Македонија
Две лица се приведени во денешната акција на полицијата во Чашка

Полицијата сподели детали од денешната акција која се спроведе во Општина Чашка при потрагата на нелегално оружје.
Полициски службеници од Одделението за криминалистичка полиција при СВР Велес и Полициското одделение Чашка лишиле од слобода две лица, осомничени за нелегално поседување оружје и муниција.
„По наредба од Основниот суд Велес, извршен бил претрес во домот на 86-годишниот М.З. и неговата 41-годишна роднина, М.З., од село Долно Јаболчиште, општина Чашка. За време на претресот, пронајдени биле различни видови оружје, вклучувајќи ловечка пушка „Бајкал“, ловечка пушка „Црвена Застава“, карабин „Хемерлес“, пиштол „ЦЗ-99“, како и оптички нишани, оружје за сигнализација, патрони за различни видови оружје и други делови од карабин“, велат од МВР.
Оттаму додаваат дека лицата биле приведени во полициска станица, каде што по документирање на настанот ќе им биде поднесена соодветна пријава. Исто така, по наредба на судот, извршен бил претрес и во домот на 44-годишниот Џ.З. од истото село, при што биле пронајдени ловечка пушка „Бајкал“ и 20 патрони. Со овој инцидент продолжува истрагата за нелегално поседување на оружје во оваа област.
Јавниот обвинител бил известен за настанот и ќе продолжи со постапката во согласност со законот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известиваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Претежно облачно со повремен дожд

Времето денеска ќе биде променливо облачно со повремени локални врнежи од дожд. Кон крајот на денот врнежите насекаде ќе престанат. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 6 до 13, а максималната ќе достигне од 8 до 16 степени.
Во Скопје, претежно облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Од четврток времето ќе биде стабилно и суво со слаб до умерен северен ветер. Дневната температура ќе биде во пораст.