Македонија
ДСЗИ не утврди како починатото бебе од Прилеп се заразило со ешерихија коли: уредни наоди имале и мајката и персоналот во болницата
Тридневниот вонреден инспекциски надзор од Државниот санитарен и здравствен инспекторат (ДСЗИ) по смртта на бебето од Прилеп не одговори на прашањето како новороденчето се заразило со бактеријата ешерихија коли. Надзорот потврди дека бебето, третиот ден по раѓањето, било донесено на Клиниката за детски болести во Скопје со бактеријата во дишните патишта, но освен кај него, санитарните инспектори не ја најдоа бактеријата на друго место.
Во извештајот од надзорот на гинеколошкото и неонаталното одделение во прилепската болница ДСЗИ наведува дека и на бебето и на мајката им биле правени биохемиски анализи кои биле со уредни наоди.
„Родилката била донесена на одделение за гинекологија и акушерство на 27.10.2023 година во 06:00 часот со прснат воденик два часа претходно. По извршените неопходни прегледи и подготовка родилката била породена спонтано, бидејќи немало индикации за царски рез. Во 09:15 часот родила жив, машки плод во 38 гестациска недела со тежина 2720 грама (апгар 8/8/10). Родилката е сместена во болничка соба на одделение за гинекологија и акушерство заедно со бебето. Во текот на престојот на одделение, биле извршени биохемиски анализи на крв на родилката во два наврати. Резултатите биле со уреден наод. На 28.10.2023 година на утринска визита била извршена лабораториска анализа на крв и кај новороденчето. Резултатите биле со уреден наод. Во текот на престојот на акушерското одделение, новороденчето било со мајката заради воспоставување на процес на доење. Од страна на мајката немало забелешки по однос на здравјето на бебето“, стои во извештајот на ДСЗИ.
На 29.10.2023 година на утринска визита лекарите констатирале жолтило на кожата на новороденчето. Други симптоми немало и бебето било поставено на 12-часовна фототерапија.
„Извршена е лабораториска анализа на параметри за жолтица (вкупен и индиректен билирубин). Новороденчето било во добра општа состојба, со уреден белодробен наод, добар тонус и се хранело без повраќање .Од овие причини немало сомневање за рана неонатална инфекција“, наведено е во извештајот.
По фототерапијата било вратено кај мајката, но вечерта било однесено во неонатолошкото одделение, како и сите останати бебиња, за дохрана. Ви извештајот стои дека дежурната сестра на неонатологија го нахранила на полноќ и тоа имало добри витални параметри. Во 03 часот одбило да прими храна, други симптоми немало, а во 05.00 часот кога повторно одбило да прими храна била повикана дежурната докторка.
„Докторката – специјалист, педијатар, констатирала дека бебето е млитаво и со површно дишење. Проверена е гликемија,поради ниски вредности (2.1) дадена гликоза, кислородна поддршка и поради лоша клиничка слика и сомнеж за перинатална инфекција била дадена двојна антибиотска терапија, дексазон, инфузија со гликоза и ставено во инкубатор. Извршена лабораториска анализа на крв, ацидобазен статус, ЦРП. По консултација со доктор од Клиника за детски болести во Скопје новороденчето со мајката во 07:00 часот наутро со возило и екипа на Итна медицинска помош било трансферирано во ЈЗУ Клиника за детски болести во Скопје за понатамошно лекување. При надзорот ивршен е увид и во документацијата која се однесува на превземени превентивни мерки за спречување на појава на интрахоспитална инфекција ( биолошка контрола на стерилизација, редовен бактериолошки мониторинг, превентивна ДДД, здравствено хигиенски прегледи на вработениот персонал, редовни состаноци на Комисијата за заштита од ИХИ). Не се констатирани забелешки“, констатирале инспекторите од ДСЗИ.
Вонредниот надзор кај матичниот гинеколог на мајката покажал дека бременоста била уредно водена, а надзорот пак на Детска клинка потврди дека кај бебето при приемот во дишните патишта била откриена бактеријата ешерихија коли.
„При прием детето било во исклучително тешка општа состојба, хипотонично без реакција на длабока дразба, со ирегуларно дишење проследено со апнеи и акрилна цијаноза, па поставено на Б-ЦПАП. При прием со лабораторидска потврда за пораст на инфламаторни маркери веднаш била вклучена антибиотска терапија. Земена е стартна хемокултура и материјал од трахеален аспират – добиен резултат од ЈЗУ ИЈЗ на РСМ со наод за присуство на Escherichia colli во трахеален аспират, а хемокултура негативна. По добиениот позитивен наод од трахеален аспират антибиотската терапија е давана соодветно на антибиограмот. Повторно била земена хемокултура на 01.11.2023 г. и на 02.11.2023 г. со негативни наоди . Во вечерните часови (22,00ч.) на 30.10.2023г. поради влошување на состојбата било поставено на механичка вентилација. Третиот ден од престој се јавила олигоанурија. На 05.11.2023г.во 14,40ч. настанал Сardiac arrest па детето е реанимирано; во 20,15 ч. повторно настапува Cardiac arrest но без одговор и настанала смрт во 20,35ч.“, стои во извештајот.
