Македонија
„Гранд ривер“ нуди модерно домување во срцето на Скопје
Голем интерес за становите во првата зграда од комплексот „Гранд Скопје“.
„Имајте го Скопје на дланка“ – грандиозниот објект „Гранд Ривер“ кој се гради во рамките на комплексот „Гранд Скопје“ овозможува уникатно искуство за идните корисници на модерниот станбено-деловен објект лоциран спроти хотелот „Холидеј Ин“.
Со отворањето на продажниот салон на комплексот „Гранд Скопје“ започна и продажбата на станбен и деловен простор во објектот „Гранд Ривер“, кој е прв од трите објекти кои се предвидени да се градат во рамки на комплексот позициониран на најатрактивната локација во главниот град и веќе во првата недела од отпочнувањето на продажбата, интересот за станови е навистина голем.
Но, што сè всушност нуди овој објект за своите идни станари?
Живот покрај река во јадрото на Скопје
Станбено-деловниот објект „Гранд Ривер“ нуди единствено искуство и можност за живот и работа во срцето на градот, со многубројни квалитетни содржини на чекор до вас. Објектот кој никнува во непосредна близина на реката Вардар, која воедно е инспирација за дизајнот за уникатниот изглед на „Гранд Ривер“, се наоѓа во близина на живописното шеталиште на кејот на најголемата река во земјата, овозможувајќи бројни активности кои влијаат на унапредување на квалитетот на живот.
Модерен станбено деловен објект по светски стандарди
„Гранд Ривер“ претставува модерен станбено-деловен објект кој содржи три нивоа под земја, приземје и дваесет ката, а се гради согласно највисоките архитектонски стандарди и нормативи за градење на енергетски ефикасни објекти. Објектот претставува инвестиција во квалитет со применет комбиниран конструктивен систем за поголема стабилност и сеизмичка отпорност, интегрирани високо безбедносни системи, противпожарни системи, спринклер систем и лифтови креирани за висококатници кои обезбедуваат сигурност, брзина и напредни стандарди на одржливост.
Место дизајнирано за слобода и индивидуалност
Модерниот станбено-деловен објект „Гранд Ривер“ е местото каде што ќе ја пронајдете слободата и индивидуалноста. Секој стан поседува сопствена тераса што овозможува целосно искористување на природната светлина и можност за уживање во погледот на најатрактивната локација во градот.
Воедно, објектот е дизајниран да овозможи максимален комфор на идните корисници, како и целосно искористување на погледот и природната светлина, како кон реката Вардар, така и кон планината Водно.
„Гранд Ривер“ како дел од комплексот „Гранд Скопје“ нуди уникатна можност за неговите идни станари, како близина на модерна шопинг галерија во централниот дел на комплексот, но и простор за одмор и релаксација во строгиот центар на градот, кој го обезбедува софистицираниот урбан парк кој ќе биде составен дел од комплексот.
Домување за урбани луѓе и модерни семејства
Современите станови и урбаното домување во „Гранд Ривер“ се наменети за урбани луѓе кои живеат енергично, модерни семејства кои преферираат градска динамична средина и луѓе кои претпочитаат хибриден работен живот, на единствена локација во срцето на градот.
Од страна на инвеститорот МГ ФЕШН во рамки на комплексот предвидена е и капитална инвестиција за уредување на јавната површина од близу 7.500 м2 со разновидно парковско зеленило, налик на светските урбани паркови и простори оплеменети со современа фонтана и урбана опрема.
Објектот „Гранд Ривер“ со својот современ архитектонски израз и силуета го има целиот потенцијал да прерасне во ново обележје на Скопје.
Звучи сè ова примамливо?
Доколку и вие сте заинтересирани за домување по највисоки стандарди, може да добиете пероснализирана понуда во продажниот салон на комплексот „Гранд Скопје“ во ГТЦ на 1 кат или да контактираат со тимот за продажба на телефонскиот број: 070 233 055 и на e-mail: [email protected].
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: Бошњачката заедница е нераскинлив дел од нашето мултиетничко општество
Претседателот на Социјалдемократскиот сојуз на Македонија, Венко Филипче, вечерва присуствуваше на одбележување на Меѓународниот Ден на Бошњаците, во организација на Странката на демократска акција на Македонија (СДА).
