Македонија
Дијаспората, освен патниот лист, кој е бесплатен, да ги користи и базните станици во дипломатско-конзуларните претставништва, апелира Бојмацалиев

Дополнителниот заменик-министер за внатрешни работи, Митко Бојмацалиев, на својата фејсбук-страница упати повик до македонската дијаспора дека, освен патниот лист, имаат можност да ги искористат и базните станици во дипломатско-конзуларните претставништва на Северна Македонија.
„Упатувам повик до македонската дијаспора, освен патниот лист, кој е бесплатен, да ги искористат и базните станици во дипломатско-конзуларните претставништва на Република Северна Македонија.
Проектот за поднесување барања за издавање патни исправи преку дипломатско-конзуларните преставништва е почнат 1.10.2021 година и до 9.2.2024 година вкупно 47.726 граѓани ја имаат искористено оваа можност да извадат патна исправа преку овие институции“, информира Бојмацалиев.
Моментно барања за издавање патни исправи, како што појаснува, се поднесуваат во вкупно 25 дипломатски преставништа, и тоа: Љубљана, Лондон, Берн, Берлин, Бон, Минхен, Виена, Њујорк, Чикаго, Венеција, Рим, Малта, Стокхолм, Копенхаген, Пекинг, Малме, Абу Даби, Осло, Брисел, Хаг, Париз, Торонто, Детроит, Мелбурн и Канбера.
„Целокупниот процес – од поднесување барање до изготвување на патните исправи – трае од 15 до 30 дена, што е сериозно кратење на времетраењето на процедурите ако се земе предвид дека досегашната постапка траеше од четири до пет месеци, со големи трошоци за граѓаните.
Оваа иницијатива е на поранешниот министер Оливер Спасовски и раководството на МВР од 2018 година, со инвестиција од 150.000 евра, а таа финишира на крајот на 2021 година решавајќи го деценискиот проблем што го имаше нашата дијаспора“, пишува Бојмацалиев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На граничните премини од македонска страна нема подолги задржувања за влез и излез од државата

Почнувајќи од 3 септември, во период од 2 седмици, на патниот правец Гостивар – Тетово и обратно од патарина Тетово до патарина Гостивар, ќе се изведуваат градежни истражувачки работи, поради што сообраќајот ќе се одвива под времен режим на сообраќај, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фреквенција на возила. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Денеска сончево со умерена облачност, следува период на претежно стабилно време

Времето денеска ќе биде сончево со мала до умерена локална облачност. Ќе дува слаб до умерен ветер од северен правец. Минималната температура ќе биде во интервал од 8 до 18, а максималната ќе достигне од 28 до 36 степени.
Во Скопје, сончево со мала до умерена облачност. Ќе дува слаб до умерен северен ветер. Минималната температура ќе се спушти до 15, а максималната ќе достигне до 35 степени.
Времето во наредните денови
Следува период на претежно стабилно време. До недела ќе дува слаб до умерен, наместа повремено засилен северен ветер.
Македонија
Тошковски: Партнерството со САД носи силна поддршка за реформи во МВР

Министерот за внатрешни работи Панче Тшоковски денес оствари тет-а-тет средба со амбасадорката на САД, Анџела Агелер.
„Средбата ја потврди блиската соработка и заедничката посветеност за јакнење на институциите и модернизацијата на системот, како темел за поуспешно справување со криминалот и корупцијата“, соопштија од МВР.
„Партнерството со САД ни носи силна поддршка за нашите реформи во МВР насочени кон професионална и ефикасна полиција, која ќе овозможи зголемена безбедност, правда и доверба кај граѓаните.“, потенцираше министерот Тошковски.