Македонија
Груевски: Ништо не е запленето од мене, власта уценуваше бизнисмени да кажат дека одреден имот е мој
Никола Груевски, поранешен претседател на ВМРО-ДПМНЕ и експремиер, преку социјалните мрежи порача дека ништо што е запленето и национализирано не е негово.
„Иако во минатото во повеќе наврати кажав и детално објаснив, со оглед дека власта и нејзините блиски медиуми ја актуализираа темата деновиве, сакам да повторам дека ништо не е запленето и национализирано од мене, односно нешто што била моја сопственост“, пишува Груевски.
„Она што власта го направи е што изврши доволно силен притисок, уцена и закана за големи последици за нив лично и за нивниот бизнис, кон тројца бизнисмени, при што двајца од нив ги држеа со месеци во незаслужен притвор и без вина ги обвинија, со цел ако сакаат да се спасат од политички прогон да кажат дека одреден имот кој е нивни или имале некаква допирна точка со него, бил мој или наменет за мене.
Двајцата иако на почетокот имаа коректни изјави кои ја отсликуваа вистината, подоцна под притисок на обвинителството ги сменија дијаметрално спротивни изјавите и за возврат добија симболични казни, а третиот имаше својство на сведок кој иако уценет и под притисок кажа дека во неколку пати сме се среќавале и никогаш со мене воопшто не разговарал за станови или земјишта, а уште помалку давање или земање пари од мене, и се му кажувале други лица дека тоа наводно било наменето за мене, а тие други лица негираа пред судот, дека е тоа вистина.
Не само што тврдењето дека имотот бил мој е лага, туку власта не обезбеди ниту елементарни докази за истото. Обвинителството нарача од меѓународна правна помош информации за тоа точно, кој и кому е плаќано од таа фирма во странство која купувала земјиште, и од каде и дошле приходите со кои инвестирала. Се извршија и други проверки на македонските фирми.
Ниту една трансакција за плаќање од моја страна,мој близок, некој што може да се побрзи со мене или Македонец, ниту пак извор од каде се тие пари кои наводно сум ги платил, ниту сведок кому сум му дал пари или од кого сум земал пари, ниту било каков документ со мој потпис, ниту било каква поврзаност со тие кои купувале, ниту пак тие кои го купувале тој имот, или оние кои го продавале, ме посочија мене дека сум побарал од нив такво нешто или сум им дал пари.
Потона и онаа лажна теза дека сум земал партиски пари па со нив сум купувал и со тек на време додека траеше судењето ја напуштија, бидејќи не само што не обезбедија елементарен доказ за тоа, туку и официјални преставници на партијата од поранешното и сегашното раководство го демантираа тоа во судот.
Бизнисмените или кој и да е, си жртвуваа свој сопствен имот „за да спасат жива глава“ односно за да се спасат од политички прогон кон нив со големи последици, кој имот без никаков доказ обвинителот и судијата ми ги натоварија на мене, за да може СДСМ пред избори тоа да го користи, а Заев да каже дека нешто успеал и да го задоволи своето его и бедна душа.
Два од тие станови ги имав изнајмено под кирија со уредно потпишан договор за изнајмување, а другите три ниту сум ги видел, ниту знам каде се, ниту имам било каква врска со нив, исто и како со двете земјишта. Ниту еден стан од овие кои ми ги препишуваат никогаш не бил на мое име или на мој близок. И јас навистина незнам со кои аргументи и со кое лице врховниот суд би ја одбил поднесената жалба, ако тоа го стори“, пишува поранешниот премиер.
„Но, да не должам, само ќе повторам дека оваа власт предводена од СДСМ осум години води политички прогон кон мене со најгнасни методи на уцена и заплашување на сведоци и обвинети, со фантазии и претпоставки кои ги нарекуваа докази, притисоци и трговија со унапредувања и други крупни услуги на судиите. И со многу награди за оние кои на валкан начин им го изработија тоа, па така судијаката Кацарска која не само што неправедно ме осуди, туку неправедно го ослободи Зоран Заев во предмет со очигледни законски и по наредба на судија прибавени видео и аудио докази за барање мито од струмички бизнисмен, беше наградена дури со назначување за претседател на уставниот суд.
