Македонија
Димитров: Свесни сме дека да се биде Европеец не значи само зачленување во ЕУ

Министерот за надворешни работи, Никола Димитров, во Париз учествуваше на состанокот на високо ниво на француско-германската иницијатива за борба против недозволена трговија со лесно оружје во земјите од Западен Балкан.
Во своето обраќање Димитров најнапред ја потенцираше важноста од соработка и интеграција на регионот во ЕУ, експлицитно демонстрирано во екот на мигрантската криза во 2015 година.
„Свесни сме дека да се биде Европеец не значи само зачленување во ЕУ туку и сет на вредности и практики на добро управување, владеење на право, борба против корупција, независни и силни институции“, истакна Димитров.

Состанок во Париз за борба против недозволена трговија со лесно оружје во земјите од Западен Балкан
Во контекст на исполнување на стандардите за членство во ЕУ, министерот изрази подготвеност за уште потесна соработка во однос на безбедносните прашања од различен вид, вклучително и контролата на илегална трговија со мало и лесно оружје, во интерес на креирање побезбедни општества за нашите граѓани и борба против организираниот криминал.
„Патоказот за изнаоѓање одржливо решение за незаконско поседување, злоупотреба и трговија со мало и лесно оружје и муниција во Западен Балкан до 2024 година, усвоен на Самитот за Западен Балкан во Лондон на 10 јули 2018 година, претставува одлична рамка, комплементарна на веќе постојните национални и регионални иницијативи, за засилување на контрола и непролиферација на мало и лесно оружје“, додаде Димитров.
Министерот во рамки на работната посета на Париз ќе се обрати и во Фондацијата „Роберт Шуман“ на тема „Европската перспектива на Македонија по договорот со Грција”, а утре во францускиот парламент Димитров ќе се сретне со претседателката на Комисијата за надворешни работи и со група пратеници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Манасиевски: Филипче ги лажеше граѓаните за нов Клинички центар, само за да може да го краде народот

Екминистерот Венко Филипче и СДСМ му ветуваа на народот нов Клинички, а во реалноста даваа физиолошки раствори наместо лекови, обвинува Валентин Манасиевски, член на ЦК на ВМРО-ДПМНЕ.
„Филипче и СДС му ветуваа на народот нов Клинички, а во реалноста граѓаните добија урнисано и запоставено здравство. Филипче и СДС му ветуваа на народот нов Клинички, а во реалноста Пановски добиваше милионски тендери, а граѓаните поскапи лекови. Филипче и СДС му ветуваа на народот нов Клинички, а во реалноста Филипче си местеше тендери и провизии од лекови и вакцини“, рече Манасиевски.
Додава дека ВМРО-ДПМНЕ оставиле готов проект за кој биле обезбедени 128 милиони евра, кој доколку се било како што треба, ќе бил готов во 2021 година.
ВМРО-ДПМНЕ уверува дека новиот клинички ќе биде изграден.
Македонија
Граѓаните биле под потенцијална загрозеност во сите дискотеки, рече Коцевски

Доказите упатуваат на суштински пропусти кај раководната структура во Дирекцијата за заштита и спасување. Ова го истакна државниот обвинител Љупчо Коцевски на денешната прес-конференција, на која обелодени детали од истрагата за пожарот во дискотеката „Пулс“.
Тој рече дека Општина Кочани била оставена без воопшто да овластат инспектор за заштита и спасување, дотолку повеќе што угостителската дејност дискотеки и кабареа, никогаш не била предмет на контрола и надзор, како во Кочани така и во целата држава.
„Граѓаните биле под потенцијална загрозеност во сите угостителски објекти. Ова е едноставно нешто што човек не може да верува, но така е“, нагласи Коцевски.
Со проширувањето на истрагата, опфатени се вкупно четворица директори на Дирекцијата за заштита и спасување, меѓу кои и актуелниот, од отворањето на дискотеката „Пулс“, па до пожарот. Коцевски за нив рече дека постои сомнение оти целосно ги запоставиле своите надлежности, и тоа, не само за овој клуб туку и останатите во државата.
Македонија
Актуелниот министер за економија не е опфатен со истрагата за „Пулс“ оти немало ново барање за лиценца

Актуелниот министер за економија не е опфатен со истрагата оти нема никаков доказ дека сопственикот на клубот „Пулс“ иницирал лиценца во 2025 година. Ова го истакна државниот јавен обвинител, Љупчо Коцевски на денешната прес-конференција на која обелодени детали од истрагата за пожарот во клубот во Кочани што однесе 61 млад живот.
Во делот на одговорноста на Министерството за економија кое е надлежно за лиценците на угостителските клубови, Коцевски рече дека покрај осомничениот министер за економија, државниот секретар и тројца службеници, истрагата е проширена и за уште тројца министри за економија кои од 2012 годин, откога клубот добива лиценци, ја извршувале оваа фукнкција. Истрагата опфаќа и уште двајца државни секретари од Министерството, како и три службени лица на раководни позиции надлежни за угостителство и туризам.
Се истражуваат оти му овозможиле на „Пулс“ да добива лиценци незаконито од отворањето до пожарот.
Обвинителството ја прошири истрагата во врска со пожарот во кочанската дискотека „Пулс“ на нови 19 лица. Тие се осомничени за Тешки дела против општата сигурност. За четворица од новоосомничените за пожарот во Кочани Обвинителството бара притвор, за седум мерка куќен притвор во комбинација со забрана за комуникација, а за уште седум лица се бараат мерки на претпазливост. Еден осомничен не е во државата. Досега за пожарот се осомничени вкупно 47 физички и три правни лица.