Македонија
Груевски: Ваков договор не можев да прифатам оти Грција немала вакви барања

По изјавата на премиерот Зоран Заев дека не е првпат Македонија да прифати ерга омнес и дека тоа го направила владата на ВМРО-ДПМНЕ, експремиерот Никола Груевски вели дека најдобар демант за тоа што Заев го кажува бил факторот време. Според Груевски, се гледа дека тој и ВМРО-ДПМНЕ разговарале за надминување на разликите за името водени од Резулуцијата на ООН, но не ги промениле името и идентитетот додека биле на власт. Експремиерот тврди дека примената на Уставот ќе влијае на идентитетот.
„Надвор од памет било да се прифати ерга омнес, што значи и промена на името во Уставот со име Северна или Горна или каква било Македонија. Па, уште и сум се откажал од идентитетот. Само името на автопатот ги изнервирало Грците и затоа ја пропуштиле таа можност. Ваков договор, со вакви елементи во него, со вакви отстапки во членовите на договорот, не сум ни можел да прифатам бидејќи некои од прифатените работи не се ни барале од другата страна“, пишува Груевски на социјалните мрежи.
Според него, потпишувањето на договорот е национална катастрофа, а Владата предводена од СДСМ сака да ја дефокусира јавноста со тврдењата дека договорот бил прифатен од ВМРО-ДПМНЕ.
„Еве само еден пример. Според договорот на Заев, татко ми, кој е роден во Леринско, 15-ина километри од денешната границата, е дел од историјата за која Грција доби ексклузивно право со договорот и има право својот идентитет, меѓу другото, да го влече и од тој дел на историјата, а јас негов син, кој сум роден од другата страна на границата, немам такво право. И така е и со илјадници други Македонци, не само со оние што имаат потекло од тој дел на Македонија туку и со тие од овој дел на Македонија“, додава Груевски.
Експремиерот и поранешен лидер на опозициската ВМРО-ДПМНЕ тврди дека има многу нелогичности во договорот со Грција.
Претходно, премиерот Зоран Заев изјави дека Никола Груевски во 2012 и 2013 година прифатил преименување на државата во Северна или Горна Македонија, без да биде дефиниран идентитетот, односно без Грција да го прифати јазикот. Но, тогаш, како што изјави Заев, Грција не го прифатила решението бидејќи била провоцирана од проектот „Скопје 2014“, но и преименувањето на аеродромот и автопатот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Фото) Голем одрон на регионалниот пат Струмица-Костурино-Валандово

„Голем одрон на регионалниот пат Струмица-Костурино-Валандово“, извести градоначалникот на Струмица, Костадин Костадинов преку социјалните мрежи.
Тој ги повика граѓаните да бидат претпазливи и внимателни, а надлежните институци веднаш да постапат и да превенираат поголема катастрофа.
Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.