Кратко кажано, лоповската и криминална власт предводена од Заев, додека ја пљачкаше државата и ги пренесуваше парите во фирми во Дубаи каде законите за потеклото на парите се полиберални и од каде ги инвестираа во акции на авио компанија за превоз на патници во Пакистан и Индија, во градба на апартмани во Таџикистан, во градба на болница од над 100 милиони евра во Дубаи и во повеќе други инвестиции во странство, додека шверцуваа марихуана од нивните плантажи, додека заработуваа на криминалните тендери за модуларни болници од кои многу луѓе го загубија животот и живи изгореа а сега преку влијанието во правосудниот систем за кое зборував се заташкува вината, додека нивните фирми стануваа подизведувачи во секој покрупен градежен проект во Македонија, додека најдрско рекетираа бизнисмени и се обидуваат да им ги превземат бизнисите и имотот и додека сега се обидуваат преку енергетскиот сектор во областа на струјата, ископот на јаглен и увозот на гасот со користење на политичко влијание да извлечат уште пари од македонските граѓани кои ќе ги пласираат во далечни држави, додека крадеа и сеуште крадат стотици милиони евра државни и народни пари, а потплатуваа медиуми за да се тоа се заташка, во исто време додека го правеа сето ова набројано, за одвлекување на вниманието ја замајуваа јавноста со монтирани случаи на своите политички противници.
Последната нивна заложба е да си обезбедат неказнивост во иднина и затоа се впуштени во правење на разни политички комбинаторики, тајни состаноци и тајни коалиции и сојузништва, кои неодамна во емисијата 360 степени, ги потврди МВР и подпретседател на СДСМ Оливер Спасовски, се со цел долгорочно да си сочуваат мир и да си создадат услови и понатаму да се богатат на грбот на македонскиот народ и граѓани“, се наведува во објавата на Груевски на социјалните мрежи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: ВМРО-ДПМНЕ да каже дали имаат сериозен план за одблокирање на европските интеграции
Претседателот на Социјалдемократскиот сојуз на Македонија, Венко Филипче, во одговор на новинарско прашање, во врска со изјавата на премиерот Мицкоски за поднесување заедничка резолуција со Бугарија во Европскиот парламент за македонскиот јазик, посочи дека вакви сериозни прашања се дискутираат како предлог во Собранието, каде што учествуваат сите политички партии.
„Сметам дека е крајно несериозно такви сериозни предлози да се даваат од обични прес – конференции. Премногу е сериозно и важно прашањето да биде само предмет и обид за некаков дневно политички партиски интерес од страна на ВМРО ДПМНЕ. Сметам дека треба да се направи како предлог во Собранието бидејќи е нешто во што треба да учествуваат сите политички партии. Доколку има таков сериозен предлог ние апсолутно ќе го ќе го поддржиме“, рече Филипче.
Посочи дека ВМРО ДПМНЕ должат пред јавноста да образложат каков план имаат за одблокирање на евроинтеграциите.
„ВМРО-ДПМНЕ треба да каже дали имаат сериозен план, дали имаат сериозен план за дипломатска активност, дали имаат сериозен план за одблокирање на европските интеграции“, рече претседателот на СДСМ, Венко Филипче.
Македонија
(Видео) Полициски хеликоптер исфрли 80 тони вода врз пожар во струмичко
Денеска (18.07.2025), полициски хеликоптер од типот Бел-412 од Одделот за воздухопловни единици дејствуваше на пожар во општина Василево, с. Нивичино, струмичко каде што гори нискостеблеста шума.
При дејствувањето во 60 налета се исфрлени повеќе од 80 тони вода, соопшти МВР.
Пожарот, како што информираат се уште е активен и продолжуваат активностите за негово гасење.
Македонија
Македонија ќе ја претставуваат рекорден број млади спортисти на ЕМОФ Скопје 2025
Македонскиот олимписки комитет го промовираше националниот тим од 203 члена (181 спортист) за претстојниот Европски Младински Олимписки Фестивал, што од 20 до 26 јули ќе се одржи во Скопје, Куманово и Осиек
Македонската спортска делегација ќе брои вкупно 203 члена, од кои 181 спортист на претстојниот Европски младински олимписки фестивал – ЕМОФ Скопје 2025, кој ќе се одржи од 20 до 26 јули во Скопје, Куманово и Осиек. Нашите претставници ќе се натпреваруваат во сите 15 спортови што се дел од програмата, што претставува историски момент за македонскиот спорт.
На денешната прес-конференција, на која официјално беше промовиран македонскиот националниот тим, се обратија Даниел Димевски, Претседател на Македонскиот олимписки комитет и Претседател на Организацискиот комитет на ЕМОФ Скопје 2025, Владимир Богоевски, Спортски директор на МОК и директор за спорт при ЕМОФ Скопје 2025 и Светлана Макаровска, шеф на мисијата на македонската делегација на ЕМОФ Скопје 2025.
