Македонија
Господине Хитлер, му рече Арсовска на Трајко Славевски додека се расправаа за микрофонот

Градоначалничката на Град Скопје, Данела Арсовска, и претседателот на Советот на Градот се скараа за копче од микрофонот на говорницата и седницата за советнички прашања се претвори во циркус.
– Еве овој микрофон ви е на располагање, имате фотелја која е поудобна од магарешките клупи во кои седите назад, рече Славевски за микрофонот до него затоа што копчето за вклучување и исклучување од микрофонот на говорницата не му било вратено.
Данела Арсовска со подвижен микрофон отиде на говорницата за да му се обрати на Славевски, кој, пак, ѝ го одзеде правото на збор и даде нова пауза од 15 минути затоа што го кршела деловникот.
– Господине Хитлер, не сметам дека ви доликува да го правите овој циркус, недолично е. Прво го кршите Уставот, второ сте ситен криминалец и сте човек којшто краде. И не е во ред тоа што го правите. Тој микрофон е во сопственост на Град Скопје, истакна Арсовска.
Градоначалничката го обвини Славевски дека се изживува кон говорниците и кон неа.
– Како ние ќе се произнесеме. Вашиот капацитет е еднаков на нула. Согласно деловникот имаме право да избереме на кој начин ќе се изјасниме. Се изживувате. Ова е мојата куќа и мојот дом. Ова е Градот Скопје, рече Арсовска.
Потоа Славевски ја прекина седницата за советнички прашања и ја презакажа за 14 ноември во 11 часот.
Oрце Костов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.