Врз основа на наодите ДСЗИ заклучува дека не се констатирани недостатоци кои се во надлежност на Инспекторатот, па за стручниот дел од работата иницира стручен надзор за кој министерот за здравство може да формира посебна комисија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЕСМ назначи тројца нови директори на подружниците за парно греење
АД ЕСМ објави дека назначи нови тројца директори на филијалите, односно фирмите-ќерки, што претставуваат системи за топловодно загревање.
Според одлуката на Управниот одбор, Марјан Милошевски, дипломиран машински инженер, е именуван за директор на подружница Енергетика.
Али Исмаиљ, дипломиран инженер по компјутерски науки, ќе раководи со ЕСМ Снабдување со топлина.
Александар Мирчевски, електроинженер, е поставен за директор на ЕСМ Топлификација Битола.
Македонија
Министерот Мисајловски на состанок на Северноатлатнскиот совет на НАТО, на ниво на министри за одбрана
Министерот за одбрана Владо Мисајловски од денеска учествува на дводневениот состанок на Северноатлантскиот совет на НАТО, на ниво на министри за одбрана, во Брисел.
Ова е прв состанок на НАТО на високо ниво по Самитот во Вашингтон и воедно прв состанок што го води новиот генерален секретар Марк Руте.
На одделните сесии, главни теми за дискусија се: одвраќањето и одбраната на Алијансата, поддршката за Украина, и зајакнувањето на соработката со земјите од Индо-пацификот.
Целта на состанокот е преглед на имплементацијата на одлуките од Самитот во Вашингтон во насока на зајакнување на капацитетите на Алијансата за одговор на растечките закани и предизвици.
Денеска беше оддржан и Состанок на земјите членки на Глобалната коалиција за борба против ИСИС, во организација на САД, со која претседаваше секретарот за одбрана Лојд Остин. Од страна на Министерот Мисајловски беше потенцирано дека справувањето со тероризмот останува од суштинско значење за колективната одбрана, во рамките на која македонската Влада ќе продолжи да соработува со своите сојузници.
На сесијата со глобалните партнери, покрај висок претставник на Европската Унија, за прв пат се поканети и министрите за одбрана на Австралија, Јапонија, Нов Зеланд и Република Кореја, на која се разговараше за тековните предизвици и неделивоста на глобалната безбедност.
Посебна сесија е посветена на јакнењето на соработката со Украина и јакнењето на глобалните партнерства. Во присуство на претседателот Володимир Зеленски и министерот за одбрана Рустем Умеров, ќе се разговара за новата НАТО Команда за координација на помош и обука за Украина, финансиската поддршка и за другите иницијативи што ќе овомзможат долгорочна помош.
На маргините на состаноците, министерот Мисајловски оствари одделни билатерални состаноци со своите колеги од Албанија, Норвешка и Словенија, и се заложи за понатамошно зајакнување на билатералната соработка во областа на одбраната.
Македонија
МАНУ: Во Македонија постои само една национална академија
Претседателството на МАНУ укажува дека Академијата никогаш не се занимавала и нема да се занимава со дневнополитички расправи и партиски дискусии, кои ја оптоваруваат редовната дејност на Академијата, односно со работи кои спаѓаат во доменот на Законодавниот дом и на државните институции, се наведува во соопштението од МАНУ во однос на најавите од некои политички партии за основање на академија на етничките Албанци во Македонија.
– Напоменуваме дека во Македонија, како и во земјите во регионот и во светот, постои само една национална академија која ја претставува државата во европската и во други меѓународни асоцијации на академии. Постојат примери во државите во регионот и пошироко за формирање на т.н. струкови академии во рамките на соодветни стручни здруженија (Академија за архитектура, Академија за медицински науки и др.), како и други научно-уметнички друштва во поголемите градови и во регионалните центри, но нема примери за формирање на паралелни национални академии, се подвлекува во соопштението од Претседателство на МАНУ.
„МАНУ секогаш била отворена за сите граѓани кои ги исполнуваат високите научни и уметнички критериуми за членство во неа, независно од етничката, верската и од каква било друга припадност. За политичките партии и нивните влијанија никогаш немало место во неа. Од нејзиното основање до денес, членови во Академијата биле припадници на македонскиот народ, но исто така и на сите етнички заедници. Меѓу другото, во последните петнаесетина години, во составот на МАНУ членуваа четири члена со албанска етничка припадност (од коишто, во трите последователни раководства, еден од нив ја извршуваше функцијата научен секретар, а двајца беа потпретседатели на Академијата, од кои еден и со мандат во актуелното раководство на Академијата), како и четири члена надвор од работниот состав“, посочуваат оттаму.
МАНУ, се наведува во соопштението, претставува најзначајна национална научна и уметничка институција од посебен општествен интерес во нашата држава, формирана во 1967 година, во согласност со највисоките универзални научни и уметнички стандарди и критериуми. Таа, повеќе децении наназад, со својата научно-истражувачка дејност, преку своето творештво и со советодавната улога, претставува столб во градењето и во зачувувањето на идентитетот и на државноста на македонскиот народ и на деловите од другите народи кои живеат во земјата.
