Власта на Мицкоски и ВМРО-ДПМНЕ како што најавуваме сите овие денови, се обидува да дефокусира, да одвлекува внимание од главната тема, договорот за прием на мигранти, но и од бројните криминални скандали за крадење на парите на граѓаните, велат од СДСМ.

Според нив, тоа е начинот на којшто, како што додаваат, криминалната ВМРО-ДПМНЕ, или позната по копи-пејст партија ги копира сценаријата на Вучиќ во Србија.

„Тоа денеска на сите им е кристално јасно.

Денеска имаше прес-конференција претседателот на СДСМ и објасни што прават, која е позадината на договорот за мигрантите но и како го копираат Вучиќ.

Затоа што и тимот на Вучиќ работи за ВМРО- ДПМНЕ.

Еве уште една изјава како пример. Денеска Мицкоски вели дека „Ако се пронајде еден мигрант од Британија дека трајно ќе ја напушти политиката.„

Исто како што за Агенцијата за обезбедување од „Пулс“ во Кочани кога изјавуваше Мицкоски: „Не е точно дека било која агенција за обезбедување има врска со ВМРО-ДПМНЕ – дајте ми доказ и утре ќе поднесам оставка!“

Поврзаноста со Агенцијата за обезбедување на Пулс и Александар Нацев од ВМРО-ДПМНЕ се потврди ама оставка од Мицкоски немаше“.

Сега, истакнуваат од СДСМ, со кривична пријава против Спасовски, веднаш после прес -конференцијата на Филипче, власта презема уште еден чекор.

„На кого? На нашиот пратеник и координатор на пратеничката група на СДСМ во Собранието каде што ќе биде поднесена Резолуцијата за мигрантите. Ова е класичен обид за политички прогон за дефокусирање на темата од мигрантите и скандалите на власта. Сè ќе им пукне како меур од сапуница, граѓаните гледаат и знаат сè.
Прашањето е едноставно, ќе ја потпишете Резолуцијата за мигрантите или не?
А утре нова бомба. Работата не е завршена“.

Почна изградбата на мултифункционалниот центар во Општина Аеродром, кој е целосно финансиран од Владата. Премиерот, Христијан Мицкоски, кажа дека овој објект ќе биде додадена вредност во културниот живот не само во Општина Аеродром туку и во Скопје.

„Општина Аеродром генерално беше прилично амбициозна што се однесува до проектите коишто ги финансира Владата и во првиот и во вториот повик некаде околу 15 милиони евра вкупно е сумата на проектите коишто се финансираат од Владата, кога на тоа ќе се додадат и делот од кофинансирањето што го има самата општина доаѓаме до навистина еден силен би рекол инвестициски циклус.

Овој објект којшто денеска направивме увид, преставува навистина нешто коешто ќе е додадена вредност во културниот живот не само во Општина Аеродром туку и во Скопје и ние како влада ова го препознавме и заедно со општината ќе го реализираме и чувствувам дека кога ќе биде сето ова готово и целиот овој облик на ова маало ќе изгледа поинаку сигурен сум дека не само општината туку и скопјани ќе го користат овој мултифункционален центар на културата или културен центар како сакат“, рече Мицкоски.

„Граѓаните треба да знаат каква е состојбата, СДСМ нема тема, притисокот е голем за Венко Филипче однатре и однадвор да си замине и сега наеднаш пиар-тимот му вели – сега темата ќе бидат мигрантите, еве два таблоида во Велика Британија објавија и сега ајде на оваа тема да се закачиме и да ја туркаме мислејќи дека на тој начин политички ќе преживее и ќе собере луѓе околу себе“, вели претседателот на Владата на Република Северна Македонија, Христијан Мицкоски, одговарајќи на новинарско прашање.

Мицкоски им порача на Венко Филипче, на Фрчкоски и на Жерновски дека е спремен да се повлече од политиката доколку најдат и еден мигрант во Македонија, во спротивно, како што рече, тој да се извини јавно.

„Две тези имаше денешната прес-конференција. Првата се мигрантите, а втората е недостигот во буџетот од 1 милијарда евра, околу 60 милијарди денари, и дека договорот со Велика Британија бил тие да ни ја покријат оваа дупка, а ние да прифатиме илегални мигранти. Приближно ова беше вака. Но ајде сега да видиме какви се суштината и вистината. Првин политички да му одговорам на раководството на СДСМ бидејќи спомна пролет, оставам простор до пролет Венко Филипче, заедно со професорот Фрчкоски, со Андреј Жерновски, да бара во Македонија и да најаде мигрант што е дел од овој договор со Велика Британија или каков било договор и ако најде еден, јас трајно ја напуштам политиката. Во спротивно тие да ми се извинат мене, но и на граѓаните, што шират паника без потреба. Мислам дека е фер, еве ова јас го давам како понуда. И ова ќе важи бесконечно, додека сум јас претседател на Владата“, рече Мицкоски и додаде.

„Додека тие зборуваат за милијарди што недостигаат, веќе 10 милијарди во првите пет дена од декември влегоа во буџетот. И сега не се веќе 300 милијарди, туку се 310 милијарди денари приходи. Но, никој од нив не ја коментира расходната страна бидејќи и приходната и расходната страна на буџетот одат паралелно. Оние што следат економија, како и економистите, знаат за што зборувам. За да ви недостигаат во буџетот и да треба вие тој буџетски дефицит да го покриете, потребно е и расходите да бидат во согласност со планирањата. Нам расходите ни се помали, односно штедевме и во име на тоа се случува сето ова што јас денес го зборувам. И приходите и расходите се следат едни со други и на крајот, кога ќе ги споредите капиталните инвестиции и буџетскиот дефицит, тие горе-долу ќе бидат исти, што значи дека ние нема да се задолжиме за да го зголемиме долгот. Напротив, до крајот на годината тој долг ќе биде помал од оној што сме го имале. И еве втора работа ќе кажам, в година треба да вратиме нешто повеќе од 2,2 милијарди евра. Ќе ги вратиме сите пари што тие претходно ги украдоа, и за ‘Стабри“, и за марихуаните, и за ред други скандали што ги имаа во минатото. Се надевам дека сега новиот обвинител и ослободеното Обвинителство многу поефикасно и многу послободно ќе работат отколку овој октроираниот, кој, конечно, заминува, односно ќе замине од таму каде што е сега“.

Мицкоски посочи граѓаните да не се грижат бидејќи нема да има мигранти.

„На крајот да заклучам да не се грижат граѓаните, нема мигранти, буџетот е во одлична кондиција. Македонија е зад Данска, која има 3,9, заедно со Кипар со 3,8 проценти раст на БДП, инфлацијата е за 0,5 проценти помала на годишно ниво во споредба со минатата година и очекувам таа консолидација, односно смирување, да продолжи и во периодот што следува“, истакна Мицкоски.