ЈП „Македонијапат“ – подружница Скопје, почнувајќи од денеска, ќе изведува градежни работи (асфалтирање) на регионалниот пат Р-2238 с. Галичник – Маврово. Асфалтирањето ќе се одвива во правец од с. Галичник кон Маврово. Работите ќе се одвиваат секој работен ден и за време на викенди во период од 10 до 16 часот кога сообраќајот ќе биде во прекин. На местото на работите ќе биде поставена соодветна сообраќајна сигнализација.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

На регионалниот патен правец Р2431 Штип – с. Аргулица – Плачковица (детско одморалиште), на делот од кракот за с. Прналија, 500 метри по аеродромот, кон викенд-населбата (28.050 километри), сообраќајот е во прекин поради оштетување на патот во должина од 50 метри. На самото место поставена е вертикална сообраќајна сигнализација.

АМСМ препорачува приспособена брзина на движење, почитување на поставената сообраќајна сигнализација и исклучително внимателно управување со возилата, особено на патиштата низ клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.