Македонија
(Видео) Дескоска: Дел од амандманите на ВМРО-ДПМНЕ се неисправни, неразбирливи и непримeнливи

По прес-конференцијата на претеникот Зеќир Рамчиловиќ од ВМРО-ДПМНЕ и коалицијата, министерката Рената Дескоска тврди дека одредени амандмани на опозицијата се технички неисправни и не можат да значат подобрување на текстот. Притоа, додаде таа, истите се неразбирливи и неприменливи.
Дескоска вели дека има амандман за лицата кои се без државјанство да имаат право на образование преку разни договори, а тоа според неа не е во согласност со меѓународната легислатива.
„Бараат еднојазичен печат, а законот кој тие го донеле е истиот да биде довјазичен. Опозицијата бара деканот да не може да распишува студентски избори, а вие знаете што се случи пред некоја година, па така ако нема легитимни пртетставници на студентите, не можат да се решаваат пробелемите. Со тоа, деканот мора да ги распише изборите за тие де бидат легитимни“, вели Дескоска.
Министерката во делот на финансирањето го спори пратеникот Рамчиловиќ и вели дека не е возможно, како што тие бараат со амандманот, финансирањето да биде на помалку од 6 отсто од БДП бидејќи тоа според пресметката било 300 евра и ќе придонело за високото образовние да заврши на колена.
„Државата за некои универзитети била маќеа, а за некои мајка. Сум одела во амфитеатри каде студентите седеле со капи и шалови бидејќи било ладно, факултетот имаше долгови, а државата не даваше пари. Законот е конципиран и хармонизиран во целина. Ако се спроведе ќе донесе подобрување за автономијата на Универзитетот која беше газена, како и подобри услови за студирање“, рече министрката Дескоска.
Актуелната министерка за образовнаие вели дека амандманите не може да го подобрат статусот на професорите, како и покачувањето на платите на професорите, бидејќи како што вели, има буџетска дупка од 5 милиони евра оставена од ВМРО-ДПМНЕ. Според неа, не е јасно зошто еден од амандманите се однесува на ангажирање на помлади асистенти, а токму владата на ВМРО-ДПМНЕ за време на владеењето ги укинала истите.
Инаку, пресот на министерката го проследија и нејзините колеги од опозицијата, Димитар Стевананџија и Зеќир Рамчиловиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Шукова и Мојсова на пазарот во Тафталиџе: Ги слушнавме од прва рака проблемите на пазарџиите

Кандидатката за градоначалничка на Скопје од СДСМ, Каја Шукова, денес го посети пазарот во Тафталиџе заедно со Маја Мојосова, кандидатка за градоначалничка на општина Карпош.
„Денес бевме на пазарот во Тафталиџе заедно со Маја Мојосова, нашата кандидатка за Карпош. Ги слушнавме од прва рака проблемите на пазарџиите,“ изјави Шукова.
Таа посочи дека условите за работа се лоши, особено при екстремно високи температури.
„На вакви пеколни температури тешко се седи цел ден на тезга, немаат услови, но мораат да бидат таму. Работат напорно, чесно, и заслужуваат подобри услови за работа.“
Клучното барање кое било истакнато од страна на продавачите е јасно:
„Најчестото барање што го слушнавме беше едноставно – затворен пазар со нормални услови за работа.“
Во таа насока, Шукова истакна дека решението е веќе дел од нејзината програма.
„Во мојата програма имам конкретни проекти за затворање и модернизација на градските пазари. Пазарите ќе бидат живи, безбедни и функционални простори и за продавачите и за купувачите.“ – изјави Шукова.
Македонија
Муцунски во Истанбул се сретна со турскиот министер за надворешни работи

На маргините на состанокот на Балканската платформа за мир, министерот за надворешни работи и надворешна трговија, Тимчо Муцунски, денеска во Истанбул оствари средба со својот турски колега, министерот за надворешни работи, Хакан Фидан.
На средбата се разговараше за унапредување на билатералните политички односи, зајакнување на економската соработка и искористување на инвестициските можности. Соговорниците се осврнаа и на продлабочување на соработката во други области од заемен интерес.
Двајцата министри го потврдија силното пријателство меѓу двете држави, тесната соработка во рамките на НАТО, како и заемната поддршка во мултилатералните организации. Разговорите опфатија и актуелни регионални и геополитички прашања, со акцент на важноста од стабилен и просперитетен Балкан.
Средбата се одржа во рамки на првиот состанок на Балканската платформа за мир, иницирана од министерот за надворешни работи на Република Турција, Хакан Фидан.
Македонија
Големиот пожар кој избувна попладнево во близина на Струмица е под контрола

Големиот пожар кој избувна попладнево во близина на Струмица меѓу Градските гробишта и селото Баница и зафати огромна површина и со голема брзина се ширеше кон месноста Софилар и куќите во тој дел на градот е ставен под контрола, објави директорот на Дирекцијата за заштита и спасување (ДСЗ), Стојанче Ангелов.
Според него, големиот и црн чад излегува од склад во чиј двор од пожарот се зафатени гуми, а пожарникарите не дозволуваат пожарот да се шири кон селото Баница, градот и викендички во овој простор.
-Пожарот се движи во неколку насоки и има големи шанси да биде ставен под целосна контрола. На едно место навлезе делумно во Гробиштата во Струмица, зафати неколку квадратни метри и тука е запрен. Нема потреба од вознимереност и паника. Струмичките пожарникари побараа помош од соседните противпожарни единици, а доаѓаат и два „пинцгауери“ на ДЗС, а во случај на лош развој на настаните ќе упатиме и „ер трактори“. Во овој момент нема таква потреба, иако едниот „ер трактор“ превентивно е упатен кон Струмица, рече Ангелов во изјавата за медиумите објавена од местото на пожарот.
Соред командирот на ТППЕ Струмица, Александар Гудев, се работи за пожар од големи размери, кој засега го гаснат 30 пожарникари и 10 возила, а побарана е помош од пожарникарите од Валандово и вклучување на хеликоптер.
Од СВР Струмица попладнево упатија апел до граѓаните да не се движат во делот зафатен со пожар, а лицата кои се затекнати таму веднаш да го напуштат подрачјето.