„Станува збор за исклучително голем настан – убедливо најголемиот што досега го организирала нашата држава. Очекуваме импресивна бројка од околу 6000 учесници, меѓу кои 4300 спортисти од 14 до 18 години и тренери, 700 судии и официјални лица, 200 ВИП гости и 800 волонтери. Тоа значи дека Македонија во овие седум дена ќе пулсира со младинска спортска енергија, што ретко се гледа дури и на многу поголеми европски спортски манифестации Организацијата на ваков фестивал е вистинска привилегија, а особено сме горди што успеавме Скопје да го вметнеме на мапата на најзначајните спортски настани во Европа. Ова е уникатна можност за промоција на нашата држава на европско ниво“, посочи претседателот на МОК.
Претседателот на МОК порача дека настапот на ЕМОФ Скопје 2025 ќе биде клучно искуство во формирањето на идните спортски шампиони на Македонија.
„Ова се тие клучни години кога секој млад спортист се профилира и се гради како идно спортско име. Убеден сум дека искуството што ќе го доживеат на ЕМОФ Скопје 2025 – можноста да се натпреваруваат со врсници од цела Европа, да носат дресот на Македонија и да бидат дел од еден европски олимписки контекст – ќе им помогне побрзо да созреат и да израснат во врвни спортисти. Горди сме што успеавме да формираме толку квалитетна и бројна делегација и што им дадовме шанса на најдобрите млади таленти од нашата земја да бидат дел од ова спортско семејство. Верувам дека нивното учество ќе биде само почеток на многу успешни спортски приказни,“ истакна Димевски.
Спортскиот директор на МОК, Богоевски нагласи дека ЕМОФ Скопје 2025 ќе биде најголемиот спортски настан што некогаш се одржал во Македонија – со рекорден број спортови и натпреварувачи.
„Официјалното име на настанот е Европски младински олимписки фестивал, во рамките на кој се одржуваат и спортски игри. Ова е 18-то издание на фестивалот, а Македонија досега на сите претходни изданија заедно била претставувана од вкупно 50 спортисти. Овој пат, само во Скопје 2025, нашата делегација брои 203 члена, од кои 181 се спортисти – што претставува огромен исчекор за македонскиот младински спорт. Делегацијата ќе биде сместена во студентскиот дом „Стив Наумов“ во Скопје, како и во Куманово, каде ќе се одвиваат натпреварите во кошарка, маунтајн бајк и друмски велосипедизам. Ова е историски момент за македонскиот спорт и организациски капацитет, и вистинска шанса да покажеме дека сме подготвени да бидеме домаќини на европско ниво.
Првпат во историјата на фестивалот ќе има 15 спортови, додека на досегашните изданија најмногу биле застапени 12. Тоа е рекорд и за самиот ЕМОФ, но и за Македонија како домаќин. Убеден сум дека настан од ваков обем не само што досега не бил организиран кај нас, туку нема да се повтори барем во следните 30 години.,“ посочи Богоевски, спортски директор на МОК и директор за спорт при ЕМОФ.
Шефот на мисијата на македонската делегација, Макаровска најави дека македонските спортисти се подготвени да остават силен впечаток на ЕМОФ Скопје 2025 – со поддршка од целата јавност и со Шајни, маскотата која ќе ги води низ фестивалот.
„Станува збор за млади луѓе кои се на почетокот на својата спортска кариера и за кои ова ќе биде непроценливо искуство. Преку настапот на ЕМОФ Скопје 2025, тие ќе научат како се натпреварува и како се претставува својата земја на младински олимписки игри – што ќе им биде исклучително важно како подготовка за идни олимписки циклуси.
Особено ми е чест да ја претставам маскотата Шајни, која ќе ги симболизира олимписките вредности – пријателство, единство, почит и спортски дух – на сите настани во рамките на фестивалот. Со голема гордост ги најавувам и нашите знаменосци на церемонијата на свеченото отворање – Кристијан Смилев, натпреварувач во кајак, и Матеа Поповска, одбојкарка. Тие ќе го носат македонското знаме пред очите на цела Европа.
Убедена сум дека македонската јавност ќе биде силен поддржувач на овие спортисти, кои ќе дадат сè од себе и на подготовките и на натпреварите, за Македонија да се претстави не само како најбројна, туку и како најтрофејна делегација на фестивалот,“ изјави Макаровска.
ПР
(Видео) Шукова е кандидат на СДСМ за градоначалник на Скопје, објави Филипче
Претседателот на Социјалдемократскиот сојуз на Македонија, Венко Филипче, на денешната прес-конференција ја соопшти одлуката на Извршниот одбор на партијата, која...
МЗ: Нормализирано водоснабдувањето во Клиниката за белодробни заболувања „Козле“
Министерството за здравство информира дека водоснабдувањето во Универзитетската клиника за белодробни заболувања кај децата – Козле е целосно нормализирано. Од...
