Македонија
ДУИ: Албанскиот народ секогаш бил обединет пред провокациите, упатуваме повик до ВМРО-ДПМНЕ да размислат за нивната раздорна реторика и за постапките

„Изјавите на ВМРО-ДПМНЕ за „пад на популарноста“ на ДУИ не се ништо друго освен проекција на нивните сопствени несигурности. Ако барем еднаш би биле искрени, ќе ја признаат шокираноста што ја доживеаја овие денови кога ги видоа нивните интерни анкети, кои јасно покажуваат дека нивните инженерирани албански партнери се избришани од политичката мапа“, реагираат од ДУИ.
„Ова е реалноста: колку повеќе угнетувате еден народ, толку повеќе расте неговата издржливост и отпор. Албанскиот народ секогаш бил обединет пред провокациите, а секој обид за нарушување на нивното достоинство само ќе ја зајакне нивната решителност да останат горди. Им упатуваме повик на ВМРО-ДПМНЕ и нивните соработници да размислат за нивната раздорна реторика и постапки. Силата на едно општество лежи во еднаквоста, правдата и почитта кон сите заедници – не во обидите да се потчини една заедница за краткорочна политичка добивка“, се нагласува во нивното соопштение.
Албанците, како што потенцираат, ќе продолжат да се издигнуваат над овие провокации, како што секогаш го правеле тоа.
„ДУИ останува непоколеблива во својата мисија за заштита на достоинството и правата на Албанците, како и на сите граѓани, градејќи посилна и пообединета Северна Македонија“, велат од ДУИ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.