Македонија
Директорката на домот: Свесни ли сте дека протестирате против деца кои немале среќа во животот

Директорката на домот „Ранка Миловановиќ“, вели дека утрово ги дислоцирале децата од домот за да не се соочат со гневот и омразата на луѓето што протестираат. Таа вели не знаеле воспитувачите што да им кажат оти децата прашувале зошто нивните соседи не ги сакаат.
„Не знам дали овие жители се свесни дека протестираат против три деца кои немале среќа во животот и се нашле во оваа институција. Сакам да апелирам да размислат, да се најде разумно решение да да не се соочат со нашите предрасуди, гнев и омраза. Замислете, образложението е дека децата не се достојни да живет во нивната како што ја нарекуваат приватна населба“, рече директорката на домот Виолета Масевска-Палиќ.
Таа ги демантираше наводите на жителите дека децата биле оставени сами на себе и дека вршеле девијантни појави, посочувајќи дека за децата се грижи стручен тим од 24 часа.
„Ова е институција од отворен тип , не е затвор. Тие имаат право да излезат и да се движат , да појдат до продавница, да прошетаат. Но, јас ве уверувам дека ниту едно од трите деца не излегло без да праша воспитувач. Тие се толку исплашени, што едвај излегуваат, а дури не ја ни познаваат населбата. Ако некој од жителите има такви наводи, повикувам да си пријави во полиција и да се расчисти таква ситација“, додаде Масевска Палиќ.
Групниот дом е отворен на 17 октомври, тука престојуваат три машки деца на возраст од 13 до 15 години, а според кажувањето на надлежните може да бидат сместени максимум пет деца
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Денес и утре ќе се прска против комарци во Скопје

Од Град Скопје известија дека викендов (26.07 и на 27.07.2025 година), во раните утрински часови ќе се реализира авионска дезинсекција на подрачјето на градот Скопје, против возрасни форми на комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин, дополнуваат надлежните.
Македонија
Денес пеколно топло со температури од 43 степени

Времето денеска ќе биде сончево и многу топло со мала до умерена локална облачност. Ќе дува слаб до умерен ветер од јужен правец. Минималната температура ќе биде во интервал од 14 до 22, а максималната ќе достигне од 36 до 43 степени Целзиусови.
И во Скопје че биде сончево и многу топло, попладне со мала до умерена облачност. Ќе дува слаб до умерен јужен ветер. Минималната температура ќе се спушти до 20, а максималната ќе достигне до 43 степени Целзиусови.
Според најавите од Управата за хидрометеоролошки работи (УХМР), утре и во првата половина од следната седмица ќе има промена на временската состојба. Во попладневните часови ќе има услови за локална појава на нестабилност со пороен дожд и грмежи. Ветерот ќе го промени правецот во северен, а дневната температурата ќе биде во опаѓање.
Македонија
62 години од катастрофалниот земјотрес во Скопје во кој животот го загубија 1.070 лица

Скопје денеска ја одбележува 62. годишнина од катастрофалниот земјотрес што се случи на 26 јули 1963 година, кога животот го загубија 1.070 лица, а 3.000 беа повредени.
Во знак на почит и сеќавање на жртвите во катастрофалниот земјотрес, денеска во 10 часот делегации од Собранието и од Градот Скопје ќе положат цвеќе пред Споменикот на загинатите во земјотресот на градските гробишта Бутел.
Во Музејот на град Скопје, вечер во 20 часот, ќе биде отворена изложбата „Скопје за време на земјотресот и потоа”. Поставката ќе биде од траен карактер достапна за секој посетител во музејот. Градот како и секоја претходна година се сеќава на катастрофалниот земјотрес во 1963 година кој засекогаш го промени.
Скопскиот земјотрес во 1963 година е познат како една од најголемите трагедии кои се случиле во историјата на градот, но истовремено и шанса светот да ја покаже својата солидарност и да помогне во опоравувањето на заедницата.
Катастрофалниот земјотрес во Скопје се случи во пет часот и 17 минути, а помали потреси имаше до пет часот и 43 минути. Беа урнати 15.800 станови, а оштетени 28.000. Над 200.000 луѓе остана без покрив над главата.