Македонија
Досега се тестирани вкупно 1340 лица во рамки на скринингот на ризични групи
Министерството за здравство информира дека согласно статистиката на Институтот за јавно здравје, до денес во рамки на скринингот на населението со ПСР тестови, вкупно се тестирани 1340 лица, од кои позитивни на Ковид-19 се 2 лица.
Скринингот се врши преку Центрите за јавно здравје во лабораториите на Институтот за јавно здравје и МАНУ. Од досега направените 1.340 тестирања, 732 се извршени во лабораторијата на ИЈЗ и 608 во лабораторијата на МАНУ.
Преку ЦЈЗ Скопје тестирани се 608 вработени во градинки, 322 се тестирани преку ЦЈЗ Битола, 324 преку ЦЈЗ Велес и 2 преку ЦЈЗ Кочани. Позитивни се два случаи и тоа еден вработен во градинка Битола и еден вработен во детска градинка во Скопје, од општина Чаир.
Преку ЦЈЗ Скопје освен вработени во градинките тестирани се и 84 вработени во геронтолошки установи, сите се негативни на Ковид-19.
Со скринингот кој започна на 14 мај, планирано е да се опфатат вработените во градинките, во болниците, домовите за стари лица, пациентите со хронични болести, пациентите на биолошка терапија, вработените во ЈСП и други ризични групи. Скринингот се прави со ПСР тестови со цел да се идентификуваат асимптоматските носители односно луѓе кои се заразени, а не се свесни заради тоа што немаат симптоми на болеста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Локацијата на ГОБ„8 Септември“ на Мицкоски му делува како одлична за нов клинички центар: Има три булевари, гасна поврзаност, но да оставиме експерите да кажат
Премиерот Христијан Мицкоски чека да завшрат локалните избори за да распише повик за финансиски институции кои ќе понудат кредити за болницитe во Штип, Тетово и Кичево, а веднаш потоа, како следен чекор, најави дека со партнерите од Обединетото кралство ќе работат на нов клинички центар во Скопје. Локацијата на Градска општа болница „8 Септември“ според премиерот е одлична за нов клинички центар.
„Чекор по чекор. Сега прво да завршат локалниве избори па да се распише јавен повик за финансиски институции за болниците кои што се поврзани со договорот влада со влада со Обединетото кралство. Тоа да заживее па следно е големиот клинички центар. Инаку навистина делува овдека како одлична можност, одлична локација три булевари, гасна поврзаност, сообраќајна поврзаност така што ајде да видиме, да оставиме експертите да си го кажат своето мислење“, рече премиерот Мицкоски денес одговарајќи на новинарски прашања по постеата на болницата „8 Септември“ во која почна да функционира хибербарна комора за третман на хронични рани, дијабетично стапало, изгореници како и поддршка за пациенти од платична хирургија, пулмологија, а ќе функционира и како поддршка за спортисти.
Премиерот Мицкоски ги повика експерите и Министерството за здравство да направат анализи за новио клинички центар во Скопје, за потоа Владат да изеле со конкретен став.
Македонија
Мицкоски: Филипче со контрадикторни изјави, ако е краток периодот да се цени неговата работа во СДСМ тогаш е кратко и времето за да се оцени работата на Владата
Претседателот на ВМРО-ДПМНЕ, Христијан Мицкoски при посетата на ГОБ “8-ми Септември” одговори на новинарско прашање во однос на изјавата на лидерот на СДСМ, Венко Филипче дека Владата работи катастрофално и кажа, дека изјавите на Филипче се контрадикторни и какафонични бидејќи Филипче дава свој суд за работата на Владата, а за истиот тој период не ја оценува својата работа како претседател на СДСМ и вели дека тоа време е прекратко.
„Па добро, сега Венко Филипче е претседател на сеуште најголемата опозициска партија во Македонија, тој, нормално да ја оценува така Владата бидејќи мисли дека на тој начин ќе добие поддршка во своето гласачко тело и кај граѓаните. Тој ја оценува Владата за својата работа за година и половина нецели еве во декември ќе биде одкако е избрана и тука дава свој суд, но затоа пак никогаш не дава свој суд за своето претседателствување за истиот период во СДСМ. Ако за тој период вели дека е прекраток за да се цени неговата работа тогаш како наоѓа за сходно да ја цени Владата за истиот период како таа работи. Мислам изјавите се какафонични и една со друга контрадикторни, не мислам дека тоа е правата порака којашто треба СДСМ да ја испраќа но добро, тоа си е нивна работа тие знаат како најдобро како треба“ нагласи Мицкоски.
Македонија
Мицкоски: Не е точно дека постои разговор за коалиција со Рамиз Мерко, не преговарам со луѓе на црната листа на САД
Не е точно дека постои разговор за коалиција со Рамиз Мерко, не преговарам со луѓе на црната листа на САД, изјави претседателот на ВМРО-ДПМНЕ, Христијан Мицкоски, денес, одговарајќи на новинарско прашање во врска со шпекулациите објавени на одредени портали за наводна коалиција со Рамиз Мерко.
„Тоа се портали, кои, претпоставувам, се финансирани од еден ист центар, кој сега е разочаран бидејќи Рамиз Мерко не ја поддржува ДУИ во вториот круг. Претпоставувам, сега, за да најдат противтежа, како да направат сензација за да ја потонат оваа вест, вадат во јавноста комплетна невистина. Многупати во минатото ние сме го кажале нашиот став за Рамиз Мерко, така што, ете, оставам на тој начин да прават и креираат сензација, инаку апсолутно е неточно“, вели Мицкоски.

