Македонија
ДУИ: Албанците се понижуваат и омаловажуваат од слугите на ВМРО-ДПМНЕ и 30 години подоцна се враќаат со своите права како граѓани од втор ред

Демократската унија за интеграција и граѓаните се шокирани од бруталните и секојдневни лаги на поразените на изборите и слугите на ВМРО на чело со Изет Меxити за официјалниот албански јазик и обидот на Уставниот суд да го укине, нагласуваат од оваа партија.
„Во секое медиумско појавување бесрамно зборуваат лаги, во секоја постапка грешат.
За толку кратко време на власт Изет и ВЛЕН продолжуваат да уништуваат се што е постигнато за Албанците.
Изет вчера побара отчет од ДУИ зошто сме го прифатиле албанскиот закон таков каков што е?!
Одговорот го знае Изет, бидејќи самиот тој ја предводеше преговарачката група од ДУИ со СДСМ и го презентираше Законот под претседателството на партијата, дури и во значително послаба форма од законот што беше усвоен во 2019 година.
Истиот тој закон, Таравари тврдеше дека го донел, во многу јавни изјави, иако Владата не отвори уста кога се изгласа законот.
Изет и ВЛЕН, како вазали и без легитимитет, веќе се претворија во достојни бранители и промотори на антиалбанската политика на ВМРО, а секој напад врз Албанците се обидуваат да го релативизираат и привлечат вниманието кон ДУИ и Европскиот фронт.
Така се случи со назначувањето на Путин на Стоилковиќ за министер за Охридскиот договор, смената на Балансерот, прекинот на работата на Коридорот 8, омаловажувањето на претседателот на Република Косово и обидот за екстрадиција на поранешниот војник на ОВК, Блерим Рамадани, до подготовка на теренот за укинување на Законот за употреба на јазиците“, истакнуваат од ДУИ.
Албанците се понижуваат и омаловажуваат од слугите на ВМРО ДПМНЕ и 30 години подоцна се враќаат со своите права како граѓани од втор ред.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.