Македонија
Градоначалникот на Свети Николе: Изминатата година реализирани дури 90 отсто од планираните проекти
„Се изборивме со многуте опструкции од власта, со намалените дотации и енормно високите сметки за електрична енергија. Но, тоа е нашата обврска да работиме и да изнајдеме решение за проблемите“, вели градоначалникот на општина Свети Николе во своето обраќање во кампањата „Промените на дело“, во организација на ВМРО-ДПМНЕ.
Владев изјави дека изминатата година реализирани се дури 90 проценти од планираните проекти, а се заблагодари и за идеите од страна на граѓаните потенцирајќи дека повеќето од нив се реални и ќе бидат реализирани со буџетот за 2023 година.
За една година, реализиравме над 90 проценти од планираното. Асфалтиравме улици во вредност од 25 милиони денари, изградивме балон-сала, која ќе им служи на најмладите, во вредност од 9 милион денари, имаме и најмодерна противпожарна станица, а набавивме и две противпожарни возила за потребите на нашите пожарникари, во вредност од 120 илјади евра. Буџетот за 2023 година го правевме заедно со граѓаните, вашите идеи се преточени во проекти што ќе се реализираат, рече тој.
Идејата на Катерина Манева ќе биде имплементирана во буџетот и реализирана во 2023 година, асфалтирање на улиците Михајло Апостолски и Гаврило Гаврилски, како и улиците 3 и 4, нагласи Владев.
Воедно, Владев додаде дека 2023 година ќе биде година на инфраструктурен бум бидејќи, како што рече, ВМРО-ДПМНЕ е партија што секогаш работи за интересот на народот.
2023 година ќе биде година на инфраструктурен бум во Свети Николе. Ќе реализираме и ќе асфалтираме улици, канализации во вредност од 20 милиони денари и ќе изгради нова балон-сала во СОУ „Кочо Рацин“, во вредност од 9 милиони денари, рече тој.
Продолжуваме со транспарентно и отчетно работење бидејќи вие заслужувате многу подобра иднина. ВМРО-ДПМНЕ е партија што секогаш го слуша народот и работи за интересот на народот, истакна Владев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска доби честитка од кралот Чарлс
Претседателката Гордана Сиљановска Давкова денеска го прими амбасадорот на Обединетото Кралство на Велика Британија и Северна Ирска, Метју Лосон.
На средбата беа разменети мислења за севкупните билатерални односи меѓу двете држави, при што претседателката Сиљановска Давкова истакна дека нашата држава придава особено значење на развојот на пријателските односи и соработката со Обединетото Кралство, вклучувајќи го сојузништвото во НАТО алијансата. Претседателката Сиљановска Давкова посочи на нејзината подготвеност за натамошно унапредување на билатералната соработка со Обединетото Кралство во сите сфери од заемен интерес.
Претседателката Сиљановска Давкова истакна дека како држава особено ја цениме британската поддршка во исполнувањето на стратешката цел – членство во Европската Унија, која продолжи и по Брегзит.
Амбасадорот Лосон на претседателката Сиљановска Давкова и предаде честитка од Кралот Чарлс Трети по повод нејзиното стапување на функцијата, во која упатува најискрени честитки за нејзиниот избор.
„Уверен сум дека ќе го вложите целиот Ваш капацитет за време на Вашиот мандат како Претседател за справување со големите предизвици на нашето време, почнувајќи од справувањето со климатските промени до продлабочувањето на евроатлантската интеграција на Северна Македонија. Многу сум задоволен што нашите две земји имаат воспоставено цврсти трговски и безбедносни односи. Оттука, се надевам дека за време на Вашиот мандат како Претседател односите, кои се веќе толку блиски, уште повеќе ќе се продлабочат“, се вели во честитката од Кралот Чарлс Трети.
Македонија
Сиљановска Давкова се сретна со украинската амбасадорка Дир
Претседателката Гордана Сиљановска Давкова денеска ја прими амбасадорката на Украина, Лариса Дир.
На средбата, беше изразено задоволство од традиционалните пријателски односи, засновани на заемна почит и меѓусебно разбирање. Претседателката Сиљановска Давкова ја нагласи нејзината заложба за продлабочување на соработката во сите области од заеднички интерес, реафирмирајќи ја поддршката за Украина против руската агресија, со која се поткопува европската глобална безбедност и стабилност.
Двете соговорнички разменија мислења и за стратешките определби и перспективите на двете земји, истакнувајќи ја потребата од натамошна заемна помош, споделување искуства и експертиза. Претседателката Сиљановска Давкова ја нагласи македонската поддршка за Украина на нејзиниот пат кон Европската Унија и НАТО.
Амбасадорката Дир, упатувајќи честитки за изборот на претседателката Сиљановска Давкова ѝ посака успешно извршување на функцијата.
Македонија
Системот за видеонадзор на сообраќајниците „Безбеден град“ е поставен во Скопје, Куманово и Тетово
Министерот за внатрешни работи Панче Тошковски денес оствари работна средба на Единицата за оперативно-технички работи при Бирото за јавна безбедност во чија надлежност е системот за видеонадзор на сообраќајниците познат како “Безбеден град“.
Во рамки на посетата министерот беше запознаен со работата на оваа организациска единица, тековните активности и проблеми од делокругот на нивната работа.
„Во тој контекст беше истакнато дека во моментот ваков систем е поставен само во Скопје, Куманово и Тетово, има недостаток на покриеност на многу значајни крстосници, а голем дел од камерите и опремата која се користи во овој систем е технички застарена, а дел и неисправна. Исто така бев информиран за наградбата на системот која е во тек, а која опфаќа замена на постојните камери со нови и проширување на системот со нови камери на точки кои досега не беа покриени. Водено, во фаза на тестирање е системот за автоматско евидентирање на сообраќајни прекршоци за чие целосно ставање во функција потребно е да се направат и соодветни законски измени“, издвои министерот Тошковски од средбата и додаде:
Во иднина треба во континуитет да се инвестира во овој дел, да се прошири и во другите градови низ државата, како и да се распредели дополнителен кадар со цел оваа организациска единица да работи непречено во текот на 24 часа, бидејќи е од круцијално значење за обезбедување на поволна безбедносна состојба.