Македонија
ДУИ: ВМРО е против Албанците, Коридорот 8, ЕУ и САД

Опозициската ВМРО ДПМНЕ секојдневно потврдува дека е фундаментално ориентирана против Албанците во нашата држава, против изградбата на Коридорот 8 и против интеграцијата во Европската Унија и стратешкото пријателство со САД, обвини ДУИ.
„Бруталната бесмислена и неискрена кампања на ВМРО против изградбата на најголемиот инфраструктурен проект во историјата на нашата земја е целосно лицемерство. Едно зборуваат на затворени состаноци, друго во јавност. Напорите на ВМРО да се натпреваруваат во мртвата трка со Левицата во тоа кој е поголем антиалбанец, ја враќаат државата пред 2001 година. ВМРО е против лбансккиот јазик и против Охридскиот рамковен договор“, велат од партијата.
Според ДУИ, блокирањето на интеграцијата во ЕУ и пријателството со САД од страна на ВМРО има цел зацврстување на руското присуство во земјата и регионот.
„Демонстрацијата на една единствена слика во маскирна униформа со празен ‘калашников’ и опколен со жени и деца на испраќање на Мицкоски, како и повиците на војна во Собранието од страна на Николовски, имаат цел дестабилизација на земјата и испраќање порака кон Албанците дека тие се второстепени граѓани во државата.
ВМРО во трка со проруската Левица блокира закони во Собранието, ја блокира државата и демонстрира како изгледаше заробената држава како потсетник за граѓаните што можеби заборавиле“, порачаа од ДУИ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нормализиран сообраќајот од и кон Граничниот премин Блаце

Министерството за внатрешни работи ја известува јавноста дека вечерва е нормализиран сообраќајот на патниот правец Стенковец-ГП Блаце.
Граѓаните можат непречено да се движат во двата правци, а нормално функционира и граничниот премин Блаце, велат од МВР.
Македонија
(Видео) Повеќе од 45 тони вода исфрли полицискиот хеликоптер во гаснењето на пожарот во Чучер Сандево

Полициски хеликоптер Бел-412 денеска повторно се вклучи во гаснење на пожарот во општина Чучер Сандево, соопшти МВР.
„И покрај тешките услови за гаснење непристапен терен и непрегледност поради чад, полицискиот хрликоптер исфли над 45 тони вода во подршка на екипите на терен за ставање под контрола на истиот“.
Македонија
(Видео) Сè уште активен и надвор од контрола пожарот кај Чучер Сандево, со интервенција од воздух ќе се продолжи во утринските часови

Пожарот кој е активен на територија на Чучер Сандево и покрај интервенциите од воздух, за жал сè уште е надвор од контрола, информираат од ЦУК.
Во текот на денешниот ден, на терен, како што појаснуваат надлежните, интервенирале сите расположливи сили и средства — општински служби, физички и правни лица, како и екипи од БППЗ, ДЗС, МВР и ЦУК.
„Сите капацитети се ангажирани, но условите на теренот се исклучително тешки.
Голема е вознемиреноста кај населението, бидејќи чадот се проширува низ целата општина и селата Чучер, Мирковци, Глуво, Бразда, сè до Бутел. Истовремено, регистриран е и нов пожар во атарот на село Кучевиште, кој зафаќа голема површина и се наоѓа во близина на куќи“, според објавеното на социјалните мрежи.
Во раните утрински часови, како што појаснуваат, беше пружена воздухопловна поддршка со три летала, а попладнето со уште еден воздухоплов.
Поради временските услови, се очекува пожарот во текот на ноќта делумно да се стиши, што би овозможило поефикасно дејствување на теренот утре.
За утре е планирано акциите да започнат уште во 5:00 часот, со ангажирање на сите институционални и општински сили на целата зафатена површина, со поддршка од два воздухоплова на МВР. Во вечерните часови, екипите ќе останат на терен и ќе интервенираат согласно приоритетите и потребите, соопштија надлежните.