Македонија
„Го сакам Водно“: Министерот Нуредини и МЖСПП со различни ставови за иднината на Водно

Од граѓанската иницијатива „Го сакам Водно” го повикуваат министерот за живoтна средина и просторно планирање Насер Нуредини да ги објасни, како што велат, сите изјави дека Министерството има изготвен став, пред највените меѓуинституционални средби за иднината на Водно.
„Вчера се одржа првиот, се надеваме не и последен технички состанок во МЖСПП врзан за процесот за носење нова заштита за Водно – како заштитен предел. Како се одвивал – не знаеме, кој бил повикан, кој дошол – не знаеме, но знаеме дека не присуствувале сите кои сметаме дека се засегнати“, велат од граѓанската иницијатива.
Од таму потсетуваат дека се расправа за нацрт-одлука, а не за имплементирање на веќе донесена oдлука и уште помалку за План на управување.
„Во медиумите продолжува ставот на МЖСПП – институциите ќе треба да најдат начин како да ги вметнат забелешките на невладините. Ќе се бара решение за да може Водно да добие планови за управување со поплави и ерозии. Само недела дена пред тоа, пак, mинистерот даде изјава ако има и други размислувања дека треба да се направи нов zакон за Водно, тогаш ќе размислуваме и за тоа”. Јасно беше кажано дека одлуката не е конечна и дека ќе се ислушаат и други релевантни институции“, информираат од Граѓанската иницијатива.
Додаваат дека забелешки имаат и релевантни институции и експерти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Петрушевски: Ако ССМ не ги криел платите, тогаш на кој сајт или друго јавно место се објавени?

Ако ССМ не ги криел платите, тогаш на кој сајт или друго јавно достапно место се објавени?, прашува Бране Петрушевски, пратеник од ВМРО-ДПМНЕ.
„Пешевски е на чело на синдикат каде работниците на скелиња земаат минимална дневница, за разлика од таа на Пешевски, кој е поставен таму не од граѓаните како пратениците, туку од тесен круг од неговите пријателчиња од ССМ. И таа позиција си ја наследуваат од колено на колено, како и неговите пријатели и ментори од црвената буржоазија на СДС.
Ако Пешевски со имот и примања како комунистички директор е претставник на работничките права, тогаш неговиот ментор Заев е чесен човек, а тие Лехваленса, објави на ФБ Бране Петрушевски, пратеник од ВМРО-ДПМНЕ“.
Македонија
One Stop Shop од средината на април ќе се воведе на границата со Косово

Министерството за внатрешни работи ја информира јавноста дека од средина на месец април (14.04.2025) официјално ќе започне со работа заедничката гранична контрола (One Stop Shop) на заеднички граничен премин Долно Блаце – Елез Хан.
„Овој чекор претставува конкретна реализација на билатералната соработка помеѓу Република Северна Македонија и Република Косово, со цел олеснување на прекуграничното движење, намалување на времето на чекање и зголемување на ефикасноста на граничните контроли“, соопштуваат од МВР.
Македонија
ВМРО-ДПМНЕ: СДС е партија чиј премиер Ковачевски даваше земја за фотоволтаици на сопствената сопруга, и Заев кој даваше лиценци на брат му

„СДС да каже кој закон е прекршен, со набавката во Министерството за дигитализација? Дали вработениот кој го посочуваат е некој функционер или член на комисија која одлучува во однос на набавките? Наместо да манипулираат СДС треба да ја прифатат реалноста дека не се работи како до сега“, велат од ВМРО-ДПМНЕ.
„Да потсетиме дека премиерот од СДС, Ковачевски даваше земјиште за фотоволтаици на својата сопруга, и тоа со одлука на владата со која тој управуваше. Премиерот на СДС, Заев, даваше тендери и лиценци на фирмите на братот, братучедот и роднините“, посочувааат од партијата и додаваат:
„СДС е партија чии претседатели делеа бизниси на своите семејства“.
Претходно Методија Илиевски, потпретседател на СДСМ рече дека постои нов скандал во министерството на Андоновски и дека тендер добиле родители на негов вработен.