Македонија
„Град Скопје банкротира“, советниците бараат вонредна седница

На Градот Скопје му се заканува банкрот. Нема пари за плати на вработените, ниту за субвенции за јавните претрпријатија. Долгот кон скопски саем ја блокираше градската каса, а има и цел список на други фирми кои си го бараат долгот. Советниците утре ќе побараат итна седница.
„ВМРО-ДПМНЕ Данела Арсовска и нивната неспособност се причината што Град Скопје е со блокирана сметка и е пред банкрот. Околу 100 милиони евра годишно изнесува Буџетот на Градот а дополнително при преземањето на власта Арсовска и ВМРО-ДПМНЕ наследија плус од 13 милиони евра.Арсовска и ВМРО-ДПМНЕ мора да одговорат каде завршиле овие пари на граѓаните.“ изјави на прес конференција советникот од СДСМ, Гордан Шутаров
Шутаров прашува чии се раце се бркнати во медот?
„Ова е срамно и недозволиво. Арсовска ВМРО-ДПМНЕ и нивниот поддржувач Левица мора да одговорат каде завршија парите на граѓаните. Тоа да го сторат на следната вонредна седница на Советот за чие оддржување веќе утре ќе поднесеме барање до претседателот на Советот“, вели тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.