Македонија
(Видео) Граѓаните на минусни температури повторно пред Собранието против уставните измени

Снегот и температурите под нулата не ги спречија демонстрантите денеска повторно да излезат на протест пред Собранието на Република Македонија против уставните промени.
Граѓаните кои ја блокираа улицата пред Собранието извикуваат „Македонија, Македонија“, „Предавници“, „Платеници“. Тие ги повикуваат пратениците и претседателот Ѓорге Иванов да им се придружат на протестот за да се се спротивстават на промената на името.
На денешниот протест се очекува да се обрати и лидерот на ВМРО-ДПМНЕ, Христијан Мицкоски, кој вчера заедно со пратениците од неговата партија се придружија на протестот.
Според најавите, денеска треба да се гласаат уставните измени, кои се во третата и последна фаза, односно амандманите XXXIII, XXXIV, XXXV и XXXVI на Уставот на Република Македонија, како и предлог уставниот закон за прогласување на амандманите. Секој амандман се утврдува со обично мнозинство, потоа се отвора општ претрес, па претрес по текстови и секој амандман поединечно се гласа со двотретинско мнозинство. Потоа се гласа за сите амандмани заедно со двотретинско мнозинство и на крајот се дебатира и гласа за уставниот закон, за чие усвојување исто така е потребно двотретинско мнозинство.
Според најавите, последните изгласувања со двотретинско мнозинство би требало да се случат утре, откако ќе завршат расправата и изгласувањето на поднесените амндмани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).