Македонија
Демири: Потпишав дека невакцинирани и некомплетно вакцинирани деца не може да одат во градинка, се знае што е невакцинирано

Mинистерот за здравство Илир Демири рече дека според податоците има 14 илјади невакцинирани деца и дека не треба да се чека да се прогласи епидемијата на државно ниво.
Тој жали што одредени деца со задоцнување се вакцинирани, но дитепер е со три дози, се спроведува во вториот, четвртиот и во шестиот месец, и вели дека ако е завршено ова, се работи за пациент што е вакциниран, потоа следува ревакцинација.
„Забраната треба да важи за пациенти што не се вакцинирани“, вели министерот.
Според него, фокусот на Министерство за здравство треба да биде консензибилизација на вакцинација.
„Сега сме пред епидемија што може да порасне, да бидеме на иста страна во обезбедување на здравјето. Комисијата ќе има состанок и коментар од тој состанок што ќе го почитуваме сите. Според прописите и сознанијата, ако некој е комплетно вакциниран, не гледам зошто да биде попречен да присуствува. Три примени дози за да биде комплетно вакциниран, а после се ревакцините. Дали децата што немаат примено ревакцина може да одат во градинка треба да кажат Комисијата за заразни болести и ДСЗИ. Да не падне сензибилитетот за кампањата за вакцинација, овие формалности ќе се решат утре по состанокот на Комисијата“, изјави Демири.
Во однос на тоа дека во дел од вакциналните пунктови ги ревакцинирале децата по шест месеци по третата доза вакцина, а некои кажуваат дека треба да помине една година по третата доза за детето да прими ревакцина, министерот рече дека ќе иницира вонреден состанок на Комисијата и ќе излезе со став како треба да се постапува за сите.
„Сите овие дилеми се појавиле во јавноста, писмено се стигнати до Комисијата, ќе иницирам вонреден состанок на Комисијата и ќе излеземе со став како треба да се постапува за сите. Не е хаос, хаос поголем ќе се направи ако не се вакцинираат. Сите треба да имаме трпение, да изнесуваме стручни ставови“, рече Демири.
Министерот објасни дека побарал од ДСЗИ да спроведе активности и да се забрани пристап на деца во градинки што се невакцинирани и нецелосно вакцинирани.
„Вакциниран подразбира дека детето има примено три дози, се смета за некомплетно вакциниран ако не ја примил третата доза, а дали е ревакциниран е друго прашање. Сакам да бидам концизен и да не излегуваме со разни ставови, ќе има еден став до кој сите ќе се придржуваме“, рече тој.
Министерот рече дека не е некоја грешка ако докторите им кажуваат на родителите да го донесат детето на ревакцинација по шест месеци, ако со правилник е наложена една година.
„Не сакам да изнесувам ставови што нема да ни послужат. Постои друга шема за брза имунизација и може да се поместат ако е поголемо детето, ако е ризикот поголем. Но, тоа се медицински ставови ,на кои имаат право да се одлучат лекарите, не е некоја грешка да се одлучат за таква брза вакцинација и ревакцинација“, објасни Демири.
„Јас потпишав невакцинирано и некомплетно вакцинирани деца дека не може да одат во градинка, се знае што е невакцинирано, во интерес на сузбивање на епидемијата на пертусис, овие дилеми ќе ги разрешиме утре, ќе ви дадеме точен одговор на сите дилеми“, додаде министерот.
Како што рече, на 15 овој месец стигнуваат вакцини наменети за возрасната популација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица се чека еден час за влез во државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
ВМРО-ДПМНЕ реагира: СДС е последната партија што може да зборува за правда и култура

„Кога СДС зборува за правда, тоа звучи исто како крадец да држи предавање за чесност. Кога СДС зборува за култура, тоа звучи како пироман да се фали дека го изгаснал пожарот. СДС, како и секогаш, кога институциите конечно почнуваат да работат професионално, после хаосот што го оставија зад себе, се обидува да шири лажни вести, страв и дезинформации. Тоа не е ништо ново, тоа е нивна стара стратегија – кога немаат аргументи, измислуваат афери“, реагира ВМРО-ДПМНЕ на соопштението на СДСМ.
„Меѓутоа, јавноста добро памети.
Во време на СДС:
– се гасеа истраги и се уценуваа обвинители;
– криминалци од врвот на власта беа заштитени како свети крави;
– граѓаните беа сведоци на политички прогон на неистомисленици;
– Врховниот суд беше партиски штаб, а Советот на јавни обвинители нем набљудувач на криминалот.
Министерството за култура, во нивно време, беше претворено во каса за партиски трансакции и награди за блиски личности. Грантови се делеа без критериуми, по телефон, по пријателски врски и по заслуги кон партијата. Уметниците кои не беа лојални, беа игнорирани или санкционирани. Установите беа блокирани, а културата сведена на приватен бизнис за избрани поединци.
Културните работници, вистинските уметници и институциите денес конечно здивнаа. Заврши времето кога маички XXL и авионски карти за егзотични дестинации се купуваа од државни пари, додека проекти од национална важност беа одбивани.
ВМРО-ДПМНЕ нема да дозволи притисоци врз обвинителството, но ниту ќе дозволи заштита за било којшто се огрешил пред законот – без разлика на партиска, етничка или друга припадност.
Тоа е разликата меѓу нас и нив!
Ние се бориме за држава на еднакви, не на привилегирани!
Тие се борат да се вратат на власт за повторно да ја контролираат правдата и да продолжат со грабежот.
Но времето на криминалците заврши.
Македонија е во рацете на чесните граѓани“, се наведува во соопштението на ВМРО-ДПМНЕ.
Македонија
Струмичко-скопскиот епарх монсињор д-р Киро Стојанов упати писмо по повод упокојувањето на папата

Скопскиот бискуп и Струмичко-скопски епарх монсињор д-р Киро Стојанов, на Светол Понеделник, 21 април 2025 година упати писмо до сите парохии и монашки заедници во Македонија по повод упокојувањето на папата Фрањо.
„Драги браќа свештеници, чесни сестри и верници,
Со голема тага, но и со вера во воскресението и животот вечен, денес во утринските часови на Светол Понеделник, 21 април 2025 година, Господ го повика кај Себе Својот слуга, и наш возљубен пастир, Петровиот наследник, папата Фрањо.
Благодарни сме на Бога за неговиот понтификат, кој на негов својствен начин го покажуваше постојано милосрдното лице на Отецот, а посебно беше глас на сиромашните и маргинализираните. Благодарни сме на неговата Апостолска посета на Македонија во мај 2019 година, која ќе остане во нашите сеќавања и запишана во историјата на Република Македонија. Неговото заземање за мир во светот, за дијалог и братство меѓу народите ќе останат негов завет за идните генерации.
Во овие денови на жалост, како Црква сме повикани на единство и благодарност за дарот што Господ ни го даде преку папата Фрањо. Со вера и надеж да молиме од Воскреснатиот Христос, да ги слушне евангелските зборови: Добар и верен слуго, влези во радоста на својот господар! (сп. Матеј 25,21) и да го прими во Неговото царство.
Ги повикувам сите свештеници и монашки заедници, како и сите верници да се обединат во лична молитва за покојниот папа Фрањо и одредувам денес од сите цркви во 15.00 часот да се огласат камбаните, пропратени со молитви на верниците. Одредувам ден пред неговиот погреб во сите цркви да се служи света Литургија задушница за папата Фрањо“, се наведува во писмото.