Град Скопје: Суетата на Мицкоски е поважна од потребите на граѓаните, одлуката да не се доделат средства за проектите ја потврдува секташката ментална состојба на владата
Одлуката на Владата да не додели средства за проектите за кои аплицираше градот Скопје уште еднаш ја потврдува секташката ментална...
(Видео) Уапсени 13 лица за проституција и дрога во Тетовско и Охрид, едно лице е во бегство
Одделот за сузбивање организиран и сериозен криминал при МВР заедно со истражители од Истражниот центар на ОЈО ГОКК, а под...
Јакимовски до Јаневска: И се извинувам што ја нареков „северџанка“, мора да разговараме и заедно да обезбедиме услови за нормално функционирање на училиштата во Карпош
Градоначалникот на Општина Карпош Стевчо Јакимовски јавно и се извини на министерката за образование Весна Јаневска затоа што вчера ја...
Струмица не доби пари оти конкурирала со веќе почнат проект, Мицкоски апелира до 16 ноември да поднесат нови проекти
Четирите локални самоуправи што не добија пари од унгарскиот кредит, Струмица, Град Скопје, Сарај и Теарце, до 15 ноември може...
Филков ја разбира нервозата на Лога: Понатамошниот дијалог ќе се одвива пред надлежните органи
Министерот за правда, Игор Филков, стои зад вчерашните изјави дека неговиот претходник, Кренар Лога, пред да замине од функцијата со...
МВР го објави идентитетот на загинатите во сообраќајката кај Катланово, сите се велешани
Три лица загинаа на лице место во сообраќајната несреќа што се случи вчера на автопатот Скопје – Велес, пред тунелот...
Минчев: Сакаме да создадеме јавна администрација која ќе ги задоволи потребите на граѓаните
Министерот за јавна администрација, Горан Минчев, учествуваше на првата трибина во рамките на Платформата „100 oтсто Посветено за тебе“, одржана...
Таравари за случајот со починатото бебе: Докторите направиле превид, директорите да преземат мерки
Немам ингеренции да избркам некого од работа, но инсистирам директорите на Детската клиника и на болницата „Козле“ да преземат мерки...
Жител на Кочани осомничен за насилство: во училиштен двор удирал дете со тупаници, подоцна со клоци нападнал полицаец
Основното јавно обвинителство Кочани поведе постапка против 24-годишник за кого постои основано сомнение дека ги сторил кривичните дела – Насилство...
Внимавајте на платформите што нудат брза заработка и вложувања во крипто, апелираат надлежните во Македонија
Во период на зголемени рекламни активности на социјалните мрежи поврзани со т.н. „платформи за остварување на брза заработка преку интернет“,...
Северна Кореја ја прогласи Јужна Кореја за непријателска земја: комуникацијата е прекината, патните и железничките врски целосно блокирани
Северна Кореја ја прогласи Јужна Кореја за „непријателска држава“ и потврди дека ја прекинала комуникацијата со таа земја, објави утринава...
Нетанјаху: Најмодерното руско оружје пронајдено во базите на Хезболах во Либан
Израелскиот премиер Бенјамин Нетанјаху изјави дека израелските сили пронашле „најмодерно руско оружје“ за време на претресот на базите на Хезболах...
Бајден испраќа вреден пакет воена помош во Киев, Пентагон објави детали
Американскиот претседател Џо Бајден разговараше вчера со украинскиот претседател Володимир Зеленски за зголемување на безбедносната помош за Украина и најави...
САД: Видовме снимки од ракети во цивилни куќи, Израел има право да ги нападне
Израел има право да го нападне Хезболах во Либан дури и во цивилни згради, но тоа мора да го направи...
Израелскиот министер за одбрана: Макрон е срам за француската нација
Министерот за одбрана на Израел го нападна францускиот претседател откако на израелските компании им беше забрането да учествуваат на саемот...
Се преврте комбе кај Катланово, загинаа три лица, има и повредени
Три лица загинаа, а пет се префрлени во болница откако се преврте комбе кај тунелот на автопатот Скопје-Велес. Според информациите...
Oбид за убиство во Македонија поради имот
Полицијата поднесе кривична пријава против Р.Ц.(59) од Македонски Брод поради убиство во обид. „На 13 октомври во семејна куќа во...
Лога за Филков: Тој е затворен во кабинетот од својата шефица, која не му дозволува да комуницира
За жал, господинот Филков е само потписник во таа институција, а министерството го раководи Радица Лазареска Геровска, со која целото...
„Тука е девојчето што го барате, ако дознае Палчо, ќе ме убие“ – обвинетиот им покажал на полицајците каде е закопана Вања
На денешното судење за убиството на Вања и Панче обвинетиот Влатко Кешишов го однел сведокот Музафер Каришиќ до местото на...
Јакимовски: Има средства да се финансира академија на науки и уметности на Албанците, а нема да се обезбеди парно за учениците во Карпош
Не може да се штеди на грбот на граѓаните и децата на територија на општина Карпош. Вчера градоначалниците Албанци од...
