Македонија
Даштевски: Одзивот до 9 часот е 5,25 отсто, поголем од првиот круг

Одѕивот до 9 часот е 5,25 отсто, а на гласање излегле 56.700 гласачи. Претседателот на државната изборна комисија Александар Даштевски утрово соопшти дека сите гласачки места се отворени навреме и гласањето тече.
„Технички проблеми имаше во Карпош, на две избирачки места во Сарај, во Македонски Брод. Надминати се проблемите, се однесувале на мемориските картички и тие се заменети. Онаму каде што прекинот на гласањето бил подолг од еден час, гласањето ќе продолжи“, рече претседателот Даштевски.
Во Ранковце одѕивот до 9 часот е 15, 23 отсто, во Конче 14, 28 отсто, во Пехчево 13,73 отсто, Лозово 11,89 отсто се дел од општините со поголем одѕив.
Се гласа на 2481 избирачко место во 44 општини и во Градот Скопје како посебна единица на локалната самоуправа, а во Дебар и во Шуто Оризари се повторува првиот круг.
Активна е бесплатната линија 0800 555 44 , а граѓаните со оштетен слух и говор на 076/ 488 – 360 преку видео повик можат да постават прашање до ДИК и да добијат одговор на знаковен јазик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.
Македонија
Дел од Аеродром денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 08:30 до 15:30 часот, корисниците на улица Филип Богдански, општина Аеродром;
· од 09.00 до 13.00 часот, корисниците од дел од улицата Црноризец Храбар, од бр. 2 до бр. 20., општина Аеродром.
Македонија
Сончево со мала до умерена локална облачност, температурата до 32 степени

Времето денеска ќе биде сончево со мала до умерена локална облачност. Ќе дува слаб до умерен ветер претежно од југозападен правец. Попладне во планинските региони ќе има услови за локален слаб дожд.
Минималната температура ќе биде во интервал од 8 до 17, а максималната ќе достигне од 25 до 32 степена.
Во Скопје, сончево со мала до умерена облачност. Ќе дува слаб до умерен југозападен ветер. Минималната температура ќе се спушти до 14, а максималната ќе достигне до 31 степен.
Времео во наредните денови
Во вторник претежно во планинските региони ќе има услови за локален слаб дожд. Дневните температури ќе бидат малку под просекот за овој период од годината. Од средината на следната седмица времето ќе биде сончево и потопло со пораст на дневната температура.