Македонија
Директорот на штипската ветеринарна станица најави тужба против невладините кои алармираа за усмртени кучиња

По обвинувањата на три невладини здуженија за заштита на животните дека во штипскиот стационар се усмртени две кучиња без преглед и тестирања, директорот на ветеринарната станица, Крсто Митев, изјави за „Макфакс“ дека тоа е лажна вест и дека кучињата се истретирани и сместени во стационарот.
Митев најави дека ќе поднесе тужба за клевета против трите здруженија „Шепасти ентузијасти“, „Про анима“ и „Кане корзо надеж“, кои на социјалните мрежи пуштиле фотографии од заловување на куче и обвиниле дека кучето е еутанизирано.
Митев до редакцијата на „Макфакс“, испрати фотографии од двете кучиња за кои активистите тврдеа дека се убиени.
„Срамно е ова што го прават. Шират дезинформации во јавноста. Двете кучиња за кои тврдат дека се убиени се тука, во стационарот, прегледани и истретирани. Не знам која им е целта, но не е во ред, на овој начин да оцрнуваат институција која си работи по прописи и закони. Ве повикувам да дојдете и да се уверите во каква состојба се кучињата. Најостро демантирам дека персоналот, на чело со мене, работи спротивно на правилникот“, изјави директорот на штипската ветеринарна станица, Крсто Митев.
За стационарот за кучиња, надлежна е Ветеринарната станица Штип, која добила на тендер да се грижи за здравјето и условите на кучињата кои престојуваат таму. Невладини активисти и претходно алармираа дека условите во стационарот се нехумани и кучињата не ја добиваат соодветната нега, но и тогаш од ветеринарната станица демантираа дека нивните обвинувања не се точни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.