Македонија
Градоначалникот Ѓорѓиевски и полскиот Амбасадор Тицињски на средба по повод реализираната донација
Градоначалникот Орце Ѓорѓиевски и полскиот амбасадор Н.Е. Војциех Тицињски, денес го посетија ООУ “Партенија Зографски”. Ова е едно од училиштата во Кисела Вода, за кои Република Полска преку својата амбасада во Македонија, донираше 17 интерактивни табли, со цел унапредување и осовременување на наставниот процес.
-Со полскиот амбасадор Н.Е. Војциех Тицињски, досега остваривме неколку средби на кои разменивме информации и заеднички ги разгледавме сферите во кои е можна соработка помеѓу Општина Кисела Вода и Република Полска. Конструктивноста не тие работни состаноци веќе се огледува преку реализираниот проект за донација на интерактивни табли кои нашите ученици ги користат во својот образовен процес. Денес сме во ООУ “Партенија Зографски”, каде се поставени две интерактивни табли кои беа донација од полската амбасада, а Општина Кисела Вода обезбеди уште една, со што учениците полесно и на покреативен начин го совладуваат наставниот материјал. Убаво е кога се делат заеднички вредности, посебно кога тие се однесуваат на унапредувањето на квалитетот на образованието и за тоа сакам да искажам голема благодарност. Имено, после остварената донација од страна на полската амбасада, и неколкуте претходни инвестиции на Општина Кисела Вода, бројот на дигитални табли низ сите основни училишта во Кисела Вода се искачи на 52, како и 92 смарт телевизори кои се користат во наставниот процес. Претходно Општина Кисела Вода обезбеди и компјутер за секој наставник и целосно го опреми кабинетот по информатика во ООУ “Круме Кепески”. Ова говори за силната посветеност на оваа локална самоуправа за создавање на поквалитетно образование, како влог во иднината на Република Македонија. Секоја помош која е поддршка во исполнувањето на таа цел е добредојдена и многу ценета, изјави градоначалникот Ѓорѓиевски кој на полскиот амбасадор му даде благодарница од името на општината и од сите училишта на територија на Кисела Вода.
Полскиот амбасадор се заблагодари лично и во име на Република Полска, го изрази задоволството од досегашната соработка и најави дека проектите од ваков тип ќе продолжат. Воедно, на градоначалникот Ѓорѓиевски му го честиташе изборот за Претседател на ЗЕЛС и му посака и понатамошна успешна работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.