Во обраќањето пред присутните, Филипче прача дека бошњачката заедница е нераскинлив дел од општеството и има значаен придонес во развојот и напредокот на Северна Македонија.
„Граѓаните Бошњаци по измените на Уставот од 2001 година, станаа дел од преамбулата и на нашиот Устав. Со нивната традиција, како составен и нераскинлив дел од нашето мултиетничко општество, имаат значаен придонес во развојот и напредокот на државата. Бошњачката заедница во Северна Македонија активно се вклучи во успешниот концепт „Едно општество за сите“, со кој Северна Македонија сега е пример во Ервопа и регионот за дијалог, меѓусебно разбирање и почитување“, рече Филипче.
Воедно, претседателот на СДСМ, Филипче ја потенцираше важноста на Странката на демократска акција на Македонија (СДА), која како коалициски партнер на СДСМ, изминативе години даде поддршка на развојните политиките во периодот на Владата на СДСМ.
„Во основното образование за учениците Бошњаци се врати редовната настава на босански јазик, Северна Македонија и Босна и Херцеговина потпишаа серија на билатерални договори во интерес на граѓаните,Скопје и Сараево станаа збратимени градови. Со својата прогресивна идеологија во изминатите години, СДА активно учествуваше во сите процеси кои ја придвижија државата напред, како што е членството во НАТО и започнувањето на преговорите со Европската Унија“, рече Филипче, додавајќи дека токму тоа и е разликата СДСМ и актуелната власт .
Филипче во своето обраќање нагласи дека СДСМ и СДА и во иднина ќе делуваат заеднички и ќе се залагаат за соживот,меѓусебна почит и интеграција на државата.
„ За жал деновиве сме сведоци на едни политики кои ја враќаат државата назад во изолација, нешто за што граѓаните не гласаа. И тоа не смееме да го дозволиме, не смееме да се откажеме од европскиот пат, од европска иднина за нашите граѓани. СДСМ и СДА и понатаму ќе продолжат да делуваат заеднички, ќе се залагаме за демократските вредности и инклузија на сите заедници, за интеграција, а не за изолација на државата“, порача претседателот на СДСМ, Венко Филипче.
Македонија
Промена на времето: УХМР за утре најавува дожд, силен ветер и драстичен пад на температурите
Управата за хидрометеоролошки работи најавува значителна промена на времето утре – дожд, засилен ветер и пад на температурата.
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Македонија
Претседателката Сиљановска Давкова се сретна со генералниот секретар на Советот на Европа, Алан Берсе
Претседателката Гордана Сиљановска Давкова во рамки учеството на 79. Генерално Собрание на Обединетите Нации во Њујорк, оствари средба со генералниот секретар на Советот на Европа, Алан Берсе.
На средбата беа разменети мислења за целите и приоритетите насочени кон демократизацијата на македонското општество, човековите права и владеењето на правото. Реафирмирајќи ја посветеноста за натамошна конструктивна соработка со Советот на Европа, претседателката Сиљановска Давкова изрази задоволство од континураната поддршка за нашето целосно усогласување со европските стандарди и вредности.
Претседателката Сиљановска Давкова ја нагласи важноста од кредибилно постапување на Европската Унија во однос на интеграцијата на земјите од Западен Балкан кога напредокот на поединечните кандидати е евидентно заслужен. Таа се осврна и на неопходното обезбедување усогласеност со обврските што земјите-членки ги презеле, вклучително и правилното спроведување на пресудите на Судот во Стразбур.
Соговорниците разговараа и за актуелните безбедносни состојби во Европа, со акцент на војната во Украина, како и за потребата од посветеност и заеднички пристап кон сегашните и идните предизвици какви што се влијанието на новите технологии и климатските промени врз човечките ресурси.
На средбата претседателката Сиљановска Давкова упати честитки до новоизбраниот генерален секретар на Советот на Европа, Алан Берсе, изразувајќи искрени желби за успешно исполнување на важната мисија и продолжување на плодната соработка со македонските институции.