Возел со 3,15 промили алкохол во крвта, во полусвесна состојба: уапсен пијан скопјанец на патот Охрид-Кичево
Денеска (18.07.2025) околу 14 часот на патот Охрид-Кичево полициски службеници од ОВР Кичево го лишија од слобода Б.К.(48) од Скопје,...
Предметот за пожарот во “Пулс” префрлен во надлежност на ОЈО Скопје
Јавното обвинителство на Република Северна Македонија донесе Решение со кое го определи Основното јавно обвинителство Скопје за стварно и месно...
Зголемени температури во следните неколку дена – да се почитуваат општите препораки за заштита на здравјето
Министерството за здравство ја информира јавноста дека, во согласност со најновата прогноза од Управата за хидрометеоролошки работи (УХМР), во периодот...
Обвинето едно лице за насилство врз градоначалничката на Скопје
По целосно испитување на настанот, Основното јавно обвинителство Скопје поднесе обвинителен предлог против едно лице за кривично дело насилство од...
Мицкоски понудил заедничка резолуција со Бугарија за потврда на самобитноста на македонскиот јазик и идентитетот
Со оглед на тоа што Бугарија тврди дека проблемот за почнувањето на преговорите со ЕУ се само Бугарите во Уставот,...
Болницата „Козле“ сѐ уште без вода – пациентите привремено згрижени на други клиники
Поради прекинот во водоснабдувањето на Универзитетската клиника за белодробни заболувања кај децата „Козле“, пациентите што имаат потреба од хоспитализација привремено...
Сообраќајна несреќа на влезот во Скопје, сообраќајот се пренасочува
Денеска во 10.35 часот во СВР Скопје е пријавено дека на автопатот Куманово – Скопје, во близина на хотелот Белви,...
33 пожари низ Македонија – еден сѐ уште активен, a четири ставени под контрола
Според последните податоци на Центарот за управување со кризи, до утрово во земјата регистрирани се вкупно 33 пожари на отворен...
Со украдена пушка пукал кон деца и се обидел да застрела полицајци – во Василево уапсен 29-годишник
Битолската полиција поднесе кривична пријава против 29-годишниот Г.П. од селото Ангелци, општина Василево, кој се сомничи за две кривични дела...
Светската рекордерка во маратон суспендирана поради допинг
Кениската атлетичарка Рут Чепнгетич, светска рекордерка во женскиот маратон, е привремено суспендирана поради позитивен допинг тест, соопшти Единицата за интегритет...
Граната извадена од езерото кај Пештани
Граната била извадена пред два дена од водите на Охридското Езеро, на плажа во Пештани. Полицијата од Охрид утроово соопшти...
„Волстрит џурнал“: Трамп со цртеж од гола жена и порака за „прекрасна тајна“ му го честитал роденденот на Епштајн
„Волстрит џурнал“ денес објави дека името на Доналд Трамп се појавило на лична порака до Џефри Епштајн од 2003 година,...
(Видео) Пожар го зафати покривот на црквата кај селото Мршевци, вели Ангелов
Денес попладне во близина на скопското село Мршевци, Општина Илинден изби силен пожар, кој поради ветерот брзо се прошири на...
„Лажни тврдења и политички инсинуации“, вели Тошковски откако опозицијата оцени дека сака да ја партизира полицијата
Министерот за внатрешни работи Панче Тошковски преку својот Фејсбук профил ги демантираше тврдењата на опозицијата во врска со предложените измени...
Едно починато лице при пожар во стан во Струмица
Денес, (17.07.2025 година), во 15.27 часот, ТППЕ Струмица со три ПП возила и седум пожарникари-спасители учествуваше во гаснење на запален...
Гори помеѓу индустриската зона „Бунарџик“ и рафинеријата „Окта“: силниот ветер и искри од жици предизвикаа пожари на повеќе локации во Скопје и Куманово
Поради ветер кој го зафати подрaчјето на Општина Куманово и Град Скопје на повеќе локации од искрење на жици предизвикни...
Напредок во преговорите за пругата која се гради еден и пол век: тунелот да биде заеднички проект со Бугарија, а да го плати ЕУ
Вчерашната средба во Брисел за пругата кон Бугарија која се гради повеќе од еден и пол век, премиерот Христијан Мицкоски...
Уапсен еден од убијците на припадникот на АРМ во Батинци, обвинителството поведе истрага за двајца соизвршители
Основното јавно обвинителство Скопје денеска поведе истрага против две лица за кои постои основано сомнение дека како соизвршители сториле кривично...
