Премиерот Христијан Мицкоски упати божиќна честитка во која посака да го поминеме овој празник во духовен мир, со радост во срцата, во кругот на семејството и најблиските.

„Почитувана Ваша Светост, архиепископ Охридски и Македонски, г.г. Стефан,

Почитувани членови на Светиот архиерејски синод,

Почитувано свештенство и монаштво,

Драги сограѓани,

Во мое лично име и во име на Владата упатувам најискрени честитки по повод големиот христијански празник – Божиќ.

Раѓањето на Спасителот на светот е симбол на љубовта, милосрдието и жртвата за доброто на човештвото. Овој свет ден нè потсетува на вистинските вредности – вербата, надежта и љубовта, кои треба да нè водат во секојдневниот живот. Божиќ нè повикува и да бидеме солидарни, да си помагаме еден на друг и да ја споделуваме радоста со сите околу нас.

Во време кога предизвиците се бројни, оваа празнична атмосфера нè поттикнува на размислување за заедништвото и единството, како најсилен темел за изградба на подобра иднина. Нека Божиќ биде потсетник дека со вера, труд и меѓусебно разбирање можеме да создаваме општество исполнето со мир, правда и напредок.

Нека Божиќ ни даде нова сила да работиме заедно и да создаваме големи дела за доброто на сите граѓани, негувајќи ја традицијата и духовноста како темели на нашето општество.

Посакувам да го поминеме овој празник во духовен мир, со радост во срцата, во кругот на семејството и најблиските.

Нека Божјата милост нé води низ животот, носејќи благосостојба, здравје и успех во секој наш чекор.

Христос се роди!

Со почит,

Христијан Мицкоски“

Со почит“, се вели во честитката.

Земјотрес бил регистриран утрово во 7 часот и 23 минути во Македонија.

Според информациите од сеизмолошката опсерваторија, потресот е со јачина од 2,2 степени според Рихтеровата скала, а епиентарот се наоѓа на 130 километри југоисточно од Скопје

Според досегашните податоци со кои располага опсерваторијата, земјотресот е почувствуван во југоисточните делови на Републиката со интензитет од III степени според Европската макросеизмичка скала.

Времето денес ќе биде променливо облачно, по одделни котлини со појава на магла или ниска облачност.

Кон крајот на денот и во текот на ноќта во западните делови ќе има слаби локални врнежи од дожд. Ќе дува слаб до умерен ветер од јужен правец. Минималната температура ќе биде во интервал од -2 до 4, а максималната ќе достигне од 6 до 13 степени.

Во Скопје променливо облачно со појава на магла. Минималната температура ќе се спушти до 0, а максималната ќе достигне до 6 степени.

До петок ќе се задржи стабилно време со слаб, наместа умерен јужен ветер. По котлините ќе има појава на магла или ниска облачност и таму температурите ќе се задржат пониски. Во останатите места ќе биде релативно топло, особено на планините каде ќе има постепено топење на снежната покривка. Во петок попладне и за време на викендот ќе има повремени врнежи кои најпрво ќе бидат од дожд, а поради спуштање на постудена воздушна маса со северен ветер постепено ќе преминуваат во снег.