Македонија
Делови од Ѓорче Петров, Чаир, Центар и Сопиште без струја
Од „ЕВН Македонија“ АД известуваат дека во текот на денешниот ден поради планирани технички зафати во дистрибутивната електромрежа, без електрична енергија ќе останат делови од општините Ѓорче Петров, Чаир, Центар и Сопиште.
Како што посочуваат во соопштението, дел од корисниците од селото Љубин во општина Ѓорче Петров, во периодот од 8.50 до 10.50 часот, ќе останат без електрична енергија.
Понатаму, додаваат дека од 9 до 13 часот, без струја ќе бидат и дел од корисниците од улицата Панче Неделковски, зградите од улицата Панче Неделковски, од бр. 47 до бр. 63, улицата Панче Неделковски до црквата „Св. Ѓорѓија“, ОУ „Цветан Димов“, новите зградите наспроти ОУ „Цветан Димов“, што се водат на улицата Серава, зграда бр. 63 б и зграда бр. 85, и потрошувачите од околните објекти во близина на ОУ „Цветан Димов“ во општина Чаир.
Од 8 до 15 часот, без електрична енергија ќе бидат и корисниците од дел од улицата Франклин Рузвелт бр. 36, бр. 40, бр. 46 а, бр. 46, бр. 50 и бр. 52, улицата Мајаковски, дел од улицата Ѓоргија Пулевски, улицата Благоја Давковски, а и дел од улицата Црвена Вода во општина Центар.
Од „ЕВН Македонија“ во соопштението наведуваат дека без струја од 9 до 14 часот ќе бидат и корисниците од селото Горно Соње во општина Сопиште, поточно кај месноста Коштан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.