Македонија
Донација од 800.000 долари од САД за Клиниката за хематологија во Скопје

ЈЗУ Универзитетската клиника за хематологија – Скопје доби финасиска помош во висина од 800.000 долари од Европската команда на армијата на Соединетите Американски Држави (САД), реализирана преку Амбасадата на САД во Република Северна Македонија.
Овие средства се наменети за проширување на капацитетите за хоспитализација на пациенти со хематолошки болести во рамките на нашата Клиника.
По овој повод, утре, амбасадорката на САД во земјата, Кејт Мари Брнс, заедно со министерот за здравство, Венко Филипче, ќе ја посети Клиниката за хематологија – Скопје. Оваа посета ќе значи и официјално почнување на изведбените работи за проширување на клиничките капацитети.
„Со оваа инвестиција целосно се заокружува процесот на обнова на просторните услови во рамките на Клиниката за хематологија – Скопје, почнат во 2017 година, што заедно со воспоставените најсовремени методи за лечење и здравствена нега помагаат во етаблирањето на оваа Клиника како значаен центар за хематолошки болести во поширокиот регион“, велат од Клиниката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Самохрана мајка од Кочани дала отказ за да се грижи за повредениот син: „Ни треба помош од државата“

Силвана Петрова, мајка на повредениот Трајче Петров, зборуваше за состојбата во која се наоѓа семејството по пожарот во „Пулс“ и како ја оставила работата за да му се посвети на детето.
Петрова, која е самохрана мајка, за „Сапорт Кочани“ рече и дека ќе даде сè што може за здравјесто на своето дете, но неопходна ѝ e помош.
„Сè уште чекаме. Државата не ни помогна со ништо. Не знаеме што сè ќе треба во понатамошниот процес на заздравување – дали ќе има операции, дали ќе треба специјални ракавици или опрема. Јас сè што имам ќе дадам, ама потребна ни е помош и од државата“, рече Петрова.
Раскажа и дека го облекува синот, му ги мачка изгорените раце, му сечка јадење за тој со левата рака може да го принесе до устата.
(!) Содржината на видеото за некого може да биде вознемирувачка
View this post on Instagram
Македонија
Мицкоски ја повика Арсовска да постапи за дивоградбата во Чаир: Таа има ингеренции, од филозофирање и гола реторика народот нема фајде

Премиерот Христијан Мицкоски ја повика градоначалничката на Скопје, Данела Арсовска, да постапи за градилиштето во Чаир за кое тврди дека е без градежна дозвола.
„Таа има ингеренции. Ако навистина мисли дека е така, тогаш треба да постапува затоа што од филозофирање и гола реторика народот нема фајде“, кусо рече денес премиерот Мицкоски одговарајќи на новинарски прашања при посетата на општина Желино, каде што заврши изградбата на патот Палатица – Тетово.
Вчера, градоначалничката на Скопје, Арсовска, преку пренос во живо на социјалните мрежи ги повикуваше директорот на Центарот за управување со кризи, Стојанче Ангелов, и министерот за внатрешни работи, Панче Тошковски, да излезат на терен и да постапат оти градоначалникот на Чаир, Висар Ганиу, дозволил на државно земјиште во Чаир да никне дивоградба.
Македонија
За три дена 2.023 сообраќајни прекршоци, 362 за брзо возење

Во изминативе три дена од оваа работна седмица во рамки на активностите на полициските службеници од сите осум сектори за внатрешни работи при БЈБ на МВР, во врска со засилените сообраќајни контроли за почитување на сообраќајните правила и прописи на патиштата низ државава, беа издадени вкупно 2023 платни налози.
Според статистичката евиденција по однос на сторените прекршоци согласно од Законот за безбедност на сообраќајот на патиштата, и натаму меѓу најбројните се прекршоците на непрописно паркирање 508, потоа прекршоците по основ на движење со брзина поголема од дозволената 362, како и 165 мерки за прекршоците по основ на возење без возачка дозвола.
Покрај ова, во изминатите три дена беа изречени и 127 мерки за прекршоци што ги прават пешаците, како и 55 санкции за возачите на мотоцикл по основ на неносење заштитна кацига. Исто така во 18 случаи санкционирани биле возачи под дејство на алкохол, шест мерки се изречени за минување на црвено светло, додека пак по основ на неносење сигурносен појас изречени се 121 санкција, а по основ на користење мобилен телефон при возење 99 мерки.
Согласно, пак, Законот за возила, од сообраќај се исклучени 50 нерегистрирано возило како и 12 технички неисправни возила.
Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.