Првиот вицепремиер и министер за политички систем и односи меѓу заедниците, Артан Груби, денеска го прими на средба во Скопје вицепремиерот на Црна Гора, Дритан Абазовиќ.

Двајцата вицепремиери изразија заедничка благодарност за состанокот, додека Груби изрази благодарност за придонесот на Подгорица за време на членството на нашата земја во НАТО и напорите што ги правиме на патот кон членството во Европската Унија.

Груби и Абазовиќ оценија дека двете земји немаат отворени спорови, економската соработка треба да се зголеми на повисоко ниво бидејќи сите земји во светот и нашите земји се соочуваат со економски и здравствени предизвици во овие услови на пандемијата.

„Ја гледам евро-атлантската идентификација на Црна Гора и симболот за регионална соработка на нашите земји во фигурата на Дритан како вицепремиер бидејќи тој е клучен елемент во тамошната влада, тоа е гаранција за евро-атлантска ориентација не само за Црна Гора, туку и за целиот регион, и тоа е гаранција за регионална соработка меѓу нашите две земји, ние исто така разговаравме за економска соработка и одржување  заеднички состанок меѓу нашите две влади и исто така разговаравме за создавање Форум на вицепремиери на земјите од Западен Балкан што сакаме да го спроведеме по сите изборни процеси. Му се заблагодарам за целата поддршка, посета и подготвеност за нашата заедничка соработка“, рече првиот вицепремиер Груби на прес-конференцијата по состанокот.

Од друга страна, голема благодарност за гостопримството изрази и вицепремиерот на Црна Гора, Абазовиќ, кој рече дека двете земји ќе продолжат со соработката во повеќе области, вклучително економската и здравствената состојба, притоа поканувајќи го првиот вицепремиер Груби на официјална посета во Подгорица.

„Му се заблагодарувам на вицепремиерот Груби за гостопримството, мислам дека нашата соработка  не само што беше добра преписка, туку и братска и во овој момент можам да кажам дека сум многу среќен што разговаравме и споделивме идеи. Нашиот договор беше како да го развиваме регионот во иднина, црногорската влада е задоволна од соработката со владата во Скопје и мислам дека идејата што Груби ја претстави,  заменик-премиерите да направат заеднички форум, може да се реализира.  Мислам дека треба да покажеме солидарност и да создадеме можности за сите балкански земји да бидат поуспешни на патот кон ЕУ, верувам дека некои либерални политики можаат да бидат присутни во иднина. Уште еднаш му се заблагодарам на вицепремиерот и го поканувам да ја посети Црна Гора во терминот што ќе му одговара и убеден сум дека двете земји можат да бидат добар пример за земјите од регионот кои имаат повеќе проблеми. Подготвени сме за соработка и се чувствувам многу добро во Скопје, во канцелариите на првиот вицепремиер и  посакувам во Подгорица да видам делегација предводена од г. Груби. Ние ќе продолжиме да работиме затоа што граѓаните немаат време за чекање“, рече Абазовиќ на прес-конференција.