Македонија
„Да ти е жал со кого си соработувал до вчера, ве спасиме кога бевте во клиничка смрт“, му порача пратеничка од Алтернатива на Ковачевски
Пратеничката Сафије Садики-Шаини од Алтернатива за поддршката на Владата рече: „Ова е завршена тема за нас“. Таа изрази жалење за соработката на Алтернатива со СДСМ, поради прекршувањето на договорите. За министрите и замениците министри од нејзината партија, чии имиња сега се на седница за разрешување, пратеничката кажа дека покажале големи резултати.
„Ние имавме политички и кадровски договор. Точките од тој договор, сите се опфатени од наша страна. За жал, другата страна, СДСМ, не го имплементираше и политичкиот договор, ниту кадровскиот. На крај го прекршија и решија да го поделат патот. Кршењето на договорот зборува многу лошо за СДСМ, кој не ги почитува тие кои им го спасија политичкиот живот во времето кога беа во клиничка смрт, но и лошо за земја која се стреми кон европски вредности. Тие ја поминаа последната етничка линија, да ти е жал со кого си соработувал до вчера“, додаде таа.
Објасни и зошто министрите не дале оставка.
„Нашите министри и заменици не даваат оставка од две причини. Прво бидејќи немаат никаква одговорност за да дадат оставка и второ ние не сме причина за олеснување на работата и да помогнеме на еден човек кој не знае да се заблагодари – како што е премиерот на Македонија, кој пред една година стана премиер на државата со гласовите од Алтернатива“, кажа Садики-Шаини.
Пратеничката посочи дека ја спасиле европската иднина на Македонија.
„Ве повикувам сите заедно да се вратиме во ноември 2021 година кога ова Собрание остана со мртов број, 60-60. Беше мртва и европската перспектива на Македонија во која влијаеше и Албанија. Нас не молеа да сме дел од Владата и тогаш не остана човек кој не го испрати, од Еди Рама до членови на семејството Јашари. Ние ја земавме одговорноста и преминувајќи од опозиција во позиција, задоволни сме што нашето мало движење беше големо за С. Македонија и Албанија бидејќи ја стабилизираа Владата и двете земји земаа датум за интеграции во ЕУ“, кажа пратеничката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Центар, Чаир и Студеничани денеска без струја
Од ЕВН Македонија известуваат дека денеска без електрична енегија ќе останат:
– во периодот од 07.30 до 15.00 часот, дел од улицата Никола Тримпаре 15 и дел од улицата Мирослав Крлежа бр.16-20 и дел од локали и влезови на згради на булеварот Климент Охридски бр,54, општина Центар;
– во периодот од 09.30 до 15.30 дел од улицата Мирослав Крлежа по старо Ѓуро Ѓакович бр.52.54.56.58.60.62, општина Центар;
– во периодот од 08.00 до 14.30 корисниците од Ретаил Поинт Парк во Чаир, општина Чаир;
– во периодот од 09.00 до 13.00 часот, корисниците на дел од село Студеничани кај Бурдем, општина Студеничани.
Македонија
Сончево со мала до умерена облачност, ќе дува повремено засилен северен ветер
Сончево со мала до умерена облачност. Ќе дува слаб до умерен, а долж Повардарието повремено засилен ветер од северен правец (локално до 50 km/h). Минималната температура ќе биде во интервал од -2 до 6, а максималната ќе достигне од 9 до 16 степени.
Во Скопје, сончево со мала до умерена облачност. Ќе дува слаб до умерен, а во делови од котлината повремено засилен ветер од северен правец. Минималната температура ќе се спушти до 1, а максималната ќе достигне до 13 степени.
Времето во наредните денови
Под влијание на поле на висок воздушен притисок, следува период на стабилно и сончево време со мала до умерена облачност и со пониски утрински температури. Во четврток ќе дува умерен, повремено засилен ветер од северен правец, поизразен долж Повардарието.
Македонија
Дел од Автокоманда денеска без вода
Од ЈП Водовод и Канализација известуваат дека за денеска имаат планирано неколку интервенции и тоа:
· поради промена на вентил од 2.5“ на улицата Јани Лукровски 12, прекинато водоснабдување ќе имаат корисниците од истата улица.
Водоснабдувањето ќе биде прекинато од 09:00 часот до завршување со работните активности.

