Македонија
Димитров: ЕУ се покажа како вистински поддржувач на Западен Балкан во справувањето со пандемијата

Министерот Никола Димитров заедно со министрите за надворешни работи од земјите во регионот, учествуваше на видео-конференција иницирана од еврокомесарот за проширување Оливер Вархеји.
Во своето обраќање, Димитров се осврна на актуелната состојба и мерките во земјата во контекст на пандемијата, како и во контекст на подготовките со цел демократски, фер и слободни предвремени парламентарни избори, со максимална заштита на здравјето на граѓаните.
„ Досега Европската Унија се покажа како вистински партнер и поддржувач на Западниот Балкан при справување со пандемијата, создавајќи едно чувство на заедништво и припадност како да сме скоро дел од ЕУ, што се надеваме ќе следи и во претстојниот период при носењето одлуки од страна на ЕУ. Голема благодарност и за изразената поддршка од страна на Европската комисија за обезбедување залихи, како и вклученост во ЕУ набавката на лекот ремдесивир препорачан од Европската агенција за лекови, што беше побарано во консултација со министерот за здравство Филипче“ рече Димитров.
Главен акцент во разговорите беше ставен на мерките коишто земјите од Регионот ги преземаат во функција на контролирање на пандемијата со коронавирусот, како и натамошната координација при нивно олеснување и овозможување на слобода на движење како во Регионот, така и меѓу земјите од Западен Балкан и ЕУ. Истовремено стана збор и за активностите на Европската комисија во контекст на следните чекори за поддршката од ЕУ при справување со социо-економските последици од пандемијата, а беа разменети мислења и за евроинтегративните процеси.
Од страна на еврокомесарот Вархеји беше искажана подготвеност за поддршка на Регионот за контрола на вирусот, координација при следните чекори за закрепнување и повторно поврзување на Регионот со ЕУ во контекст на слобода на движење, каде што главниот критериум кој е препорачан при носење на одлуките е врз основа на објективната епидемиолошка слика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Дел од Сопиште денеска без струја

Од ЕВН Македонија АД известуваат дека денеска без електрична енергија ќе останат:
-во периодот од 08.00 до 15.00 часот, во реонот на Маркова Сушица кон Говрлево, корисниците од Каменолом Беровиќ, Кменолом Гама Градба и Грин Еко Фарм. (општина Сопиште)
Македонија
Делови од Центар без вода за пиење

Од ЈП Водовод и Канализација известуваат дека денеска на ул.Алберт Ајншатјн ( кај Мебел Вардар) поради уличен дефект од ф -80“ со прекинато водоснабдување ќе бидат корисниците : дел од Алберт Ајнштајн и ул. Донбос.
Водоснабдувањето ќе биде прекинато од 08:00 часот до завршување на работните активности.(општина Центар)
Македонија
Перински во Будимпешта: Партнерството со Унгарија ќе придонесе за унапредување на општинскиот развој

Во рамките на дводневната посета на унгарско-македонскиот владин самит, кој се одржува во Будимпешта, министерот за локална самоуправа, Златко Перински, оствари билатерална средба со Тибор Наврачич, министер за јавна администрација и регионален развој на Унгарија.
На средбата, двајцата министри разговараа за регионалниот развој, одржливоста на системите за локално управување, децентрализацијата и територијалната организација на двете земји, а споделија и разменија искуства и практики во интерес на подобрување на начините на функционирање на локалната самоуправа на двете земји.
Споделени беа и искуства за начинот и организацијата на унгарското министерство во делот на механизмите кои ги користи во насока на регионалниот развој, дигитализацијата на локалните услуги и зајакнувањето на општинските капацитети.
„Досегашната соработка и поддршка од нашите унгарски пријатели е исклучително важна за нашата држава. Унгарија е долгогодишен пријател и партнер во нашите реформи и со задоволство ја споделуваме нивната успешна практика во области кои се од големо значење за нашата локална самоуправа и регионален развој. Оваа средба е уште еден доказ за силната и континуирана поддршка која ја добиваме од Унгарија, а истовремено отвора нови можности за продлабочување на соработката помеѓу нашите земји“, изјави министерот Перински по средбата на која се разговараше и за можноста за зајакнување на соработката на полето на вмрежување на нашите локални заедници во рамките на програмите на ЕУ, што би придонело за поттикнување на иновациите и најдобрите практики на локално ниво.
„Споделените искуства се од особена важност за подобрување на капацитетите на локалната администрација и регионалниот развој во нашата земја, а интензивирањето на соработката е важен чекор во зајакнувањето на нашето партнерство со Унгарија како и во насока на остварување на европските амбиции на земјата“, додаде Перински кој на средбата го информираше министерот Наврачич за досегашниот тек на проектот за финансиска поддршка на инфраструктурни проекти, една од најзначајните мерки на нашата Влада за унапредување на општинскиот развој, која се реализира со средства обезбедени од унгарскиот кредит.