбата за заедничнкиот придонес кон подобрување на квалитетот на животот, владеењето на правото, заштитата на животната средина, социјалната инклузија, намалување на сиромаштијата, создавање услови за економски напредок, намалување на загадувањето итн.

„Оваа Рамка не е само декларација на добри намери, туку истата претставува модел на партнерство насочен кон постигнување на одржлив развој, справување со нееднаквоста и подобрување на иднината на генерациите што доаѓаат. Но, она што навистина ја издвојува оваа рамка е нејзиниот пристап кон луѓето. Ја нагласува инклузивноста, фокусирајќи се на маргинализираните и ранливите заедници, осигурувајќи дека „никој нема да биде изоставен“. За нас, одржливиот развој значи градење општество во кое сите ќе имаат еднакви шанси за напредок, независно од нивната социјално-економска состојба, етничка припадност или местото на живеење“, истакна Муцунски.

Во рамките на своето обраќање постојан координатор на ОН во Северна Македонија, Рита Колумбија подвлече дека во моментов во земјата работат 22 агенции и програми на ОН, притоа додаде дека сите напори на ОН во земјата се дизајнирани да го поддржат спроведувањето на националните приоритети, во согласност со Агендата 2030 за одржлив развој и процесот на пристапување во ЕУ, тесно поврзани и насочени кон подобрување на животните услови и обезбедување подобра иднина за сите.

Во дискусијата, за најсоодветно искористување на поддршката што ја добиваме од системот на ОН, а во насока на реализирање на развојните приоритети, активно учество земаа Министрите и Заменик министрите од Владата.