Македонија
Две години условен затвор за Јанушев за набавка на двокатните автобуси
Поранешниот директор на ЈСП и пратеник од ВМРО-ДПМНЕ, Игор Јанушев, е осуден на две години условен затвор за набавката на двокатните автобуси.
Јанушев нема да ја издржи доколку во наредните пет години не стори ново кривично дело.
Во судницата не беше присутна ниту обвинителката Лиле Стефанова ниту Јанушев и неговите адвокати.
„Обвинетиот Игор Јанушев виновен е дека осудениот Миле Јанакиески и двајцата членови од комисијата за јавна набавка за двокатните автобуси заедно со Игор Јанушев при вршење јавна набавка за економскиот оператор ‘Јутон’ од Кина прибавиле корист за набавка на двокатните автобуси на начин што постапувале по јавниот оглас за набавка на 202 новопроизведени автобуси, 200 од затворен и 2 од отворен тип.
Осудените и обвинетиот Игор Јанушев во говорот со осудениот Миле Јанакиески како министер за транспорт и врски постапиле спротивно на Законот за јавните набавки иако ‘Јутон’ не доставил гаранција заедно со документацијата и не доставил сертификат ИСО, како што се барало во документација, туку ИСО-сертификат што не бил во согласност, а комисијата не ја одбила набавката.
Како валидна ја прифатиле копијата од банкарска гаранција од 9.2.2010 година, која била доставена пе рокот иако како комисија не побарале дозвола. Откога ја исклучиле фирмата од Бугарија, иако била над 2 милиона денари поевтина од понудата на ‘Јутон’, тие ја избрале понудата на ‘Јутон’. Јанакиески не ја поништил набавката иако бил должен да го стори тоа и склучил договор со ‘Јутон’ за купопродажба на новопроизведени автобуси“, рече судијата Осман Шабани.
Поранешниот министер за транспорт и врски, Миле Јанакиески, и двајца други обвинети признаа вина во случајот „Дизајн“ за набавката на кинеските двокатни автобуси за ЈСП и веднаш добија пресуда. Двете обвинети, кои заедно со ексминистерот признаа вина, се гонеа како членови на комисијата за јавна набавка, која ја спровела набавката.
По признавањето, судечкиот совет, на чело со судијата Осман Шабани, изрече и пресуда. Јанакиески и двете обвинети добија условни казни, од по две години затвор, кои нема да се извршат доколку во наредните пет години не сторат ново кривично дело.
Случајот „Дизајн“ го отвори СЈО, а по згаснувањето, премина во рацете на Јавното обвинителство за гонење организиран криминал и корупција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одземен имунитетот на судијата Наќе Георгиев – обвинителството отвори истрага против две лица
Обвинителството објави детали за случајот со апсењето на врховниот судија, Наќе Георгиев.
Од тука информираа дека акцијата за апсење следела по пријава од син на обвинет во предмет што се води во Основното јавно обвинителство за гонење на организиран криминал и корупција.
Обвинителството објави дека донесена е наредба за спроведување на истражна постапка судијата и уште едно лице за кои постои основано сомнение дека сториле кривично дело Примање награда за противзаконито влијание од член 359 од Кривичниот законик.
„Според сознанијата добиени од пријавителот, првоосомничениот користејќи ја својата службена положба и претпоставено влијание лажно ветувал погодности за обвинет (татко на пријавителот) во друга постапка што се води пред Основното јавно обвинителство за гонење на организиран криминал и корупција, и лажно прикажале дека ќе извршат влијание заедно со второосомничениот. Предметниот обвинител, вчера вечер покрај предлозите за претрес на повеќе локации, ценејќи дека се исполнети условите до Основниот кривичен суд Скопје достави и предлог за определување на мерката притвор за првоосомничениот. Со оглед на тоа што станува збор за судија во највисокиот суд во државата – Врховниот суд кој ужива имунитет, а кој е фатен in flagranti во извршување на кривичното дело, предлогот преку Основниот кривичен суд е доставен на одлучување до Судскиот совет на РСМ кој во текот на ноќта му го одзеде имунитетот, по што денеска Основниот кривичен суд Скопје ќе одлучува за предложената мерка“, велат од Обвинителството.
Прибраните докази и извршените претреси до овој момент даваат законски основ на предметниот јавен обвинител да предложи притвор само за првоосомничениот кој е затекнат при извршување на кривичното дело“, велат од Обвинителството.
Во однос второосомничениот, како што информираат од Обвинителството, до овој момент доказите не даваат основи за да се предложи најстрога мерка за обезбедување. Истрагата продолжува до целосна проверка на сите околности и наводи.
Синоќа по наредба на судија на претходна постапка извршен е претрес во домот на членот на Советот на јавни обвинители Иџет Мемети во Тетово и претрес во службените простории на Советот на јавни обвинители.
Македонија
МВР утврди неправилности: забавниот парк со панорамско тркало во Карпош ќе биде отстранет
Постапувајќи по допрен глас дека во Скопје, на подрачјето на Општина Карпош, поточно пред спортскиот центар Борис Трајковски без соодветни документи и потребни дозволи се поставени реквизити за забавен парк меѓу кои и панорамско тркало, полицијата излезе на лице место и презема конкретни соодветни мерки и активности од делокругот на својата надлежност и овластувања.
„Од страна на инспекциските служби поведена е постапка за констатираните неправилности, по што ке бидат преземени конкретни мерки во насока на отстранување на истите, престанување со вршење на активноста, како и дислоцирање на реквизитите“, информираа од МВР.
За случајот, викендов алармираше Град Скопје, од кадешто беше истакнато дека фирмата „Дизниленд реквизити“ од Чаир регистрирана пред само еден месец, без соодветни документи и дозволи, без потребна документација која гарантира безбедност, монтира панорамско тркало и останати реквизити во Карпош пред Борис Трајковски.
„Град Скопје, во рамки на своите надлежности изврши надзор, превзема мерки и го казни правното лице, но тој сепак насилно продожува да работи. Ги повикуваме надлежните институции и апелирам да постапат во најкус можен рок, бидејќи се доведува во прашање безбедноста на децата и на сите останати посетители поради практицирањето на ваквото самоволие“, повикаа од Градот.
Македонија
Претрес и кај Иџет Мемети во случајот со барањето поткуп
Синоќа по наредба на судија на претходна постапка извршен е претрес во домот на членот на Советот на јавни обвинители Иџет Мемети во Тетово и претрес во службените простории на Советот на јавни обвинители.
Претресот е поради сомнеж дека Мемети заедно со врховниот судија, Наке Горгиев, имал влијание злоупотребувајќи ја позицијата член на Советот на јавни обвинители во случајот барање на мито за олеснителни околности.
Мемети е и поранешен министер за правда, уставен судија, државен советник во Владата и член на Државната изборна комисија.
Судијата Наке Георгиев вчера беше приведен, откако бил фатен со мито.