Предлог-закон за учебници во основното и средното образование на Министерството за образование (МОН) е поставен на Единствениот национален електронски регистар на прописи (ЕНЕР). Дваесет дена ќе биде отворен за сугестии и забелешки од граѓаните и од експертската јавност.

„ Новината е што овој пат им даваме можност на издавачките куќи да учествуваат со веќе подготвени учебници кои потоа во процедура на избор, одобрување од Бирото, рецензија од Националната комисија би  биле избрани и обврската за печатење се префрла на издавачките куќи кои со договор ќе бидат обврзани да ги достават учебниците до први септември. Тоа е новината иако постапките кои се почнати досега ќе продолжат по старите постапки затоа што ни е обврска да ги завршиме“, вели министерката за образование и наука, Весна Јаневска.

Искуството од првата година со префрлените обврски на издавачките куќи министерката вели дека ќе покаже дали повеќето постапки за учебниците ќе можат да се префрлат. Со новиот начин на обезбедување на учебниците Јаневска очекува и подобар квалитет, но и ефикасност за да не се повтори на први септември да нема учебници.

Јаневска за почетокот на оваа учебна година успеа да ги обезбеди сите учебници освен оние за странски јазици, па учениците петта година по ред ја почнаа учебната година без нив. Набавката на учебниците по странски јазици, вредна половина милијарда денари, министерката најави дека ќе ја направи најдоцна во јануари.

Премиере Мицковски, како и што се очекуваше, потврдивте дека немате план за патот кон ЕУ, па затоа и не одговоривте на ова прашање, ниту пак кажавте дека воопшто имате некаков план, рече лидерот на СДСМ, Венко Филипче, денес во Собранието, на седницата за пратенички прашања.

-Повторно кажувате дека нешто разговарате и дека нешто се случува во Брисел или Вашингтон, но не кажувате што е тоа, ниту пак дали имаме некаква временска рамка. Од ’91 година до сега, ниту една Влада во Македонија, немало, а да нè работи за Европа. Напротив, секоја влада во рамките на својот капаците и можности, го правела тоа и сега првпат, кога Европа е на дофат, Мицковски и ДПМНЕ го запираат патот, којшто генерации наназад го чекаа и очекуваа, рече Филипче.

Тој потенцираше дека Владата на ДПМНЕ го запираат патот кон ЕУ и побара од Мицковски да биде искрен и да признае дека тој лично нема верба во Европа и европските вредности, а ниту план како да ја внесе државата во ЕУ.

– Мицковски нема никакво право да го запира патот кон ЕУ. Тој и владата го заглавија возот буквално во снег, и ако наместо по патот на ЕУ тргнат по друг пат, возот ќе отиде во провалија“, рече Филипче.

Владата во овие четири месеци се движи во целосно спротивен правец од ветувањата што ги дававте пред изборите, а вашата политика нема никаков ’рбет, порача претседателот на Социјалдемократскиот сојуз на Македонија и пратеник Венко Филипче, на денешната собраниска седница во пратеничкото прашање упатено до премиерот Мицкоски.

„Целиот ваш политички успех се базираше на противењето на Преспанскиот договор – договор за кој тврдевте дека е национално предавство. Вие реално и немате друга политика по која би ве паметеле освен носењето на маичките со големо НЕ за Преспанскиот договор. Но, откако седнавте во премиерската фотелја, истиот договор стана „ремек-дело на дипломатијата“.Го барате како пример за други договори и од неуморен противник, станавте најгласен поддржувач. Оваа дволичност и врвно политичко лицемерие треба да се изучува во книгите за манипулација со граѓаните“, рече Филипче.

При тоа Филипче го повика Мицкоски да го врати мандатот како што тоа го ветуваше во предизборната кампања.

„Велевте дека ќе го вратите мандатот ако некогаш кажете Северна. Па ајде премиере, еве сега е шанса, во Собранието да го вратите мандатот. Наместо тоа, вие и вашите министри на мала врата почнавте да го користите уставното име, а некои богами тоа и со гордост го изговараат. Со ова покажавте дека вашата политика нема никаков ’рбет, но тоа го знаевме. Вие, премиере , го редефиниравте политичкото лицемерие и популизмот. Вашиот ’рбет се свитка, а вашите принципи паднаа“, порача претседателот на СДСМ и пратеник, Венко Филипче.