Македонија
Градоначалникот на Куманово: Царовска направи пропуст за градинката

Градоначалникот на општина Куманово, Максим Димитриевски, одржа прес-конференција во врска со одземените ингеренции за градинката „Ангел Шајче“, од страна на министерката за труд и социјална политика, Мила Царовска.
Тој пред новинарите изјави дека решението е неиздржано, тендециозно, селективно и пристрасно и има за цел директно да го инволвира Министерството за труд и социјална политика во кадровскиот избор на директор на детската градинка.
„Ја повикувам министерката за труд и социјлна политика, Мила Царовска, којашто има направено голем пропуст, да го преиспита оваа решение, да го повлече и надлежноста да ја врати на Општина Куманово, бидејќи Куманово не заслужува ваков третман. Ова го поткрепувам со фактот дека на трети јануари ненајавено од страна на надлежен инспектор од ресорното министертво беше направена посета во општина Куманово, без налог за вршење какви било контроли и каде јасно и гласно ми беше ставено на знаење дека, доколку не отпочнам постапка, притоа преудицирајќи на изборот на директор, ова ќе се случи. Жалам што една ваква работа се случува во една демократска општина како што е Куманово“, рече градоначалникот.
Димитриевски подвлече дека праксата покажува оти во одредени општини каде што не е навремено отпочната постапката за избор на директор, не се преземени никакви активности. Според тоа, како што рече Димитриевски, ова решение е тенденциозно и тој согласно со законот мора да го почитува, но апелира уште еднаш до Министерстото да го преиспита, укине и јавно да им се извини на општина Куманово и на нејзините граѓани.
„Јас како градоначалник сум должен да обезбедам правно работење на институциите што се во моја надлежност, а не да работам под притисоци“, истакна Димитриевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот на патот Градско – Прилеп во прекин

Поради случена сообраќајна незгода, патот Градско – Прилеп е во целосен прекин, информира АМСМ.
„Поради товарно моторно возило сообраќајот е попречен на експресниот пат Градско према Прилеп (односно према село Дреново), сообраќајот е во целосен прекин и се одвива по стариот пат низ село Росоман“, велат од АМСМ.
Македонија
Почнува реновирањето на Клиниката за гинекологија

Премиерот, Христијан Мицкоски, утре ќе присуствува на почеток на комплетно реновирање и реконструкција на амбулантите, лабораториите и специјалистичките кабинети на Клинички центар „Мајка Тереза“ ЈЗУ УК Гинекологија и акушерство во Скопје.
Од Владата информираат дека реконструкцијата е во износ од 29.000.000 денари со што, како што пишува во соопштението, ќе се создадат услови за поефикасна дијагностика и лекување на пациентите.
Македонија
Утре облачно време, попладне дожд

Времето утре ќе биде променливо облачно со сончеви периоди. Попладне ќе биде нестабилно со локален пороен дожд и грмежи. Наместа процесите ќе бидат поинтензивни во форма на невреме со пообилен пороен дожд, грмежи, силен ветер (над 60 km/h) и изолирана појава на град, информира УХРМ.
Минималната температура ќе биде во интервал од 6 до 14, а максималната ќе достигне од 21 до 27 степени.
Во Скопје, променливо облачно со сончеви периоди. Попладне ќе биде нестабилно со пороен дожд, грмежи и засилен ветер. Во делови од котлината ќе има услови за краткотрајно невреме со пороен дожд, грмежи, силен ветер и изолирана појава на град. Минималната температура ќе се спушти до 12, а максималната ќе достигне до 26 степени.
Под влијание на влажна и нестабилна воздушна маса времето во следните денови ќе биде променливо облачно и топло со сончеви периоди. Наместа ќе биде нестабилно со врнежи од дожд и грмежи. Локално процесите ќе бидат поинтензивни во форма на невреме со пообилен пороен дожд, грмежи, силен ветер и изолирана појава на град, особено во деновите од викендот.