Македонија
Додека Министерството за образование го води ДУИ, учениците Албанци немаат ниту книги, реагираат од Демократското движење

И учебната 2023-2024 година започна со многу проблеми, за кои одговорноста ја сноси Владата, поточно Министерството за образование, оценуваат од демократското движење.
„Немањето учебници е неоправдано, проблем кој се повторува од година во година. Неоправдан е фактот што учениците Албанци се уште се соочуваат со многу проблеми, особено неможноста да учат на својот мајчин јазик, како што е случајот со средношколците Албанци во Велес и со основците во Идризово, Скопје. Значи, некој што е над државата не дозволува да се отвораат паралелки со настава на албански јазик и покрај тоа што министерот за образование и неговиот заменик се од иста партија, владејачката ДУИ“, велат од демократското движење.
Според оваа партија, албанскиот дел од извршната власт не изразува никаква загриженост за драстичното намалување на бројот на ученици, кои заминуваат заедно со родителите за да обезбедат подобра и помирна иднина. Токму ова отсуство ќе влијае на многу брзо затворање на училиштата, особено на оние со настава на албански јазик.
„Не само тоа, туку и многу наставници ќе останат без работа.
Состојбата воопшто не е добра ниту со високото ниво каде исто така се чувствува намалувањето на бројот на студентите. Во ова време на криза кога семејниот буџет е под минимумот за егзистенција, некому му текнува за поскапување на цените во старите студентски домови и нималку достоинствени за сместување на студенти.
Од друга страна, од Министерството за образование велат дека реформата во образованието ќе продолжи според предвидената динамика, бидејќи ги дава очекуваните ефекти. Може ли некој да ни каже за каква реформа се работи и кои се очекуваните ефекти? Реалноста покажува дека во образованието нема никаква реформа, напротив, само тонење, што очигледно влијае на падот на квалитетот на образованието. Сите овие неуспеси имаат еден заеднички именител, но и адресата на вратата на одговорноста. Но, за жал, никој не тропа на оваа врата“, истакнуваат од Демократското движење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Наградени ќе бидат полицајците кои вчера ја спасија жената во Вардар

Министерот Панче Тошковски, се сретна со полициските службеници Кристијан Стефановски и Жико Ѓорѓиевски – хероите кои вчера ја спасија жена во водите на реката Вардар.
Министерот на средбата со нив уште еднаш потенцираше дека важноста на полицијата и нејзината вистинска сила и влијание врз животот и благосостојбата на граѓаните се гледа во најтешките човечки моменти.
„Херојските дела како вашето, кога директно се спасува човечки живот е повеќе од службено постапување, тоа е вистинска пожртвуваност и посветеност кон мисијата да се чува безбедноста и сигурноста на секој граѓанин и целото општество.“, потенцираше министерот Тошковски при честитките до двајцата полициски службеници за нивната херојска постапка.
Тој нагласи дека во рамките на законските можности тие ќе бидат наградени за нивната херојска постапка која е инспирација за сите нас унапредувањето на хуманиот аспект на нашите дела и постапки како обични луѓе и професионалци.
Македонија
Повозрасните да не наседнуваат на измами со лажни сообраќајки, порача Тошковки

Министерот за внатрешни работи Панче Тошковски заедно со полициски службеници од Одделението за превенција при СВР Скопје денеска реализираа превентивна акција „Внимавај телефонски измами“ насочена кон едукација на нашите повозрасни граѓани кои се најчеста жртва на таквите измами.
Преку непосреден разговор и делење на едукативен материјал граѓаните беа едуцирани дека најчест вид на измама е измамата со лажна сообраќајна незгода во која измамниците претставувајќи се на телефон како полициски службеник, адвокат, обвинител или доктор ги лажат жртвите дека нивното дете повредило некого во сообраќајна незгода и се обидуваат да извлечат пари од жртвата така што за одредена сума би му помогнале на детето кое е во неволја.
„Измамниците на тој начин се обидуваат да ги злоупотребат повозрасните лица. Денес во градскиот паркот во Скопје успеавме да разговараме со голем број повозрасни лица и да ги информираме за таквите измами и модус операнди или начинот на работа на измамниците. Апелираме доколку некој добие таков повик е потенцијална жртва на таква измама, никако да не дава пари, да го прекине разговорот веднаш да ја повика полицијата на 112 или 192 и да ги извести и своите најблиски“, апелираше министерот Тошковски.
Во првата половина на оваа година досега се пријавени вакви 16 настани а за период од пет години досега се расветлени 40 настани, при што се поднесени кривични пријави против 16 лица, за сторени 40 кривични дела „измама“, додека за останатите настани се преземаат мерки за нивно расчистување и поднесување на соодветни кривични пријави.
Македонија
(Видео) Избегната катастрофа кај Брезница, пожарот се движи кон Козјак

Денес се регистрирани десет пожари на отворен простор, информира директорот на Дирекцијата за заштита и спасување (ДЗС), Стојанче Ангелов, предупредувајќи дека бројката може да се зголеми до крајот на денот.
Ангелов упати нов апел до граѓаните, особено до земјоделците и сточарите, да бидат исклучително внимателни додека ги извршуваат своите активности во овој критичен период.
Најтежок за гаснење и натаму е пожарот што со денови гори во „Јасен“. Според Ангелов, едниот крак бил ставен под контрола во ноќна битка со огнот, при што била спречена негова експанзија кон селото Брезница.
„Не дозволивме пожарот да премине преку шумски пат, со што понатаму ќе беше загрозено селото. Исчистени беа дрвјата долж патот и линијата беше гаснета целосно. Благодарение на Единицата за брзо распоредување (ЕБР), пожарникарите од Македонски Брод и вработените во ‘Јасен’, овој крак е стопиран“, изјави Ангелов.
Тој додаде дека состојбата на другата страна на гребенот, кон езерото Козјак, е многу потешка поради непристапниот терен. Таму пожарот се движи, а очекувањата се дека ќе биде стопиран кај карпестиот предел, а за таа цел таму поставени се надлежните служби.
Покрај „Јасен“, активни пожари се регистрирани и во Лозово, каде што гори шумска површина, во Долнени – со пожар на ниска вегетација, како и во Куманово, во атарот на селото Липково, каде што активни се два пожари, од кои едниот е реактивиран.