Македонија
Преживеаните патници кои ќе пристигнат денеска ќе бидат хоспитализирани, уште тројца ќе допатуваат в понеделник

Во текот на денешниот ден се очекува од Бугарија да пристигнат двајца, од седумте преживеани пациенти од тешката автобуска несреќа што се случи на 23 ноември на автопатот „Струма“, соопшти министерот за здравство Венко Филипче.
„Утринава разговарав со директорот на болницата и двајцата пациенти се испуштаат во добра здравствена состојба. Станува збор за 17-годишна девојка и за уште еден пациент, кои ќе бидат сместени на Клиниката за пластична хирургија“, рече Филипче.
Тој рече дека откако двајцата пациенти ќе пристигнат во Македонија, ќе се направи проценка колку долго ќе бидат хоспитализирани, пред да бидат пуштени на домашно лекување.
Воедно, ангажирани се и лекари од Клиниката за психијатрија, со цел психолошка поддршка на преживеаните од автобуската несреќа.
Се очекува уште тројца пациенти од оние кои ја преживеаја несреќата, во земјава да бидат транспортирани в понеделник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Прекинато водоснабдување во дел од Општина Карпош

Од ЈП Водовод и Канализација известуваат дека денеска поради дефект на шибер од ф – 80 мм на ул. Руѓер Бошковиќ бр. 15, во периодот од 09.00 часот па се до отстранување на дефектот без вода ќе останат корисниците лоцирани на потегот од бул. Осми Септември до раскрсница со ул. Никола Тесла. (општина Карпош).
Македонија
Мицкоски ќе се сретне со Орбан во Будимпешта

Премиерот Христијан Мицкоски в петок ќе присуствува на CPAC конференција во Будимпешта, Република Унгарија, соопшти владината прес-служба.
Мицкоски во рамки на посетата ќе се сретне со унгарскиот премиер, Виктор Орбан.
Македонија
Сојузниците од НАТО треба да трошат по 5 отсто од БДП за одбраната, му рекол Рубио на Муцунски

Државниот секретар на САД, Марко Рубио на средбата со шефот на македонската дипломатија, Тимчо Муцунски, нагласил дека е неопходно сојузниците во НАТО да дадат поддршка и да постигнат 5 отсто издвојување за одбраната, соопшти Стејт Департментот во соопштение по средбата.
Двајцата ја потврдиле силната врска меѓу Соединетите Американски Држави и Северна Македонија и ги истакнале заедничките интереси во однос на регионалната стабилност, економската соработка и НАТО.
Тие разговарале и за можностите за проширување на економската соработка, вклучувајќи ја трговијата и инвестициите.
Муцунски по средбата соопшти дека е потврдено стратешкото партнерство со САД, а нашата држава продолжува да дава активен придонес како кредибилен сојузник, со инвестиции повеќе од 2 отсто од БДП во одбранбениот сектор.