Македонија
Груби – Гарсија: Шпанија го поддржува европскиот пат на Северна Македонија

Првиот вицепремиер и министер за политички систем и односи меѓу заедниците, Артан Груби, оствари средба со амбасадорот на Кралството Шпанија, Хозе Луис Лозано Гарсија, кому му посака успех во новата мисија во земјата.
На средбата Груби и Гарсија оценија дека пријателството и билатералните односи меѓу Република Северна Македонија и Кралството Шпанија се на високо ниво и дека пријателството треба дополнително да се продлабочува во сите области.
Неодамнешните политички случувања во земјата и регионот, како и конфликтот меѓу Руската Федерација и Украина, исто така беа дел од разговорот меѓу Груби и Гарсија, пои што беше констатирано дека Република Северна Македонија е на иста линија со демократскиот свет осудувајќи ја руската агресија.
Процесот на имплементација на Охридскиот рамковен договор – нормативниот дел, почитувањето на човековите права и слободи беше дел од разговорот меѓу Груби и Гарсија, а во текот на оваа средба се разговараше и за процесот на пописот на населението, кој заврши минатата година и дека се очекува резултатите да бидат објавени за неколку дена.
На средбаta Груби го информира шпанскиот амбасадор за новата динамика на разговорите за решавање на спорот со Република Бугарија, воспоставувањето дијалог и акцискиот план на работните групи, при што беше констатирано дека поддршката на Шпанија во процесот за интеграција во ЕУ не треба да запре, туку да продолжи во духот на разбирањето.
Груби исто така побара Европската Унија да биде поприсутна во Југоисточна Европа и да ја конкретизира својата политика за проширување и безбедност со итно почнување на преговорите со Северна Македонија и Албанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Влен“: Бујар Османи го вети автопатот Скопјe-Блаце, но донесе само лаги

„Поминаа 5 години, 7 месеци и 8 дена од свеченото потпишување на договорот за „првите 2 километри“ на автопатот Скопје – Блаце, а ветувањето на Бујар Османи со кое се фотографираше и политички се фалеше остана нереализирано“, велат од „Влен“.
„ФБ сесии, фотографи, изјави, скапи видеа, но резултати нула. Тоа е Бујар Османи. Ветуваа автопати, оставија само албуми со слики. Ветуваа нови болници, оставија семејни трагедии. Ветуваа водоводи, оставија пустош.
Бујар Османи беше министер во владата на Груевски, вицепремиер за европски прашања и министер за надворешни работи кај Заев и Ковачевски, вкупно повеќе од една деценија на највисоки државни функции. За тоа време немаше резултати за овој проект, ниту за албанските општини за кои најмногу ветуваше. Имаше Фејсбук сесии, снимени видеа и лажни ветувања, а резултати нула.
Доста беше со промотивни настани на лажни големи ветувања. Бујар Османи нема што да покаже како резултат зад себе, нема реализирани проекти, нема изградено ништо, нема помогнато никому.
Бујар Османи е политичар кариерист, без резултати. Неговите ветувања денес за Чаир се исти како ветувањето за автопатот кон Блаце пред пет и половина години. Празни“, се наведува во соопштението на „Влен“.
Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.
Македонија
Дел од Аеродром денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 08:30 до 15:30 часот, корисниците на улица Филип Богдански, општина Аеродром;
· од 09.00 до 13.00 часот, корисниците од дел од улицата Црноризец Храбар, од бр. 2 до бр. 20., општина Аеродром.